Джон О’Шы

Футбол
Джон О’Шы
Агульная інфармацыя
Поўнае імя Джон Фрэнсіс О’Шы
Мянушка Sheasy (Шызі)
Нарадзіўся 30 красавіка 1981(1981-04-30)[1] (43 гады)
Грамадзянства  Ірландыя
Рост 192 см
Вага 75 кг[2]
Пазіцыя абаронца
Інфармацыя пра клуб
Клуб завяршыў кар’еру
Маладзёжныя клубы
Ірландыя Ферыбанк
Ірландыя Уотэрфард Багеміянс
1998—1999 Англія Манчэстэр Юнайтэд
Клубная кар’ера[* 1]
1999—2011 Англія Манчэстэр Юнайтэд 256 (10)
2000 →  Англія Борнмут 10 (1)
2001 →  Бельгія Антверпен 14 (0)
2011—2018 Англія Сандэрленд 226 (4)
2018—2019 Англія Рэдынг 9 (0)
Нацыянальная зборная[* 2]
2000—2002 Ірландыя Ірландыя (да 21) 13 (1)
2001—2018 Ірландыя Ірландыя 118 (3)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 27 ліпеня 2019.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 3 ліпеня 2018
Лагатып Вікісховішча Медыяфайлы на Вікісховішчы

Джон Фрэнсіс О’Шы (англ.: John Francis O’Shea, ірл.: Seán Ó Sé; нар. 30 красавіка 1981, Уотэрфард, Ірландыя) — былы ірландскі футбаліст, абаронца. Ігрок нацыянальнай зборнай Ірландыі (2001—2018). Быў здольны згуляць не толькі на пазіцыі цэнтральнага ці ўскрайняга абаронцы, але і на пазіцыі апорнага паўабронцы.

Кар’ера

[правіць | правіць зыходнік]

«Манчэстэр Юнайтэд»

[правіць | правіць зыходнік]

Далучыўся да клуба «Манчэстэр Юнайтэд» ва ўзросце 17 гадоў. Дэбют у складзе каманды адбыўся 13 кастрычніка 1999 года ў матчы на Кубак Англіі супраць клуба «Астан Віла», які скончыўся паражэннем «чырвоных д’яблаў» з лікам 0:3[3]. 2000 год правёў у арэндзе ў клубе «Борнмут», а на наступны год з’ехаў гуляць у кантынентальную Еўропу, правёўшы некаторы час у складзе бельгійскага клуба «Антверпен».

Вярнуўшыся дамоў цягам сезона 2002/03, стаў асноўным іграком «Манчэстэр Юнайтэд», дэманструючы рознабаковую гульню на ўсіх пазіцыях абароны, а таксама на пазіцыі цэнтральнага паўабаронцы. Па выніках сезона Джон стаў чэмпіёнам Англіі. У сезоне 2003/04 Рыа Фердынанд не гуляў паўгады з-за дыскваліфікацыі, атрыманай пасля пропуску тэсту на допінг[4]. О’Шы замяніў Фердынанда ў цэнтры абароны і дапамог «Манчэстэру» выйсці ў фінал Кубка Англіі, у якім манкуніянцы абгулялі «Мілуал» з лікам 3:0.

О’Шы дэманстраваў стабільную гульнявую форму ў сезоне 2004/05. У той час з’явіліся чуткі аб магчымым сыходзе ірландца з «Манчэстэра» ў «Ліверпул» або «Ньюкасл Юнайтэд», аднак гэтага не адбылося. 4 лютага 2007 года, падчас матча англійскай Прэм’ер-лігі супраць «Тотэнхэма», Джон замяніў у браме Эдвіна ван дэр Сара, які зламаў нос падчас адбору мяча, бо да таго моманту клубам былі выкарыстаны ўсе тры замены[5].

«Сандэрленд»

[правіць | правіць зыходнік]

7 ліпеня 2011 года Джон О’Шы афіцыйна стаў іграком «Сандэрленда». 30-гадовы ірландзец падпісаў кантракт на чатыры гады[6]. 27 жніўня О’Шы правёў першы матч за новы клуб, а 29 снежня 2012 года Джон упершыню забіў у складзе каманды, што, аднак, не зберагло «чорных катоў» ад паражэнні ў матчы супраць «Тотэнхэма»[7].

Па выніках сезона 2016/17 «Сандэрленд» страціў месца ў Прэм’ер-лізе, і ўлетку 2017 года О’Шы ў якасці свабоднага агента пакінуў каманду. Аднак неўзабаве вярнуўся ў «Сандэрленд» і падпісаў новы аднагадовы кантракт з клубам. Па выніках сезона 2017/18 «Сандэрленд» зноў панізіўся ў класе. У чэрвені 2018 года О’Шы перайшоў у клуб Чымпіёншыпа «Рэдынг». У красавіку 2019 года абвясціў аб завяршэнні кар’еры па заканчэнні сезона.

Міжнародныя выступы

[правіць | правіць зыходнік]

О’Шы дэбютаваў у складзе нацыянальнай зборнай Ірландыі 15 жніўня 2001 года, калі ён выйшаў на замену на 84 хвіліне ў хатнім матчы супраць зборнай Харватыі. Яго дэбют скончыўся расчараваннем, бо на Джоне харвацкія ігракі зарабілі пенальці ў кампенсаваны час, што прывяло ў да голу ў браму Ірландыі, і выніку гульні 2:2. 19 жніўня 2003 года О’Шы забіў свой першы гол за нацыянальную каманду і прынес сваёй зборнай перамогу над Аўстраліяй з лікам 2:1[8].

Дасягненні

[правіць | правіць зыходнік]

«Манчэстэр Юнайтэд»:

Зноскі

  1. ↑ John O'Shea // Transfermarkt — 2000. Праверана 9 кастрычніка 2017.
  2. ↑ а б J. O'Shea // Soccerway Праверана 1 мая 2024.
  3. ↑ John O’Shea, Manchester United player Архівавана 14 студзеня 2013.. Aboutmanutd.com
  4. ↑ Ferdinand banned for eight months. BBC Sport
  5. ↑ Tottenham 0-4 Man Utd. BBC Sport
  6. ↑ Man Utd’s John O’Shea signs four-year Sunderland deal. BBC Sport
  7. ↑ Sunderland 1-2 Tottenham. BBC Sport
  8. ↑ Ireland 2-1 Australia: Late comeback Архівавана 23 кастрычніка 2012.. ESPN Soccernet

Спасылкі

[правіць | правіць зыходнік]