Баліс Дварыёнас

Баліс Дварыёнас
літ.: Balys Dvarionas
Род дзейнасці	дырыжор, кампазітар, піяніст, выкладчык універсітэта
Дата нараджэння	6 (19) чэрвеня 1904
Месца нараджэння	Лібава, Гробінскі павет^[d], Курляндская губерня, Расійская імперыя
Дата смерці	23 жніўня 1972(1972-08-23)[1][2] (68 гадоў)
Месца смерці	Вільня, Вільнюскае гарадское самакіраванне, Літоўская ССР, СССР
Месца пахавання	Palanga cemetery^[d]
Грамадзянства	Літва  СССР
Жонка	Aldona Dvarionienė^[d]
Месца працы	Літоўская акадэмія музыкі і тэатра
Альма-матар	Лейпцыгская вышэйшая школа музыкі і тэатра Лібаўская гімназія^[d]
Член у	Саюз кампазітараў СССР^[d]
Узнагароды і прэміі
Медыяфайлы на Вікісховішчы

Баліс Дварыёнас (6(19).6.1904, Ліепая — 23 жніўня 1972) — літоўскі кампазітар, дырыжор, піяніст, педагог, народны артыст СССР (1954).

Біяграфія

У 1924 скончыў Лейпцыгскую кансерваторыю па класе фартэпіяна, у 1939 па класе дырыжыравання (экстэрнам). З 1926 года выкладчык фартэпіяна ў Каўнаскім музычным вучылішчы, з 1933 — у Каўнаскай кансерваторыі, з 1949 — у Дзяржаўнай кансерваторыі Літоўскай ССР у Вільнюсе (з 1947 прафесар). З 1928 года выступаў як піяніст (у 1933 гастраляваў у Маскве і Ленінградзе). У 1935-38 галоўны дырыжор сімфанічнага аркестра літоўскага радыё ў Каўнасе. У 1940 годзе арганізаваў сімфанічны аркестр у Вільнюсе. У 1940-41 і 1958-61 гадах галоўны дырыжор сімфанічнага аркестра Літоўскай філармоніі і ўсіх рэспубліканскіх свят песні.

Стварыў мноства твораў розных жанраў, у іх ліку опера «Даля» (паст. 1959), балет «Сватаўство» (паст. 1933), сімфонія (1947), канцэрт для скрыпкі з аркестрам (1948; Сталінская прэмія, 1949) , 2 канцэрты для фартэпіяна (1960, 1962), канцэрт для валторны (1963), 2 уверцюры (1946, 1967), інструментальныя п’есы, хоры, у тым ліку «Свята песні» (1965), рамансы, апрацоўкі народных песень, музыка для тэатра і кіно (да фільма «Савецкая Літва»; Сталінская прэмія, 1952) і інш. Аўтар гімна Літоўскай ССР (сааўтар Ёнас Швядас, словы Антанас Венцлава, 1950). Узнагароджаны ордэнам Леніна, 2 інш. ордэнамі, а таксама медалямі.

Зноскі

1. Czech National Authority Database Праверана 23 лістапада 2019.
   <a href="https://wikidata.org/wiki/Track:Q13550863"></a>
2. Balys Dvarionas // Musicalics
   <a href="https://wikidata.org/wiki/Track:Q63484499"></a>

Літаратура

• Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).