Мацьё Вальбуэна

Мацьё Вальбуэна
Агульная інфармацыя
Нарадзіўся	28 верасня 1984(1984-09-28)[1][2] (40 гадоў) Бруж, Метраполія Бардо^[d], Францыя
Грамадзянства	Францыя
Рост	167 см
Вага	58 кг
Пазіцыя	вінгер
Інфармацыя пра клуб
Клуб	Апалон
Маладзёжныя клубы
Бардо 2002—2004 Лангон-Кастэтс
Клубная кар’ера[* 1]
2004—2006 Лібурн-Сен-Сёрэн 53 (10) 2006—2014 Алімпік (Марсель) 231 (26) 2014—2015 Дынама (Масква) 29 (6) 2015—2017 Алімпік (Ліён) 56 (9) 2017—2019 Фенербахчэ 51 (10) 2019—2023 Алімпіякос (Пірэй) 98 (14) 2023— Апалон (Лімасол)
Нацыянальная зборная[* 2]
2010—2015 Францыя 52 (8)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 24 ліпеня 2023. Колькасць гульняў і галоў за нацыянальную зборную ў афіцыйных матчах, адкарэктавана станам на 11 кастрычніка 2015
Медыяфайлы на Вікісховішчы

Мацьё Вальбуэна (фр.: Mathieu Valbuena; нар. 28 верасня 1984, Бруж, Францыя) — французскі футбаліст, паўабаронца кіпрскага клуба «Апалон» з Лімасола. Ігрок нацыянальнай зборнай Францыі (2010—2015). З’яўляецца атакуючым паўабаронцам і нападнікам, а таксама вядомы сваёй хуткасцю, тэхнічнымі здольнасцямі і чэпкім стылем гульні^[3]. З-за свайго маленькага росту Вальбуэна мае мянушку «маленькі веласіпед» (фр.: Le Petit Vélo)^[4].

Клубная кар’ера

Раннія гады

Вальбуэна пачаў сваю кар’еру ў прафесійным клубе «Бардо». Пасля двух сезонаў у «Бардо» ён далучыўся да аматарскага клуба «Лангон-Кастэ» ў пяты дывізіён французскага футбола. У 2004 годзе далучыўся да клуба «Лібурн», які выступаў у трэцім паводле ўзроўню дывізіёне французскага футбола.

У сезоне 2006 года клуб прабіўся ў Лігу 2, а Вальбуэна быў названы іграком года лігі, што зацікавіла некалькіх прафесійных клубаў Лігі 2 і Лігі 1.

«Алімпік» Марсель

9 чэрвеня 2006 года Вальбуэна падпісаў свой першы прафесійны кантракт пасля ўзгаднення з пераходам у клуб «Алімпік» з Марселя. Ён падпісаў трохгадовы кантракт з клубам і атрымаў кашулю з нумарам 28^[5]. Вальбуэна дэбютаваў за клуб 15 ліпеня 2006 года ў матчы трэцяга раўнда Кубка Інтэртота супраць украінскага клуба «Дняпро»^[6]. Вальбуэна дэбютаваў за клуб у розыгрышу французскай лігі 19 лістапада 2006 года ў матчы супраць «Валансьена», выйшаўшы на змену^[7]. 19 мая 2007 года Вальбуэна забіў свой першы прафесійны гол у матчы супраць клуба «Сент-Эцьен», а яго каманда перамагла ў той сустрэчы з лікам 2:1.

«Дынама» Масква і «Алімпік» Ліён

2 жніўня 2014 года падпісаў кантракт з маскоўскім «Дынама». Замацаваўся ў аснове маскоўскага клуба і быў прызнаны аматарамі найлепшым футбалістам «Дынама» ў сезоне 2014/15. Улетку 2015 года, з-за выключэння «Дынама» з еўракубкаў і скарачэння бюджэту, цікавасць да Вальбуэна стаў праяўляць ліёнскі «Алімпік». 11 жніўня падпісаў трохгадовы кантракт з французскім клубам^[8].

«Фенербахчэ» і «Алімпіякос»

У чэрвені 2017 года перайшоў у турэцкі клуб «Фенербахчэ»^[9]. У маі 2019 года абвясціў аб сыходзе з каманды па заканчэнні сезона і неўзабаве падпісаў кантракт з грэчаскім «Алімпіякосам»^[10]. Пакінуў клуб па заканчэнні сезона 2022/23.

У ліпені 2023 года папоўніў склад кіпрскага «Апалона».

Міжнародная кар’ера

Вальбуэна не выклікаўся дзіцяча-юнацкія зборныя Францыі. Тым не менш, пасля яго ўражлівых выступаў у «Марселі», ён быў выкліканы да нацыянальнай каманды трэнерам Раймонам Даменекам на матчы супраць зборных Англіі і Малі ў сакавіку 2008 года^[11], але з-за траўмы Мацьё быў вымушаны прапусціць гульні.

Наступны выклік Вальбуэна атрымаў праз два гады ў маі 2010 года, калі ён быў уключаны ў папярэдні спіс з 30 чалавек, якія павінны былі гуляць на чэмпіянаце свету па футболе ў ПАР^[12].

Дасягненні

Алімпік Марсель:

• Чэмпіён Францыі: 2010
• Уладальнік Кубка лігі Францыі (3): 2010, 2011, 2012
• Уладальнік Суперкубка Францыі (2): 2010, 2011

Алімпіякос:

• Чэмпіён Грэцыі (3): 2020, 2021, 2022
• Уладальнік Кубка Грэцыі: 2020

Асабістае жыццё

Вальбуэна нарадзіўся ў паўднёва-заходняй камуне Бруж у дэпартаменце Жыронда, яго маці завуць Брыджыт, а бацьку — Карлас^[13]. Ён мае іспанскае паходжанне праз свайго бацьку, які родам з горада Вальядалід.

Крыніцы

1. Mathieu Valbuena // Transfermarkt — 2000. Праверана 9 кастрычніка 2017.
   <a href="https://wikidata.org/wiki/Track:Q2449070"></a>
2. Mathieu Valbuena // As — Madrid: PRISA, 1967. — ISSN 1888-6671
   <a href="https://wikidata.org/wiki/Track:Q2807"></a><a href="https://wikidata.org/wiki/Track:Q1466106"></a><a href="https://wikidata.org/wiki/Track:Q719880"></a>
3. «A Night of Cold and Coldly Calculated Play». New York Times.
4. «Foot — OM : Valbuena, l’increvable „Petit Vélo“» Архівавана 2 снежня 2013.. France Soir.
5. «Marseille : Valbuena signe trois ans» Архівавана 20 ліпеня 2011.. Football365.
6. «Mathieu Valbuena». Football365.
7. «Marseille v. Valenciennes Match Report». Ligue de Football Professionnel.
8. «Лион» объявил о переходе Матье Вальбуэна. football.by
9. Вальбуэна представлен в качестве игрока «Фенербахче». by.tribuna.com
10. Вальбуэна перешел в «Олимпиакос». by.tribuna.com
11. «France call up four new caps» Архівавана 26 кастрычніка 2012.. Fédération Internationale de Football Association.
12. «Liste des 30: Mathieu Valbuena en a pleuré». Chronofoot.
13. «Blanquefort, pays des Valbuena». La Provence.

Спасылкі

• На Вікісховішчы ёсць медыяфайлы па тэме Мацьё Вальбуэна