Дзмітрый Віктаравіч Гушчанка

Дзмітрый Гушчанка
Поўнае імя	Дзмітрый Віктаравіч Гушчанка
Нарадзіўся	12 мая 1988(1988-05-12)[1][2] (36 гадоў) Віцебск, Віцебская вобласць, БССР, СССР
Грамадзянства	Беларусь
Рост	187 см
Вага	79 кг[3]
Пазіцыя	брамнік
Інфармацыя пра клуб
Клуб	Віцебск
Нумар	1
Клубная кар’ера[* 1]
2007—2011 Віцебск 34 (-55) 2008 →  Мясакамбінат (Віцебск) 15 (-14) 2009 →  Славія (Мазыр) 26 (-37) 2011—2014 Дынама (Мінск) 15 (-22) 2013 →  Белшына (Бабруйск) 28 (-35) 2014 Белшына (Бабруйск) 13 (-19) 2015— Віцебск 177 (-234)
Нацыянальная зборная[* 2]
2010—2011 Беларусь (да 21) 2 (-1)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 11 студзеня 2023. Колькасць гульняў і галоў за нацыянальную зборную ў афіцыйных матчах, адкарэктавана станам на канец 2012

Дзмітрый Гушчанка (нар. 12 мая 1988, Віцебск) — беларускі футбаліст, брамнік клуба «Віцебск».

Клубная кар’ера

Выхаванец віцебскага футбола, з 2007 года гуляў за дубль «Віцебска», аддаваўся ў арэнду ў клубы ніжэйшых ліг. У 2010 годзе стаў асноўным брамнікам віцебскага клуба, выцесніўшы вопытнага Юрыя Васюціна.

Улетку 2011 года перайшоў у мінскае «Дынама». 28 жніўня 2011 года, гуляючы супраць БАТЭ, прычыніў цяжкую траўму нападніку Віталю Радзівонаву.

У 2012 годзе страціў месца ў аснове, і ў студзені 2013 года быў аддадзены ў арэнду ў бабруйскую «Белшыну»^[4]. У «Белшыне» стаў асноўным брамнікам. Па заканчэнні сезона 2013 вярнуўся ў «Дынама», але ў мінскім клубе перастаў з’яўляцца нават на лаўцы запасных. У ліпені 2014 года вярнуўся ў «Белшыну»^[5], дзе зноў стаў першым брамнікам.

У студзені 2015 года стаў іграком «Віцебска»^[6]. Замацаваўся ў якасці асноўнага брамніка віцяблян, у сезоне 2015 правёў усе 26 матчаў чэмпіянату. У сезоне 2016 стаў капітанам каманды.

Сезон 2018, як і папярэднія, пачынаў як асноўны брамнік, аднак 29 красавіка ў матчы супраць «Смалявічаў» (1:1) атрымаў чырвоную картку і быў выдалены, а неўбававе дадаткова быў дыскваліфікаваны на пяць матчаў. Пасля адбыцця дыскваліфікацыі ўжо не здолеў выцесніць з асновы Андрэя Шчарбакова.

У сезоне 2019 зноў стаў асноўным брамнікам віцебскай каманды. У студзені 2020 года знаходзіўся на праглядзе ў казахстанскім клубе «Каспій», аднак у выніку вырашыў падоўжыць кантракт з «Віцебскам»^[7]. У сезоне 2020 стаў часцей саступаць месца ў аснове Арцёму Сароку, у 2021 годзе вярнуўся ў стартавы склад. У студзені 2022 года падоўжыў пагадненне з клубам^[8].

У сезоне 2022 правёў без замен усе 30 матчаў каманды ў чэмпіянаце Беларусі. У студзені 2023 года, нягледзячы на вылет «Віцебска» ў Першую лігу, вырашыў застацца ў клубе на новы сезон^[9].

Міжнародная кар’ера

Былы ігрок моладзевай зборнай Беларусі.

Дасягненні

• 03 Бронзавы прызёр чэмпіянату Беларусі: 2012
• 03 Бронзавы прызёр моладзевага чэмпіянату Еўропы: 2011, Данія

Зноскі

1. Dmitri Gushchenko // Transfermarkt — 2000. Праверана 9 кастрычніка 2017.
   <a href="https://wikidata.org/wiki/Track:Q2449070"></a>
2. Dzmitry Hushchanka // FBref
   <a href="https://wikidata.org/wiki/Track:Q56239490"></a>
3. https://www.pressball.by/footballstat/dmitry_guschenko/
4. Гущенко арендован «Белшиной»
5. Гущенко вернулся в "Белшину"
6. Дмитрий Гущенко подписал контракт с "Витебском"
7. Гущенко отказался от "Каспия" и решил продолжить карьеру в "Витебске"
8. "Витебск" продлил контракт с Гущенко
9. Гущенко, Скитов и Матвеенко заключили новые соглашения с "Витебском" (руск.). football.by (10 студзеня 2023). Праверана 11 студзеня 2023.