Аляксандр Пятровіч Даўжэнка

Аляксандр Пятровіч Даўжэнка
укр.: Олександр Петрович Довженко
Дата нараджэння	29 жніўня (10 верасня) 1894
Месца нараджэння	Сосныця, Сосніцкі павет^[d], Чарнігаўская губерня, Расійская імперыя
Дата смерці	25 лістапада 1956(1956-11-25)[1][2]^[…] (62 гады)
Месца смерці	Масква, РСФСР, СССР
Месца пахавання	Новадзявочыя могілкі[3]
Грамадзянства	Украінская Народная Рэспубліка  Украінская дзяржава  УССР  Расійская імперыя  СССР
Жонка	Юлія Сонцава^[d]
Адукацыя	Кіеўскі нацыянальны эканамічны ўніверсітэт імя Вадзіма Гецьмана Глухіўскі нацыянальны педагагічны ўніверсітэт імя Аляксандра Даўжэнкі
Месца працы	Усерасійскі дзяржаўны ўніверсітэт кінематаграфіі імя С. А. Герасімава
Прафесія	кінарэжысёр, сцэнарыст, кінапрадзюсар, пісьменнік, мантажор, дыпламат, рэжысёр
Кірунак	дакументальны фільм
Прэміі
Узнагароды
IMDb	ID 0235590
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Даўжэнка.

Аляксандр Пятровіч Даўжэнка (укр.: Олександр Петрович Довженко, руск.: Алекса́ндр Петро́вич Довже́нко; 11 верасня 1894, хутар Уюнішча, Чарнігаўская губерня, Расійская імперыя, цяпер Чарнігаўская вобласць Украіны — 25 лістапада 1956, пасёлак Перадзелкіна, Маскоўская вобласць, РСФСР) — украінскі кінарэжысёр, пісьменнік. Заслужаны дзеяч мастацтва Украіны (1939), народны артыст Расіі (1950).

У 1957 годзе імем названа кінастудыя імя А. Даўжэнкі.

Біяграфія

Скончыў Глухаўскі настаўніцкі інстытут (1914). Вучыўся ва Украінскай акадэміі мастацтва ў Кіеве (1917—1919). У 1926—1928 гадах працаваў на Адэскай кінафабрыцы, у 1929—1941 гадах — на Кіеўскай студыі мастацкіх фільмаў, з 1946 года — на «Масфільме».

Творчасць

Сярод фільмаў: «Сумка дыпкур’ера» (1927), «Звяні-гара» (1928), «Арсенал» (1929), «Зямля» (1930), «Іван» (1932), «Аэраград» (1935), «Шчорс» (1939), «Мічурын» (1949); дакументальныя «Бітва за нашу Савецкую Украіну» (1943) і «Перамога на Правабярэжнай Украіне» (1945, разам з Ю. Сонцавай). Фільмы А. Даўжэнкі філасофскія, рамантычна прыўзнятыя, паэтычныя, з метафарычнасцю кінамовы, блізкія да традыцый украінскага фальклору. Аўтар апавяданняў («Маці», «Перад боем», «Перамога» і інш.), аўтабіяграфічнай аповесці «Зачараваная Дзясна» (выд. 1957), кінааповесцей «Аповесць палымяных гадоў» (1944—45), «Паэма пра мора» (1956).

Фільм «Зямля» ўвайшоў у спіс 12 лепшых фільмаў усіх часоў і народаў па версіі Сусветнай выставы 1958 года ў Бруселі.^[4]

Прэміі і ўзнагароды

• Дзяржаўныя прэміі СССР (1941, 1949)
• Ленінская прэмія (1959, пасмяротна).

Бібліяграфія

• Собр. соч. Т. 1—4. М., 1966—1969.

Зноскі

1. Person Profile // Internet Movie Database — 1990. Праверана 12 жніўня 2015.
   <a href="https://wikidata.org/wiki/Track:Q37312"></a>
2. Alexander Petrowitsch Dowschenko // Brockhaus Enzyklopädie
   <a href="https://wikidata.org/wiki/Track:Q237227"></a>
3. Find a Grave — 1996. Праверана 29 чэрвеня 2024.
   <a href="https://wikidata.org/wiki/Track:Q63056"></a>
4. https://poltava-trend.in.ua/uk/eternal-1856-yak-yaresky-pobachyv-uves-svit-poltavski-krayevydy-u-filmah-dovzhenka

Літаратура

• Даўжэнка // БЭ ў 18 т. Т 6. — Мн., 1998.
• Марьянов А. Довженко. — М., 1968.
• Уроки Александра Довженко: Сб. ст. — Киев, 1982.

Спасылкі

• Аляксандр Даўжэнка на сайце «KINO-КОЛО» (укр.)