Айкідо

Айкідо (яп.: 合気道 у перакладзе “дарога да арганізацыі энергіі”^[1]) — японскае баявое мастацтва (від кэмпо), распрацаванае ў 1920-я гады ветэранам расійска-японскай вайны 1904-1905 гадоў Марыхэем Уэсібам.

Айкідо ў Беларусі

Нікке-осаэ ў айкідо — адна з пачатковых тэхнік. 1989 Мінск Цэнтр Баявых Мастацтваў «Сэкай»

Першая секцыя айкідо ў Мінску з'явілася ў 1990^[2]. Першым трэнерам айкідо быў Валерый Буяк, Цэнтр усходняй культуры «Сэкай». Выкладаў ён гэты від кэмпа з 1990 па 1996. Частка яго першых вучняў у наступным аддзялілася і арганізавала новыя клубы і асацыяцыі айкідо, як, напрыклад, Аляксандр Лепяшкевіч. З'явіліся і іншыя спецыялісты, якія навучаліся ў СНД ці ў далёкім замежжы.

На дадзены момант у краіне ёсць Федэрацыя Айкідо, якая шчыльна супрацоўнічае з Міжнародным Цэнтрам Айкідо - Айкікай Хомбу Дадзё (Токіё, Японія) ^[3] і некалькі клубаў па розных стылях і кірунках:

• Найбуйны з цяперашніх клубаў – «Айкідом», заснаваны яшчэ ў 1996, прадстаўляе стыль Айкікай. Галоўны трэнер клуба Аляксандр Лепяшкевіч, 2-ы дан Айкідо Айкікай.
• Зарэгістраваная ў 1995 Беларуская федэрацыя Айкідо таксама з'яўляецца прадстаўком стылю Айкікай у Беларусі. Андрэй Мастоўнікаў, старшыня Беларускай Федэрацыі Айкідо, 5-ы дан Айкідо Айкікай.
• Таварыства вывучэння Кі (кірунак Кі-айкідо Каіці Тахэя)^[4].
• Клуб «Себуайкі», заснавальнік і кіраўнік - Зелянкоў Сяргей Міхайлавіч (4-ы дан Айкікай), куратар - fr:Christian Tissier (7-ы дан Айкідо Айкікай, Францыя), раней - ru:Фудзита, Масатакэ (8-ы дан Айкідо Айкікай, Японія) ^[5].
• Клуб «Ідзумі». Інструктар - Калтыгін Максім Валер'евіч, 3-і дан Айкідо Айкікай^[6].
• Клуб Айкідо «Муманкан». Заснавальнік і кіраўнік - Голешаў Віталь Юр'евіч (4-ы дан Айкідо Айкікай), тэхнічны дырэктар - Макота Іта (6-ы Дан Айкідо Айкікай, Токіё). Клуб Муманкан знаходзіцца ў Мінску, філіялы клуба працуюць у Віцебску і Наваполацку.^[7].

Стылі Айкідо ^[8][9]

• Айкікай
• Ёсейкан
• Ёсінкан
• Івама-рю
• Сін-сін тоіцу Айкідо
• Томікі-рю

Зноскі

1. Алінка Новік. Сэнсэй Гэмбал: Гродзенскі клуб айкідо – адзін з лепшых(недаступная спасылка)// Радыё "Твой стыль". 12 красавіка 2007
2. «Физкультурник Белоруссии» 25 сентября 1990 г. — першая аб'ява пра набор у групы айкідо ў Мінску, Цэнтр «Сэкай»
3. http://www.belaikido.by/
4. Беларускае таварыства вывучэння Кі
5. Sebuaiki (руск.)
6. сайт клуба «Ідзумі» Айкідо Айкікай Архівавана 16 кастрычніка 2015. (руск.)
7. Клуб Айкідо Муманкан (бел.) (руск.) (англ.)
8. http://www.gokai.org/cgi-bin/article.pl?article=styles Архівавана 29 чэрвеня 2012.
9. http://muzhestvo-aikido.narod.ru/aikido/aikikai-yoshinkan.html

Спасылкі