Лясная куніца

Лясная куніца
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Плацэнтарныя Надатрад:  Laurasiatheria Атрад:  Драпежныя Падатрад:  Сабакападобныя Інфраатрад:  Arctoidea Парватрад:  Куніцыпадобныя Сямейства:  Куніцавыя Падсямейства:  Mustelinae Род:  Куніцы Від:  Лясная куніца
Міжнародная навуковая назва
Martes martes Linnaeus, 1758
Арэал
Сістэматыка на Віківідах Выявы на Вікісховішчы ITIS   621943 NCBI   29065 EOL   328020 FW   157450

Лясная куніца, Жаўтадушка^[1], Куніца, Куна^[2] (Martes martes) — від млекакормячых з сямейства куніцавых (Mustelidae).

Апісанне

Даўжыня цела 45—53, хваста 22—28 см, маса 1,6—1,8 кг. Зімовая поўсць мяккая, пушыстая, на спіне і баках буравата-палевая, на горле пляма ад вохрыста-жоўтага да светла-аранжавага колеру.

Арэал і экалогія

Жыве ў Еўропе і заходніх частках Азіі, галоўным чынам у старых яловых, ялова-шыракалістых і дубова-грабовых лясах, у алешніках. У адрозненне ад сваёй сваячкі каменнай куніцы (Martes foina), лясная куніца пазбягае людскіх паселішчаў.

Размнажэнне

Гнёзды (найчасцей у дуплах) мае толькі ў перыяд дзетанараджэння. Корміцца мышападобнымі грызунамі, вавёркамі, птушкамі. Гон у ліпені—жніўні. Да 6 дзіцянят нараджаецца ў красавіку—маі наступнага года.

Значэнне

Каштоўны прамысловы звярок (здабыча дзеля шкурак). У мінулым звычайны звер беларускіх лясоў, важны аб'ект палявання, абмену і гандлю; у XIX ст. колькасць значна паменшала і прадаўжала скарачацца.

Зноскі

1. Напісанне Лясная куніца, Жаўтадушка ў адпаведнасці з БЭ ў 18 тамах., Т.9. Мн., 1999, С.22
2. Беларуская навуковая тэрміналогія: слоўнік лясных тэрмінаў. — Мінск: Інбелкульт, 1926. — Т. Вып. 8. — 80 с. — у крыніцы пад назвай Mustela martes

Літаратура

• Лясная куніца // Беларуская ССР: Кароткая энцыклапедыя. Т. 2. — Мн.: БелСЭ. 1979.