Жан-Патрык Абуна

Жан-Патрык Абуна
Жан-Патрык Абуна
Поўнае імя	Жан-Патрык Абуна Ндзана
Нарадзіўся	27 верасня 1990 (34 гады); Дуала, дэпартамент Вуры[d], Прыбярэжны рэгіён, Камерун;
Грамадзянства	Камерун
Рост	173 см
Вага	73 кг
Пазіцыя	абаронца
Клубная кар’ера
2007—2008	Раён Спорт
2008—2009	Атэнтык
2009—2013	Лез Астр
2014—2016	Леапардс Далізі
2020—2021	Гран-Саканэ
Нацыянальная зборная
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 5 верасня 2021. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 3 снежня 2017 ;

Жан-Патрык Абуна Ндзана (фр.: Jean-Patrick Abouna Ndzana; нар. 27 верасня 1990, Дуала, Камерун) — камерунскі футбаліст, абаронца. Ігрок нацыянальнай зборнай Камеруна (2010—2016).

Клубная кар’ера

Выхаванец футбольнай акадэміі «Дружба» з горада Дуала, выступаў за каманды другога дывізіёна Камеруна «Раён Спорт» і «Атэнтык». У 2009 годзе перайшоў у адзін з вядучых камерунскіх клубаў «Лез Астр», з якім тройчы станавіўся срэбраным прызёрам нацыянальнага чэмпіянату. З 2014 года выступаў у кангалезскім клубе «Леапардс», у складзе якога двойчы стаў чэмпіёнам Конга.

У лютым 2017 года прыбыў на прагляд у беларускі клуб «Нёман» з Гродна, аднак не падышоў і неўзабаве далучыўся да іншага клуба — «Крумкачы»^[3]. У сакавіку зноў апынуўся ў «Нёмане»^[4], з якім у выніку падпісаў кантракт^[5]. У складзе гродзенскай каманды стаў асноўным левым абаронцам. У лістападзе 2017 года падоўжыў кантракт з «Нёманам» на два гады^[6]. У сезоне 2018 заставаўся трывалым іграком асновы гродзенцаў. У лістападзе 2018 года па пагадненні бакоў датэрмінова разарваў кантракт з «Нёманам»^[7].

У жніўні 2019 года далучыўся да жэнеўскага «Алімпіка» з чацвёртага дывізіёна Швейцарыі, а ў лютым 2020 года перабраўся ў «Гран-Саканэ» з шостага дывізіёна, дзе гуляў да лета 2021 года.

Міжнародная кар’ера

3 сакавіка 2010 года дэбютаваў за нацыянальную зборную Камеруна ў таварыскім матчы супраць Італіі (0:0), выйшаўшы на замену ў другім тайме. Трапіў у пашыраную заяўку зборнай на чэмпіянат свету 2010, аднак у канчатковы склад не быў уключаны.