Каця Зайцынгер

Каця Зайцынгер
Агульная інфармацыя
Пол жанчына[2]
Спецыялізацыя гарналыжны спорт[3]
Нарадзілася 10 мая 1972(1972-05-10)[1] (52 гады)
Грамадзянства
Альма-матар
Рост 171 см
Вага 64 кг
Лагатып Вікісховішча Медыяфайлы на Вікісховішчы

Каця Зайцынгер (ням.: Katja Seizinger, нар. 10 мая 1972, Датэльн, зямля Паўночны Рэйн-Вестфалія, ФРГ) — нямецкая гарналыжніца, трохразовая алімпійская чэмпіёнка, чэмпіёнка свету і двухразовая ўладальніца Кубка свету. 3 разы прызнавалася найлепшай спартсменкай года ў Германіі (1994, 1996, 1998).

Адзіная двухразовая ўладальніца Кубка свету ў гісторыі нямецкага гарналыжнага спорту.

Спартыўная кар’ера

[правіць | правіць зыходнік]

Кубак свету

[правіць | правіць зыходнік]

Дэбютавала ў Кубку свету 10 снежня 1989 года ў амерыканскім Стымбат-Спрынгс у камбінацыі. Упершыню паднімалася на прызавы подыум Кубка свету 11 лютага 1990 года ў французскім Мерыбелі на трасе супергіганта ва ўзросце 17 гадоў.

За кар’еру атрымала 36 перамог на этапах Кубка свету (хуткасны спуск — 16, супергігант — 16, гіганцкі слалам — 4). Па агульнай колькасці перамог на этапах Каця займае 6-е месца ў гісторыі Кубка свету. Цікава, што ў камбінацыі, якую яна выйграла на Алімпіядзе-1998 у Нагана, на этапах Кубка свету Каця толькі 2 разы паднімалася на подыум — 1 раз яна была другой і 1 раз трэцяй.

Усяго за кар’еру Каця 202 разы стартавала на этапах Кубка свету і 76 разоў паднімалася на подыум (хуткасны спуск — 32, супергігант — 27, гіганцкі слалам — 14, слалам — 1, камбінацыя — 2). Такім чынам Каця была ў тройцы найлепшых на этапах Кубка свету ва ўсіх пяці сучасных дысцыплінах.

Зімовыя Алімпійскія гульні

[правіць | правіць зыходнік]

У 1994 годзе Каця стала алімпійскай чэмпіёнкай у Лілехамеры, а ў 1998 годзе на Алімпіядзе ў Нагана яна выйграла другое запар алімпійскае золата ў хуткасным спуску, стаўшы першай гарналыжніцай у гісторыі, якой удалося перамагчы ў адной дысцыпліне на двух Алімпіядах запар. На той жа Алімпіядзе гэта ўдалося і італьянцы Дэборы Кампаньёны, якая выйграла другое золата ў гіганцкім слаламе.

Завяршыла кар’еру ў сакавіку 1998 года ва ўзросце 25 гадоў.

Зноскі

  1. ↑ Katja Seizinger // Brockhaus Enzyklopädie
  2. ↑ The International Who's Who of Women 2006 — Routledge, 2005. — ISBN 978-1-85743-325-8
  3. ↑ Ski-DB.com Праверана 10 мая 2022.