Дэку

Дэку
Агульная інфармацыя
Поўнае імя	Андэрсан Луіс ды Соза
Мянушкі	Чараўнік, Супердэку
Нарадзіўся	27 жніўня 1977(1977-08-27) (47 гадоў) Сан-Бернарду, штат Сан-Паўлу, Бразілія
Грамадзянства	Партугалія Бразілія
Рост	174 см
Вага	73 кг
Пазіцыя	паўабаронца
Інфармацыя пра клуб
Клуб	скончыў кар’еру
Клубная кар’ера[* 1]
1996—1997 Карынтыянс 2 (0) 1997—1998 Алверка 32 (13) 1998 Салгейруш 12 (2) 1999—2004 Порту 154 (32) 2004—2008 Барселона 113 (12) 2008—2010 Чэлсі 43 (5) 2010—2013 Флуміненсі 56 (2)
Нацыянальная зборная[* 2]
2003—2010 Партугалія 75 (5)
Узнагароды і медалі
Чэмпіянаты Еўропы Срэбра Партугалія 2004
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 2014. Колькасць гульняў і галоў за нацыянальную зборную ў афіцыйных матчах, адкарэктавана станам на 2014
Медыяфайлы на Вікісховішчы

Андэрсан Луіс ды Соза^[1] (парт.: Anderson Luís de Souza; 27 жніўня 1977, Сан-Бернарду), больш вядомы як Дэку (парт.: Deco — прафесійны футбаліст, выступаў за зборную Партугаліі (атрымаў партугальскае грамадзянства ў 2002 годзе). Гуляў на пазіцыі атакуючага паўабаронцы і лічыўся адным з найлепшых футбалістаў гэтага амплуа ў свеце, Дэку двойчы абвяшчалі найлепшым паўабаронцам Лігі чэмпіёнаў (у 2004 і 2006 гадах).

Прыбыццё ў Еўропу

Дэку прыбыў у Партугалію ў 1997 г. ва ўзросце 19 гадоў з бразільскага «Карынтыянса», каб выступаць за лісабонскую «Бенфіку» разам з іншым бразільскім футбалістам Каджу. Нягледзячы на зробленае Дэку на трэніроўцы добрае ўражанне, кіраўніцтва «Бенфікі» вырашыла аддаць бразільца ў арэнду клубу другой партугальскай лігі «Алверка», дзе ён адыграў адзін сезон. Дэку паказаў сябе добра і быў блізкі да падаўжэння кантракту з «Бенфікай» ужо як гулец асноўнага складу, аднак лісабонскі клуб і агент гульца не дасягнулі дамоўленасці, паколькі трэнер Грэм Сунес не бачыў у футбаліста перспектыў. Пасля гэтага ў сезоне 1998/1999 Дэку быў прададзены ў «Салгейруш» з горада Порту, за які згуляў да снежня 12 матчаў і забіў 2 галы. Яго гульня прыцягнула ўвагу кіраўніцтва клуба «Порту», і ў зімовае трансфернае акно быў аформлены пераход Дэку ў «Порту».

«Барселона»

17 чэрвеня 2004 Дэку на партугальскім радыё заявіў, што ён, хутчэй за ўсё, пяройдзе ў «Чэлсі» (які толькі што ўзначаліў Маўрынью) адразу пасля Еўра 2004. Па яго словах, паміж клубамі ўжо была дасягнута дамова, і толькі некаторыя фармальнасці аддзялялі яго ад пераезду ў Англію.

Аднак ужо 26 чэрвеня 2004 партугальская газета парт.: O Jogo распаўсюдзіла навіну аб магчымым пераходзе футбаліста ў «Барселону», таксама не пераставала цікавіцца гульцом мюнхенская «Баварыя». У выніку «Барса» здолела перадаць партугальскаму боку суму ў 15 млн еўра, а таксама правы на ўзыходзячую зорку партугальскага футбола Рыкарду Куарэжму. 6 ліпеня 2004 Дэку стаў гульцом сіне-гранатавых.

Гульня за «Барсу»

Шмат хто лічыў, што ў «Барселоне» Дэку будзе знаходзіцца ў цені бразільскай зоркі Раналдынья, хоць ён і гуляе на пазіцыі больш у цэнтры поля, чым у нападзе (дзякуючы сваім здольнасцям у адборы мяча), аднак футбаліст працягваў дэманстраваць добрую гульню. У снежні 2004 ён быў другім у спісе «Залатога мяча», саступіўшы Андрэю Шаўчэнку і апярэдзіўшы на 6 галасоў Раналдынью.

У складзе «Барселоны» Дэку папоўніў сваю скарбонку медалёў двума чэмпіёнскімі тытуламі ў Іспаніі, а таксама другім кубкам Лігі чэмпіёнаў у сезоне 2005/06.

У сезоне 2006/07 Дэку ўсталяваў рэкорд Лігі чэмпіёнаў з 3 званнямі найлепшага гульца матча («Vodafone Man of the Match»). Таксама, нягледзячы на пройгрыш «Барселоны» ў фінале клубнага чэмпіянату свету «Інтэрнасьяналу», Дэку быў прызнаны найлепшым гульцом турніру.

Дасягненні

• Пераможца Лігі Чэмпіёнаў: 2003/04, 2005/06
• Уладальнік Кубка УЕФА: 2002/03
• Чэмпіён Іспаніі: 2004/05, 2005/06
• Чэмпіён Партугаліі: 1998/99, 2002/03, 2003/04
• Уладальнік Суперкубка Іспаніі: 2005/06, 2006/07
• Уладальнік Кубка Партугаліі: 1999/00, 2000/01, 2002/03
• Уладальнік Суперкубка Партугаліі: 1998/99, 2000/01, 2002/03
• Удзельнік чэмпіянату Еўропы 2004 (2-е месца) і чэмпіянату свету 2006, згуляў больш за 30 гульняў за зборную
• Срэбны мяч (другое месца як найлепшы гулец Еўропы): 2003/04
• Самы каштоўны гулец Лігі чэмпіёнаў: 2003/04
• Найлепшы паўабаронца Лігі чэмпіёнаў: 2003/04, 2005/06
• Залаты мяч Клубнага чэмпіянату свету: 2006

Зноскі

1. Напісанне ў адпаведнасці з партугальска-беларускай практычнай транскрыпцыяй

Спасылкі

• Статыстыка на сайце FootballDabase.com (англ.)
• Профіль на сайце ФК «Барселона» Архівавана 15 сакавіка 2007. (англ.)
• Статыстыка выступаў у чэмпіянаце Іспаніі (ісп.)