Кузьма Венедыктавіч Кісялёў

У Вікіпедыі ёсць артыкулы пра іншых асоб з прозвішчам Кісялёў.
Кузьма Венедыктавіч Кісялёў
Сцяг1-ы Міністр замежных спраў БССР
15 сакавіка 1946 — 14 мая 1966
Кіраўнік урада Панцеляймон Панамарэнка
Аляксей Кляшчоў
Кірыл Мазураў
Мікалай Аўхімовіч
Ціхан Кісялёў
Папярэднік пасада зацверджаная;
ён сам як народны камісар замежных спраў
Пераемнік Анатоль Емяльянавіч Гурыновіч
Сцяг2-і Народны камісар замежных спраў БССР
30 сакавіка 1944 — 15 сакавіка 1946
Кіраўнік урада Панцеляймон Панамарэнка
Папярэднік пасада адноўленая;
Аляксандр Чарвякоў
Пераемнік пасада скасаваная;
ён сам як міністр замежных спраў
Сцяг6-ы Старшыня Савета Народных Камісараў БССР
28 ліпеня 1938 — 28 чэрвеня 1940
Папярэднік Апанас Кавалёў
Пераемнік Іван Былінскі
Сцяг Народны камісар аховы здароўя БССР
1937 — 1938
Кіраўнік урада Апанас Фёдаравіч Кавалёў
Нараджэнне 1 лістапада 1903(1903-11-01)
Смерць 4 мая 1977(1977-05-04) (73 гады)
Месца пахавання
Партыя Камуністычная партыя Беларусі
Адукацыя
Навуковая ступень кандыдат медыцынскіх навук
Узнагароды
ордэн Леніна ордэн Леніна ордэн Працоўнага Чырвонага Сцяга ордэн Працоўнага Чырвонага Сцяга Ордэн «Знак Пашаны»

Кузьма Венедыктавіч Кісялёў (1 лістапада 1903, Лабковічы, Чэрыкаўскі павет, Магілёўская губерня — 4 мая 1977) — беларускі палітык і дыпламат.

Біяграфія

[правіць | правіць зыходнік]

Нарадзіўся 1 лістапада 1903 года ў вёсцы Лабковічы Чэрыкаўскага павета Магілёўскай губерні. Скончыў медыцынскі факультэт Варонежскага дзяржаўнага ўніверсітэта па спецыяльнасці ўрач-неўрапатолаг, Інстытут чырвонай прафесуры ў Маскве. З 1932 па 1937 год К. В. Кісялёў — навуковы супрацоўнік Усесаюзнага інстытута эксперыментальнай медыцыны. У 1936 годзе стаў кандыдатам медыцынскіх навук.

З 1937 па 1938 год — народны камісар аховы здароўя БССР, з 1938[1] па 1940 год — старшыня Савета народных камісараў БССР. У 1941—1942 гадах працаваў дырэктарам медыцынскага выдавецтва ў г. Маскве, старшынёй Ульянаўскага абласнога выканаўчага камітэта, з 1943 па 1944 год быў першым намеснікам старшыні Савета народных камісараў Беларускай ССР.

З 1944 па 1958 год — першы намеснік старшыні СНК і наркам (з 1946 міністр) замежных спраў БССР. З 1958 па 1966 год — Міністр замежных спраў Беларускай ССР. Меў ранг Надзвычайнага і Паўнамоцнага Пасла. Быў дэпутатам Вярхоўнага Савета СССР (1937—1958), Вярхоўнага Савета БССР (1938—1967) і членам ЦК КПБ (1938—1966).

Прымаў удзел у XV сесіі Генеральнай асамблеі ААН (1960 год) ад нацыянальнага прадстаўніцтва Беларускай ССР (упершыню) у складзе дэлегацыі СССР[2].

Аўтар успамінаў «Запіскі савецкага дыпламата» (1974).

Памёр 4 мая 1977 года. Пахаваны на Усходніх могілках у Мінску.

Зноскі

  1. ↑ Інфармацыйнае паведамленне аб пасяджэнні першай сэссіі Вярхоўнага Савета БССР 1-га склікання 28 ліпеня 1938 года // Звязда. — 1938. — № 174. — С. 1.
  2. ↑ Саўка, З. Беларуская цывілізацыя ў Амэрыцы = Belarusan Civilization in America: пяцьдзясят гадоў Беларуска-Амэрыканскага Задзіночаньня, 1949―1999: падзеі, дакумэнты, успаміны, пэрсаналіі / Зьміцер Саўка; [рэдактар Наталля Гардзіенка; прадмова Лявона Юрэвіча]. — Мінск: Кнігазбор, 2019. — 603 с., XII с. фат., партр.: іл., партр., факсім. — С. 76—77. — Бібліятэка Бацькаўшчыны; Кн. 38). — ISBN 978-985-7207-69-5.

Літаратура

[правіць | правіць зыходнік]
  • Кісялёў Кузьма Венедыктавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 387. — 800 с. — 5 000 экз. — ISBN 985-11-0026-9.

Спасылкі

[правіць | правіць зыходнік]