Андрэ-П’ер Жыньяк

Андрэ-П’ер Жыньяк
Агульная інфармацыя
Мянушкі	Дэдэ (Dédé)
Нарадзіўся	5 снежня 1985(1985-12-05)[1][2]^[…] (39 гадоў) Марціг^[d], дэпартамент Буш-дзю-Рон, рэгіён Праванс — Альпы — Лазурны Бераг, Метраполія Францыі, Францыя
Грамадзянства	Францыя
Рост	187 см
Вага	95 кг
Пазіцыя	нападнік
Інфармацыя пра клуб
Клуб	Тыгрэс УАНЛ
Нумар	10
Маладзёжныя клубы
1990—1995 Фос 1995—2002 Марціг 2002—2004 Лар’ян
Клубная кар’ера[* 1]
2004—2007 Лар’ян 51 (11) 2005—2006 →  По 18 (8) 2007—2010 Тулуза 97 (34) 2010—2015 Алімпік (Марсель) 158 (60) 2015— Тыгрэс УАНЛ 222 (128)
Нацыянальная зборная[* 2]
2021 Францыя (алімп.) 4 (4) 2009—2016 Францыя 36 (7)
Узнагароды і медалі
Чэмпіянаты Еўропы Срэбра Францыя 2016
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 8 мая 2021. Колькасць гульняў і галоў за нацыянальную зборную ў афіцыйных матчах, адкарэктавана станам на 8 жніўня 2021
Медыяфайлы на Вікісховішчы

Андрэ-П’ер Жыньяк (фр.: André-Pierre Gignac; нар. 5 снежня 1985, Марціг, Францыя) — французскі футбаліст, нападнік мексіканскага клуба «Тыгрэс УАНЛ». Ігрок нацыянальнай зборнай Францыі (2009—2016). Жыньяк мае стрыечных братоў футбалістаў Жака Абарданадо і Яана Мало.

Клубная кар’ера

«Лар’ян»

Андрэ-П’ер пачаў сваю кар’еру ва ўзросце пяці гадоў у школе клуба «Фос». Затым гуляў у акадэміі «Марціга»^[3] і моладзевым складзе клуба «Лар’ян», які выступаў у Лізе 2. 13 жніўня 2004 года Жыньяк дэбютаваў у асноўным складзе «Лар’яна», выйшаўшы на замену ў матчы супраць «Шатару», праз некалькі секунд пасля з’яўлення на полі, Жыньяк забіў гол у браму супернікаў, прынёсшы перамогу сваёй камандзе.

«Тулуза»

25 чэрвеня 2007 года Жыньяк падпісаў чатырохгадовы кантракт з клубам «Тулуза», які заплаціў за трансфер форварда 4,5 млн еўра. «Тулуза» здолела выйграць барацьбу за іграка ў клуба «Ліль», з якім Андрэ-П’ер нават падпісаў папярэдні кантракт, прапанаваўшы заробак у два разы вышэй, чым прапаноўваў «Ліль»^[4].

«Алімпік» Марсель

24 жніўня 2010 года ігрок падпісаў чатырохгадовы кантракт з марсельскім «Алімпікам» з заработнай платай у 60 тысяч фунтаў стэрлінгаў у тыдзень^[5]. Сума трансферу склала 18 млн еўра^[6]. 29 жніўня 2010 года ігрок дэбютаваў за марсельцаў у выязным матчы супраць «Бардо», замяніўшы на 75-й хвіліне Брандана. Праз два месяцы пасля пераезду ў Марсель Жыньяк забіў свой першы гол за клуб у матчы супраць «Сент-Эцьена», які скончыўся з лікам 1:1. 3 лістапада 2010 года Жыньяк аформіў хет-трык у пераможным матчы Лігі чэмпіёнаў супраць славацкай «Жыліны» з лікам 7:0.

Аднак восень для Жыньяка прайшла вельмі цяжка, што прывяло да крытыкі з боку мясцовых СМІ, клубных прыхільнікаў і былых ігракоў клуба, гэта значыць Жан-П’ер Папен раскрытыкаваў гульню нападніка, заявіўшы што ён стаў занадта прадказальным^[7]. Жыньяк прызнаў, што крытыка ў яго бок была апраўдана і паабяцаў змяніць сваю гульню ў 2011 годзе^[8]. Пасля зімовага перапынку Жыньяк пачаў больш забіваць, спачатку адзначыўшыся ў першым матчы лігі супраць «Бардо» (2:1).

«Тыгрэс УАНЛ»

18 чэрвеня 2015 года было абвешчана аб пераходзе Жыньяка ў мексіканскі клуб «Тыгрэс УАНЛ». У 2015 годзе дапамог клубу выйсці ў фінал Кубка Лібертадорэс, а таксама стаць чэмпіёнам Апертуры 2015.

Міжнародная кар’ера

У склад зборнай Францыі Жыньяк быў выкліканы ўпершыню ў 2009 годзе на матч супраць зборнай Літвы. 1 красавіка ён упершыню выйшаў у футболцы нацыянальнай каманды, замяніўшы Франка Рыберы на 69-й хвіліне сустрэчы^[9]. 12 жніўня ён забіў свой першы гол за зборную, паразіўшы браму зборнай Фарэрскіх астравоў і прынёсшы сваёй камандзе перамогу^[10].

Дасягненні

Алімпік Марсель:

• Уладальнік Кубка лігі Францыі (2): 2011, 2012

Тыгрэс УАНЛ:

• Чэмпіён Мексікі (2): 2015 (Апертура), 2016 (Апертура), 2017 (Апертура), 2019 (Клаўсура)
• Чэмпіён чэмпіёнаў (3): 2016, 2017, 2018
• Пераможца Лігі чэмпіёнаў КАНКАКАФ: 2020
• Уладальнік Кубка чэмпіёнаў: 2018

Асабістае жыццё

Жыньяк, які мае акрамя алжырскіх, яшчэ і цыганскія карані, жанаты на цыганцы^[11], мае сына, якога таксама клічуць Андрэ-П’ер.

Крыніцы

1. André-Pierre Gignac // Transfermarkt — 2000. Праверана 9 кастрычніка 2017.
   <a href="https://wikidata.org/wiki/Track:Q2449070"></a>
2. ANDRE-PIERRE GIGNAC // Argentine Soccer Database
   <a href="https://wikidata.org/wiki/Track:Q19368470"></a>
3. André-Pierre Gignac, un Martégal de plus en Bleus. laprovence.com
4. L’Imbroglio Gignac Архівавана 27 мая 2009.. mercato365.com
5. «Фулхэм» арендует нападающего «Марселя» Жиньяка. championat.com
6. «Марсель» объявил о приобретении Жиньяка Архівавана 27 жніўня 2010.. championat.ru
7. JPP, une critique sans pitié avec Gignac. Foot 01.
8. Gignac: I’ve not been good enough. Ligue de Football Professionnel.
9. France striker Gignac fit for World Cup qualifier Архівавана 29 ліпеня 2009.. ESPN
10. Гол Жиньяка принёс Франции победу над Фарерами Архівавана 15 жніўня 2009.. championat.ru
11. Beware the Bull: France ready to unleash Gypsy king Andre-Pierre Gignac on Irish defence. Daily Mail

Спасылкі

• На Вікісховішчы ёсць медыяфайлы па тэме Андрэ-П’ер Жыньяк