Вікіпедыя на іўрыце

Вікіпедыя на іўрыце іўр.: ויקיפדיה העברית
URL	he.wikipedia.org (іўрыт)
Характар праекта	дабрачынны
Тып сайта	сеткавая энцыклапедыя
Рэгістрацыя	неабавязковая
Мова	іўрыт
Уладальнік	Wikimedia
Пачатак працы	8 ліпеня 2003
Колькасць артыкулаў	369 684
Колькасць выяў	83 727
Колькасць старонак	1 567 420
Колькасць правак	40 423 717
Зарэгістраваных удзельнікаў	1 193 507
Актыўных удзельнікаў	3 182
Адміністратараў	30
Глыбіня	270,7
Медыяфайлы на Вікісховішчы

Іўрыцкая Вікіпедыя - (іўр.: :האנציקלופדיה החופשיתויקיפדיה) раздзел Вікіпедыі на іўрыце.

Статыстыка

Па стане на 10 лютага 2025 года раздзел вікіпедыі на іўрыце ўтрымлівае 369 684 артыкулаў. Зарэгістраваны 1193507 удзельнікаў, з якіх 3 182 зрабілі што-небудзь за апошнія 30 дзён, 30 удзельнікаў маюць статус адміністартара. Агульная колькасць правак складае 40 423 717.

Глыбіня

Вымяраць развіццё Вікіпедыі ў цэлым нялёгка. Адным з адносных паказчыкаў развіцця асобных моўных раздзелаў, які быў прапанаваны яшчэ ў 2006 годзе, з'яўляецца так званая «глыбіня». Падчас разліку «глыбіні» зважаюць на суадносіны паміж службовымі старонкамі^[1] і артыкуламі ў агульнай колькасці старонак моўнага раздзела, а таксама на сярэднюю колькасць правак на кожны артыкул. Іўрыцкая Вікіпедыя па гэтым паказчыку саступае толькі англійскаму і сербахарвацкаму раздзелу з усіх версій, якія ўтрымліваюць больш за 10 000 артыкулаў^[2].

Гісторыя

• 8 ліпеня 2003: адкрыццё раздзела на іўрыце.
• 25 кастрычніка 2003: 1 000 артыкулаў.
• 22 ліпеня 2004: першая вікі-сустэча ўдзельнікаў у Тэль-Авіве (Ізраіль).
• 10 верасня 2004: 10 000 артыкулаў.
• 20 верасня 2004: артыкул he:דנל לזחסטן (Сцяг Казахстана) стаў мільённым ва ўсёй Вікіпедыі.
• 29 мая 2005: іўрыцкая вікіпедыя перайшла мяжу ў 20 000 артыкулаў.
• 3 ліпеня 2006: 40 000 артыкулаў.
• 24 снежня 2006: іўрыцкая Вікіпедыя ўвайшла ў сімвалічны «клуб-50000».
• 10 студзеня 2010: 100 000 артыкулаў.
• 29 жніўня 2013: 150 000 артыкулаў.

Выкарыстанне ў грамадстве і асвеце

Вікіпедыя на іўрыце з'яўляецца адной з асноўных сецявых крыніц інфармацыі на гэтай мове, і ў сувязі з гэтым часта згадваецца ў сродках масавй інфармацыі^[3]. 2 лютага 2010 года ў Камісіі па навуцы кнэсета прайшло слуханне аб важнасці Вікіпедыі для ізраільскага грамадства і адукацыі^[4] Вікіпедыя на іўрыце выкарыстоўваецца ў навучальных мэтах у асобных інстытутах Ізраіля. Звычайна, у рамках такіх прааектаў, лектары задаюць студэнтам ў якасці курасвой працы напісанне артыкулаў на тэмы пройдзенага курса. Падобныя праекты ладзіліся па фізіцы^[5], юрыспрудэнцыі^[6], матэматыцы і па іншых дысцыплінах.

Спасылкі

• ויקיקקיפדיה - Вікіпедыя на іўрыце

Гл. таксама

• Вікіпедыя на ідышы

Зноскі

1. Да службовых, адносяцца старонкі Вікіпедыі, якія выкарыстоўваюцца ўдзельнікамі праекта ў сумеснай працы, - асабістыя старонкі ўдзельнікаў, старонкі абмеркавання артыкулаў, старонкі-перанакіраванні і г. д.
2. http://meta.wikimedia.org/wiki/List_of_Wikipedias#10_000.2B_articles - List of 10 000+ Wikipedias
3. Спіс згадванняў Вікіпедыі на іўрыце ў СМІ
4. Is Wikipedia good for the Jews?. Jerusalem Post. 20/02/2010
5. he:ויקיפדה:מיזמי
6. he:וייקיפדיה:פדויקט