Ісламскі фронт іракскага супраціву
| Ісламскі фронт іракскага супраціву | |
|---|---|
 | |
| З'яўляецца часткай | Палітычны савет іракскага супраціву |
| Ідэалогія | нацыяналізм, ісламізм |
| Рэлігійная прыналежнасць | іслам (сунізм) |
| Саюзнікі | Рэвалюцыйная брыгада 1920 |
| Праціўнікі | Міжнародныя кааліцыйныя сілы ў Іраку |
| Удзел у канфліктах | Іракская вайна |
Ісламскі фронт іракскага супраціву, ІФІС (араб. الجبهة الإسلامية للمقاومة العراقية - جامع; аль-Джабха аль-Ісламія Ліл-Макавама аль-Іракія) — іракская паўстанцкая групоўка. Першае згадванне арганізацыі датуецца 28 маем 2004 года. З 2007 года ўваходзіць у склад кааліцыі «Палітычны савет іракскага супраціву»[1]. Кіраўніцтва ІФІС неаднаразова рабіла акцэнт, што групоўка вядзе барацьбу выключна супраць амерыканцаў, а не грамадзян Ірака.
Фракцыя мае нацыяналістычныя і ісламісцкія схільнасці. Многія з яе членаў пры рэжыме Садама Хусейна служылі ў Рэспубліканскай гвардыі. Ёсць меркаванне, што ІФІС займеў сувязі з арганізацыяй «Браты-мусульмане» і апалчэннем «Рэвалюцыйная брыгада 1920». Як заяўлялі самі члены групоўкі, яны маюць «ўсебаковае і цэласнае бачанне таго, што адбываецца на іракскай арэне і ўласнае прачытанне Карана і Суны»[1].
Арганізацыйна ІФІС складаецца з двух элементаў: Палітбюро, якое займаецца ідэалагічнымі пытаннямі, прапагандай і агульным кіраўніцтвам, і брыгады Салах ад-Дзін аль-Аюбі, што адказвае за правядзеннем ваенных аперацый[1].