Кэтрын Скінер

У Вікіпедыі ёсць артыкулы пра іншых людзей з прозвішчам Скінер.
Кэтрын Скінер
Пол жанчына
Імя пры нараджэнні англ.: Catherine Anne Skinner[2]
Спецыялізацыя стралковы спорт
Нарадзілася 11 лютага 1990(1990-02-11)[1] (34 гады)
Грамадзянства
Рост 1,72 м
Вага 80 кг

Кэтрын Скінер (англ.: Catherine Skinner, нар. 11 лютага 1990) — аўстралійскі стралок, якая выступае ў дысцыпліне трап. Алімпійская чэмпіёнка 2016 года.

Займацца спартыўнай стральбой Кэтрын Скінер пачала ў дванаццацігадовым узросце, а ў 2006 годзе ўпершыню трапіла ў склад юнацкай зборнай Аўстраліі. У 2010 годзе на сусветным першынстве ў Мюнхене стала віцэ-чэмпіёнкай сярод моладзі. У 2011 стала сярэбраным прызёрам Універсіяды і бронзавым на хатнім чэмпіянаце Акіяніі.

У 2013 годзе Скінер выйграла золата на Універсіядзе ў Казані, а таксама ўпершыню трапіла на подыум этапу Кубка свету (у Нікасіі і ў Эль-Айне яна была другой). На чэмпіянаце свету 2014 года стала бронзавым прызёрам ужо ў спаборніцтвах сярод дарослых спартсменаў.

На Алімпіядзе ў Рыа-дэ-Жанэйра аўстралійка толькі па выніках перастрэлкі прабілася ў паўфінальны раунд. У паўфінале яна паказала найлепшы вынік (1 промах з 15 стрэлаў).

Зноскі

  1. ↑ https://www.nbcolympics.com/athletes/catherine-skinner-884468
  2. ↑ Australian Honours Search Facility Праверана 12 красавіка 2020.