Марыя Уладзіміраўна Багушэвіч

У Вікіпедыі ёсць артыкулы пра іншых людзей з прозвішчам Багушэвіч.

Марыя Уладзіміраўна Багушэвіч
польск.: Maria Stefania Bohuszewiczówna
Дата нараджэння	4 студзеня 1865(1865-01-04)[2]
Месца нараджэння	Цапэрка, Слуцкі павет, Мінская губерня, Расійская імперыя
Дата смерці	1887[3][4]^[…]
Месца смерці	Краснаярск, Енісейская губерня^[d], Расійская імперыя
Грамадзянства	Расійская імперыя
Род дзейнасці	публіцыстка, настаўніца
Бацька	Уладзімір Багушэвіч^[d]
Маці	Генрыка з Медушэўскіх^[d]
Медыяфайлы на Вікісховішчы

Марыя Уладзіміраўна Багушэвіч (партыйныя псеўданімы: Рэгіна, Ванда, Вянеда;^[5] 4 студзеня 1865, в. Цаперка Слуцкага павета Мінскай губерні, цяпер Клецкі раён Мінскай вобласці — 1887, Краснаярск) — дзеяч польскага і беларускага рэвалюцыйнага руху, рэдактар, мемуарыстка^[6]. Актыўны дзеяч і член ЦК I Пралетарыята  (руск.).

Біяграфія

Па мацярынскай лініі паходзіць з роду Касцюшкаў. З 1874 года жыла ў Варшаве. У 1881 здала экзамен на званне настаўніцы. З верасня 1882 года працавала ў Таварыстве Чырвонага Крыжа, якое было дапаможнай арганізацыяй партыі «Пралетарыят»^[5]. У пачатку 1884 года ўступіла ў самую партыю і ўзначаліла Таварыства. У ліпені 1884 года пасля масавых арыштаў кіраўнікоў партыі ўзначаліла яго ЦК^[6].

Арганізавала выданне партыйнай газеты «Proletariat»^[5], работу падпольнай друкарні. Наладзіла цесныя кантакты з рэвалюцыянерамі Вільні, Мінска, Гродна, Брэста, Беластока, Магілёва, Нясвіжа, Слуцка^[6].

30 верасня 1885 года арыштавана царскімі ўладамі^[5] разам з братам Іванам. Пасля зняволення ў Варшаўскай цытадэлі  (руск.) ў 1887 годзе выслана ў Сібір. У дарозе вяла «Дзённікі». Цяжка захварэла і, не даехаўшы да месца ссылкі, памерла ў краснаярскай перасыльнай турме^[5][6].

Зноскі

1. Sejm-Wielki.pl — 2002.
   <a href="https://wikidata.org/wiki/Track:Q93482363"></a>
2. Bibliothèque nationale de France Maria Bohuszewiczówna // data.bnf.fr: платформа адкрытых даных — 2011.
   <a href="https://wikidata.org/wiki/Track:Q19938912"></a><a href="https://wikidata.org/wiki/Track:Q54837"></a><a href="https://wikidata.org/wiki/Track:Q193563"></a>
3. Maria Bohuszewiczówna // Faceted Application of Subject Terminology Праверана 9 кастрычніка 2017.
   <a href="https://wikidata.org/wiki/Track:Q3294867"></a><a href="https://wikidata.org/wiki/Track:Q846596"></a>
4. Maria Stefania Bohuszewiczówna // NUKAT — 2002.
   <a href="https://wikidata.org/wiki/Track:Q11789729"></a>
5. Богушевич Мария Владимировна // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 66. — 737 с.
6. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль. / Укладальнік Л. У. Маракоў. — Смаленск, 2003. — 480 с. — ISBN 985-6374-04-9.

Літаратура

• Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль. / Укладальнік Л. У. Маракоў. — Смаленск, 2003. — 480 с. — ISBN 985-6374-04-9.
• Wawrzykowska-Wierciochowa D. Maria Bohuszewiczówna. — Warszawa, 1968;
• Czerepica W. Związki rewolucjonistów Białorusi i Polski w latach 70-80 XIX wieku. — Warszawa, 1985;
• ЭГБ, т. 1.