Дуброўка прамастойная

Дуброўка прамастойная
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя[1] Клас:  Двухдольныя[2] Парадак:  Ружакветныя Сямейства:  Ружавыя Падсямейства:  Rosoideae Трыба:  Potentilleae Падтрыба:  Potentillinae Род:  Дуброўка Від:  Дуброўка прамастойная
Міжнародная навуковая назва
Potentilla erecta (L.) Raeusch., 1797
Падвід
Potentilla erecta subsp. strictissima (Zimmeter) A.J.Richards
Ахоўны статус
Выклікаюць найменшыя асцярогі IUCN 3.1 Least Concern : / 2765459
Сістэматыка на Віківідах Выявы на Вікісховішчы ITIS   504577 NCBI   57940 EOL   239189 GRIN   t:29479 IPNI   60457410-2 TPL   rjp-1192

Не блытаць з дуброўкай прамой (Potentilla recta).

Дубро́ўка прамастойная, калган, вузік^[3] (Potentilla erecta) — кветкавая расліна, від роду Дуброўка (Potentilla) сямейства Ружавыя (Rosaceae).

Назвы

Дуброўка прамастойная, калган, вузік, дзеравянка, перавяжыха, сурмаліна^[3].

Батанічнае апісанне

Батанічная ілюстрацыя з кнігі О. В. Тамэ «Flora von Deutschland, Österreich und der Schweiz», 1885

Паштовая марка Беларусі, 1996

Шматгадовая травяністая апушаная карэнішчавая расліна вышынёй да 50^[3] см. Карэнішча моцнае, клубнепадобнае, цёмна-карычневага колеру. Сцябло тонкае, прамастойнае або крыху распасцёртае, галінастае. Сцябловае лісце чаргаванае, трайчастае, сядзячае, з вялікім прылісткам, зубчастае па краі. Прыкаранёвае — на доўгіх чаранках і адмірае да часу цвіцення. Кветкі адзіночныя, 10—12^[3] мм у дыяметры, з чатырма пялёсткамі, жоўтыя. Плод — сухі шматарэшак.

Распаўсюджанне і экалогія

Расліна распаўсюджана ва ўмераных абласцях Еўразіі і на Азорскіх астравах^[4]. Натуралізавалася на тэрыторыі Паўночнай Амерыкі^[4].

Святлолюбівая і ценевынослівая расліна, мезафіт, алігатроф, мезатроф^[5]. Расце у светлых лясах, на ўзлесках і палянах, на сухадольных лугах і балотах, пашах і пустках, па берагах вадаёмаў і ў іншых месцах.

Ахоўваецца на тэрыторыі Арменіі, шэрагу рэгіёнаў Расіі і Украіны^[5].

Гаспадарчае значэнне

Лекавая, дубільная (у карэнішчы маецца да 35 % танідаў^[3]) і фарбавальная расліна.

Зноскі

1. Ужываецца таксама назва Пакрытанасенныя.
2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
3. Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.
4. Taxon: Potentilla erecta (L.) Raeusch. // [[Germplasm Resources Information Network] (GRIN-Taxonomy)]] (англ.)
5. Лапчатка прямостоячая: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)

Літаратура

• Прусакова Б. М. Калган // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз. — С. 441.
• Губанов И. А., Киселёва К. В., Новиков В. С., Тихомиров В. Н. 747. Potentilla erecta (L.) Raeusch. — Лапчатка прямостоячая, или Калган // Иллюстрированный определитель растений Средней России. В 3-х томах. — М.: Т-во науч. изд. КМК, Ин-т технолог. иссл, 2003. — Т. 2. Покрытосеменные (двудольные: раздельнолепестные). — С. 383. — ISBN 9-87317-128-9.

Спасылкі

• Лапчатка прямостоячая: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Potentilla erecta (L.) Raeusch. (Лапчатка прямостоячая) // ИАС «ООПТ России» (руск.)