Джамаль Хашогі

Джамаль Хашогі
араб. جمال خاشقجي‎‎
Род дзейнасці журналіст, палітычны публіцыст
Дата нараджэння 13 кастрычніка 1958(1958-10-13)
Месца нараджэння
Дата смерці 2 кастрычніка 2018(2018-10-02)[1] (59 гадоў)
Месца смерці
Грамадзянства Сцяг Саудаўскай Аравіі Саудаўская Аравія
Веравызнанне суніты
Бацька Ahmad Khashoggi[d][3]
Маці Esaaf Khashoggi[d][3]
Жонка Rawia Khashoggi[d]
Дзеці Razan Khashoggi[d], Salah Khashoggi[d], Noha Khashoggi[d] і Abdullah Khashoggi[d]
Месца працы
Альма-матар
Узнагароды і прэміі
Сайт jamalkhashoggi.com
Лагатып Вікісховішча Медыяфайлы на Вікісховішчы

Джама́ль Ахма́д Хамза́ Хашо́гі (араб. جمال خاشقجي‎‎, нар. 13 кастрычніка 1958; Медына, Саудаўская Аравія; знік 2 кастрычніка 2018; Стамбул, Турцыя) — журналіст, аглядальнік і пісьменнік з Саудаўскай Аравіі.

Біяграфія

[правіць | правіць зыходнік]

Джамаль Хашогі — пляменнік саудаўскага бізнесмена Аднана Хашогі. У 1982 годзе скончыў дзяржаўны ўніверсітэт Індыяны (ЗША), пасля чаго супрацоўнічаў з рознымі саудаўскімі выданнямі, у прыватнасці двойчы быў галоўным рэдактарам уплывовай штодзённай газеты Аль-Ватан.

Выгнанне

[правіць | правіць зыходнік]

Атрымаў славу як крытык улады Саудаўскай Аравіі, у прыватнасці спадчыннага прынца Мухамеда ібн Салмана, які займае пасаду віцэ-прэм’ера і міністра абароны краіны. Выступаў з крытыкай пераследу актывістаў, а таксама знешняй палітыкі краіны ў дачыненні да Емена, Егіпта, Канады.

У снежні 2016 года Джамалю Хашогі было забаронена займацца журналістыкай за адкрытую крытыку Дональда Трампа[4]. У верасні 2017 года ён выехаў у ЗША, дзе вёў калонку ў Washington Post. У ёй ён усё больш адкрыта выступаў супраць спадчыннага прынца Мухамеда ібн Салмана.

Знікненне

[правіць | правіць зыходнік]

2 кастрычніка 2018 года Джамаль Хашогі адправіўся ў консульства Саудаўскай Аравіі ў Стамбуле. Яму спатрэбілася атрымаць дакумент, неабходны для паўторнага шлюбу. Яго нявесце Хаціджэ Джэнгіз не дазволілі зайсці ў памяшканне. Яна чакала яго да паўночы, аднак Джамаль так і не выйшаў з консульства[5].

Турэцкая паліцыя заявіла, што Хашогі «жорстка катавалі, забілі, а яго цела раздзялілі» ўнутры консульства. Пазней саветнік прэзідэнта Эрдагана Ясін Актай, прадстаўнікі паліцыі і міністр па справах ЕС Амер Чэлік заявілі, што ў аперацыі па ліквідацыі Хашогі было задзейнічана 15 саудаўскіх агентаў[6].

Афіцыйная пазіцыя саудаўскага ўрада заключаецца ў тым, што Хашогі хутка пакінуў памяшканне консульства. У прыватнасці гэты пункт гледжання 5 кастрычніка 2018 года выказаў прынц Мухамед ібн Салман у сваім інтэрв’ю агенцтву Bloomberg, заявіўшы, што ён «выйшаў назад праз некалькі хвілін або за гадзіну»[7][8].

У Дзяржаўным дэпартаменце ЗША і Міністэрстве замежных спраў Турцыі выказалі занепакоенасць знікненнем Хашогі, заклікаўшы Саудаўскую Аравію да супрацоўніцтва для ўстанаўлення яго месцазнаходжання[9][10][11]. Прэзідэнт Турцыі Рэджэп Таіп Эрдаган заявіў аб тым, што ўзяў пад асабісты кантроль справу аб знікненні Хашогі, назваўшы яго сваім сябрам і змагаром за свабоду думкі[12].

Праз 18 дзён пасля знікнення Хашогі ўлады Саудаўскай Аравіі праз дзяржаўнае інфармацыйнае агенцтва абвясцілі, што журналіст загінуў у выніку «бойкі» з людзьмі, якіх ён сустрэў у консульстве. Таксама пракуратура паведаміла аб затрыманні 18 падданых Саудаўскай Аравіі, якія паспрабавалі «схаваць тое, што здарылася»[13][14][15][16][17]. У той жа час кароль Саудаўскай Аравіі падпісаў загады аб вызваленні ад пасад шэрагу вышэйшых супрацоўнікаў Службы агульнай разведкі, а таксама аб стварэнні камісіі па яе рэфармаванні і выразным вызначэнні паўнамоцтваў[18][19][20][21][22].

