Курт фон Готберг

Курт фон Готберг
ням.: Curt von Gottberg
начальнік уліковага кіравання Галоўнага кіравання СС 1 кастрычніка 1940 — 27 чэрвеня 1942
Пераемнік	Карл Цэнер
Кіраўнік СС і паліцыі ў Беларусі 21 ліпеня 1942 — 15 ліпеня 1943
Папярэднік	Карл Шэфер
Пераемнік	Вальтэр Шыман
генеральны камісар Беларусі 23 верасня 1943 — верасень 1944
Папярэднік	Вільгельм Кубэ
Пераемнік	—
Нараджэнне	11 лютага 1896(1896-02-11) акруга Фрыдланд, Усходняя Прусія
Смерць	31 мая 1945(1945-05-31) (49 гадоў) Лейтцхёфт, акруга Фленсбург, Шлезвіг-Гольштэйн
Партыя	НСДАП (1932)
Член у	Штурмавыя атрады СС[1]
Ваенная служба
Прыналежнасць	Трэці рэйх
Званне	обергрупенфюрар СС
Бітвы	Першая сусветная вайна
Узнагароды	Жалезны крыж 2-га класа Жалезны крыж 1-га класа Ганаровы крыж ветэрана вайны Нямецкі крыж у золаце За выслугу гадоў у НСДАП (10 гадоў) Медаль «У памяць 1 кастрычніка 1938» Рыцарскі крыж Жалезнага крыжа
Медыяфайлы на Вікісховішчы

Курт фон Готберг (ням.: Curt von Gottberg, 11 лютага 1896 — 31 мая 1945) — адзін з вышэйшых кіраўнікоў нямецкай акупацыйнай адміністрацыі ў Беларусі ў 1942—1944.

Біяграфія

Курт фон Готберг удзельнік Першай сусветнай вайны. У 1919—1924 служыў у добраахвотніцкім корпусе «Брыгада Эрхарда». У 1932 уступіў у НСДАП і СС. З 1937 у Галоўным ведамстве па расавай палітыцы і пасяленнях, з 1939 оберфюрар СС і галоўны камісар ведамства зямлі ў Празе. У 1940—1942 начальнік рэгістрацыйнага ведамства ў галоўным упраўленні СС, брыгадэнфюрар СС і генерал-маёр паліцыі.

З восені 1942 камандзір «баявой групы Готберг», потым кіраўнік СС і паліцыі ў Беларусі. Пасля гібелі гаўляйтэра В. Кубэ з верасня 1943 да ліпеня 1944 Курт фон Готберг выконваў абавязкі генеральнага камісара Беларусі. Адначасова з 1943 з’яўляўся прадстаўніком рэйхсфюрара СС у Цэнтральнай Расіі. З чэрвеня 1944 обергрупенфюрар СС.

Готберг лічыў, што беларусы не нацыя.^[2] Свайму шэфу Галоўнага ўпраўлення СС Готлабу Бергеру ён пісаў, што «ідэі нацыянальнай Беларусі з’яўляюцца выдумкай беларускіх эмігрантаў і берлінскіх салонных палітыкаў і ў сапраўднасці проста не існуюць»^[3].

У канцы Другой сусветнай вайны кіраваў барацьбой з французскім рухам супраціўлення. Пасля арышту саюзнікамі скончыў жыццё самагубствам у Фленбургу (Германія) ў маі 1945 года.

Зноскі

1. Dienstaltersliste der Schutzstaffel der NSDAP, Stand vom 1. Dezember 1936 — 1936.
   <a href="https://wikidata.org/wiki/Track:Q63098423"></a>
2. Mark Alexander: Nazi Collaborators, American Intelligence, and the Cold War. The Case of the Byelorussian Central Council. University of Vermont Graduate College Dissertations and Theses, Nr. 424, 2015, с. 55 (PDF)
3. Туронак Ю. Людзі СБМ / Юры Туронак. — Вільня: Gudas, 2006. — С. 45.