Луіс Адрыяну

Луіс Адрыяну
Агульная інфармацыя
Нарадзіўся	12 красавіка 1987(1987-04-12)[1][2]^[…] (37 гадоў) Порту-Алегры, штат Рыу-Гранды-ду-Сул, Бразілія
Грамадзянства	Бразілія
Рост	183 см
Вага	71 кг
Пазіцыя	нападнік
Інфармацыя пра клуб
Клуб	Інтэрнасьянал
Маладзёжныя клубы
2004—2005 Інтэрнасьянал
Клубная кар’ера[* 1]
2006—2007 Інтэрнасьянал 10 (1) 2007—2015 Шахцёр (Данецк) 162 (79) 2015—2017 Мілан 33 (4) 2017—2019 Спартак (Масква) 59 (19) 2019—2021 Палмейрас 76 (23) 2022—2023 Антальяспор 34 (6) 2023— Інтэрнасьянал
Нацыянальная зборная[* 2]
2007 Бразілія (да 20) 6 (2) 2014—2015 Бразілія 4 (0)
Узнагароды і медалі
Дзяржаўныя ўзнагароды
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 22 лютага 2023. Колькасць гульняў і галоў за нацыянальную зборную ў афіцыйных матчах, адкарэктавана станам на 31 ліпеня 2019
Медыяфайлы на Вікісховішчы

Луі́с Адрыя́ну ды Соза да Сі́лва^[3] або Луіс Адрыяна (парт.: Luiz Adriano de Souza da Silva; нар. 12 красавіка 1987, Порту-Алегры, Бразілія) — бразільскі футбаліст, нападнік клуба «Інтэрнасьянал» з Порту-Алегры і былы ігрок нацыянальнай зборнай Бразіліі.

Кар’ера

Кар’еру пачаў у клубе «Інтэрнасьянал», аднак ужо ў хуткім часе перайшоў у склад данецкага «Шахцёра» за 3 млн еўра. Ужо 19 сакавіка 2007 года малады бразілец дэбютаваў у чэмпіянаце Украіны ў данецкім дэрбі супраць «Металурга».

21 кастрычніка 2014 года ў матчы Лігі чэмпіёнаў супраць беларускага БАТЭ Луіс адзначыўся пяццю забітымі галамі, паўтарыўшы дасягненне Ліянеля Месі па колькасці забітых мячоў у адным матчы турніру. Акрамя таго, нападнік стаў першым, хто здолеў вызначыцца чатыры разы за першы тайм, да таго ж ён усталяваў новы рэкорд, забіўшы чатыры галы за 16 хвілін^[4]. У гэтым жа матчы Адрыяну абышоў Андрэя Вараб’я і стаў найлепшым бамбардзірам у гісторыі клуба.

«Мілан»

2 ліпеня 2015 года нападнік афіцыйна перайшоў у італьянскі «Мілан», падпісаўшы пяцігадовы кантракт. Сума трансферу склала 8 млн еўра^[5]. У складзе «Мілана», аднак, не здолеў замацавацца ў аснове, прайграўшы канкурэнцыю Карласу Баку, стаў толькі зрэдку выхадзіць на замену. Па выніках 2016 года італьянскае выданне La Repubblica прызнала Луіса Адрыяну найгоршым іграком чэмпіянату.

«Спартак»

16 студзеня 2017 года было афіцыйна абвешчана аб пераходзе Луіса Адрыяну ў маскоўскі «Спартак»^[6].

Апошнія гады =

У ліпені 2019 года вярнуўся ў Бразілію, падпісаўшы чатырохгадовы кантракт з «Палмейрасам». У лютым 2022 года падпісаў з турэцкім «Антальяспорам» кантракт на 1,5 гады. У лютым 2023 года папоўніў склад «Інтэрнасьянала».

Дасягненні

«Інтэрнасьянал»:

• Пераможца клубнага чэмпіянату свету: 2006

«Шахцёр»:

• Чэмпіён Украіны (6): 2008, 2010, 2011, 2012, 2013, 2014
• Уладальнік Кубка Украіны (4): 2008, 2011, 2012, 2013
• Уладальнік Суперкубка Украіны (5): 2008, 2010, 2012, 2013, 2014
• Уладальнік Кубка УЕФА: 2009

«Мілан»:

• Уладальнік Суперкубка Італіі: 2016

«Спартак»:

• Чэмпіён Расіі: 2017
• Уладальнік Суперкубка Расіі: 2017

«Палмейрас»:

• Чэмпіён штата Сан-Паўлу: 2020
• Уладальнік Кубка Бразіліі: 2020
• Уладальнік Кубка Лібертадорэс (2): 2020, 2021

Зноскі

1. Luiz Adriano // Transfermarkt — 2000. Праверана 9 кастрычніка 2017.
   <a href="https://wikidata.org/wiki/Track:Q2449070"></a>
2. LUIZ ADRIANO souza da silva // Argentine Soccer Database
   <a href="https://wikidata.org/wiki/Track:Q19368470"></a>
3. Напісанне ў адпаведнасці з партугальска-беларускай практычнай транскрыпцыяй
4. БАТЭ — «Шахтер». Луис Адриано сделал покер за 16 минут. by.tribuna.com
5. «Милан» объявил о подписании Луиса Адриану. by.tribuna.com
6. «Спартак» объявил о переходе Луиса Адриано. by.tribuna.com

Спасылкі

• Профіль на сайце «Шахцёра» (Данецк) (нявызн.)(недаступная спасылка). Архівавана з першакрыніцы 23 верасня 2014. Праверана 15 сакавіка 2015.
• Луіс Адрыяну на Topforward (англ.)