25 кастрычніка 2018 года пракуратура Саудаўскай Аравіі прызнала, што забойства Хашогі было не выпадковым, а наўмысным[23]. 30 кастрычніка пракуратура Турцыі заявіла, што журналіст быў задушаны пры ўваходзе ў консульства[24]. Было адзначана, што саўдыты не адказалі на зададзеныя турэцкім бокам пытанні аб наяўнасці плана, імёнах мясцовых саўдзельнікаў злачынцаў і месцазнаходжанні цела журналіста.

Зноскі

  1. ↑ Jamal Khashoggi: Turkey says journalist was murdered in Saudi consulate — BBC News, 2018. Праверана 14 лістапада 2018.
  2. ↑ Czech National Authority Database Праверана 29 студзеня 2023.
  3. ↑ а б Geni.com — 2006.
  4. ↑ Osborne Samuel. Saudi Arabia bans journalist for criticising Donald Trump. The Independent (5 снежня 2016).
  5. ↑ Turkish police suspect Saudi journalist Khashoggi was killed at consulate. Middle East Eye.
  6. ↑ Eyüp Serbest. Parçalayıp 15 kişiye taşıttılar. Hürriyet.
  7. ↑ Stephanie Flanders, Vivian Nereim, Donna Abu-Nasr, Nayla Razzouk, Alaa Shahine and Riad Hamade. Saudi Crown Prince Discusses Trump, Aramco, Arrests: Transcript. Bloomberg (5 кастрычніка 2018).
  8. ↑ "Саудаўскі прынц назваў забойства журналіста «паскудным злачынствам»". Наша Ніва. 24 кастрычніка 2018. Праверана 24 кастрычніка 2018.
  9. ↑ Statement by Secretary Pompeo on Journalist Jamal Khashoggi. Дзяржаўны дэпартамент ЗША (8 кастрычніка 2018). Праверана 9 October 2018.
  10. ↑ "Захад не верыць у выпадковую смерць Хашогі". Тэлеканал «Белсат». 22 кастрычніка 2018. Праверана 4 лістапада 2018.
  11. ↑ Statement of the Spokesperson of the Ministry of Foreign Affairs, г Hami Aksoy, in Response to a Question Regarding Saudi Citizen and Journalist Г Jamal Khashoggi. Міністэрства замежных спраў Турцыі (9 кастрычніка 2018). Праверана 9 October 2018.
  12. ↑ Erdoğan: «Turkey has closed the chapter of the IMF not to open it again». Прэзідэнт Турцыі (7 кастрычніка 2018). Праверана 9 кастрычніка 2018.
  13. ↑ Генеральны пракурор: Папярэднія вынікі расследавання па пытанні грамадзяніна Джамала Хашогі паказалі, што ён загінуў. Расследаванне гэтай справы працягваецца. У ім фігуруюць 18 грамадзян Саудаўскай Аравіі. Saudi Press Agency (20 кастрычніка 2018). Праверана 20 кастрычніка 2018.
  14. ↑ "Пракурор Саудаўскай Аравіі назваў забойства Джамаля Хашогі наўмысным". Наша Ніва. 25 кастрычніка 2018. Праверана 25 кастрычніка 2018.
  15. ↑ Афіцыйная крыніца: Каралеўства прыняло неабходныя меры для высвятлення праўды ў пытанні грамадзяніна Джамала Хашогі і абяцае прыцягнуць усіх датычных асоб да адказнасці. Saudi Press Agency (20 кастрычніка 2018). Праверана 20 кастрычніка 2018.
  16. ↑ Саудовская Аравия признала гибель журналиста Джамаля Хашогджи в стамбульском консульстве. Он якобы умер в результате драки. Meduza (20 октября 2018). Праверана 20 октября 2018.
  17. ↑ Саудовская Аравия признала смерть Хашогги, задержаны 18 человек. BBC Russian. Праверана 20 октября 2018.
  18. ↑ Королевский указ об освобождении замглавы Службы общей разведки Ахмеда Асири от должности. Saudi Press Agency (20 октября 2018). Праверана 20 октября 2018.
  19. ↑ Королевский указ об отставке ряда офицеров Службы общей разведки. Саудовское информационное агентство (20 октября 2018). Праверана 20 октября 2018.
  20. ↑ Служитель Двух Святынь распорядился сформировать межведомственный комитет, возглавляемый наследным принцем для реструктуризации службы общей разведки, модернизации ее правил и положений и четкого определения полномочий. Saudi Press Agency (20 октября 2018). Праверана 20 октября 2018.
  21. ↑ В Саудовской Аравии освободили от должности замглавы службы общей разведки. РИА Новости (20 октября 2018). Праверана 20 октября 2018.
  22. ↑ Саудовский король поручил точно определить задачи разведки. РИА Новости (20 кастрычніка 2018). Праверана 20 кастрычніка 2018.
  23. ↑ https://www.newsru.com/world/25oct2018/prednamer.html
  24. ↑ Пракуратура Турцыі пра забойства Хашогі: Задушылі пры ўваходзе ў консульства Архівавана 3 лістапада 2018., Еўрарадыё

Спасылкі

[правіць | правіць зыходнік]