Каралеўская Афрыканская кампанія

Каралеўская Афрыканская кампанія (англ.: Royal African Company) — англійская гандлёвая кампанія, якая існавала з 1660 па 1752 год. Першапачаткова называлася: «Кампанія каралеўскіх прадпрымальнікаў, гандлёвых з Афрыкай» (англ.: Company of Royal Adventurers Trading to Africa). Валодала факторыямі на заходнім беразе афрыканскага кантынента. Асноўная крыніца даходаў — трохвугольны рабагандаль (у перыяд з 1672 па 1689 гады кампаніяй было рэалізавана каля 100 тысяч рабоў). Вела таксама здабычу золата (па мясцовасці капалень атрымала сваю назву англійская залатая манета — гінея).