Мовы Славеніі

Мовы Славеніі
Распаўсюджаныя мовы Славеніі (Census 2002)
Афіцыйныя мовы Славенская[1]
Мовы меншасцяў Венгерская, Італьянская,[1] Цыганская, Харвацкая, Сербская, Нямецкая[2][3]
Асноўныя мовы імігрантаў Харвацкая, Сербахарвацкая, Сербская, Баснійская, Цыганская
Асноўныя замежныя мовы Сербахарвацкая, Англійская, Нямецкая, Італьянская
Раскладка клавіятуры
Славенская QWERTZ

Дзяржаўнай і гутарковай мовай Славеніі з'яўляецца славенская мова. На ёй гаворыць 91,1 % насельніцтва (па даных перапісу 2002 г.). Таксама большая частка насельніцтва гаворыць на англійскай, венгерскай і італьянскай мовах.

Славенская мова

[правіць | правіць зыходнік]
Асноўны артыкул: Славенская мова

Паводле 11 артыкулу Канстытуцыі Славеніі, славенская мова з'яўляецца адзінай дзяржаўнай мовай на тэрыторыі ўсёй краіны. Тэлебачанне, радыё, газеты, рэкламныя ролікі, інструкцыі да ўжывання і іншыя СМІ могуць быць толькі на славенскай мове, замежныя мовы дапушчаюцца толькі з субцітрамі і/або з перакладам. Пасля далучэння Славеніі да Еўрасаюза 1 мая 2004 года, славенская мова стала адной з яго афіцыйных моў.

Італьянская мова

[правіць | правіць зыходнік]
Асноўны артыкул: Італьянская мова

Італьянская мова прызнаецца афіцыйнай у славенскай Істрыі каля славенска-італьянскай мяжы і на славенскім узбярэжжы.

Венгерская мова

[правіць | правіць зыходнік]
Асноўны артыкул: Венгерская мова

Венгерская мова з'яўляецца роднай для венгерскай меншасці ў Прэкмур'і.

Прэкмурска-славенская мова

[правіць | правіць зыходнік]
Асноўны артыкул: Прэкмурска-славенская мова

Афіцыйна не прызнаная рэгіянальная мова. Яна адпавядае палажэнням Еўрапейскай хартыі рэгіянальных моў, аднак Славенія пакуль не далучылася да краін, якія падпісалі Хартыю.

Замежныя мовы

[правіць | правіць зыходнік]

Гістарычна склалася так, што нямецкая мова была лінгва-франка Цэнтральнай Еўропы. Яна была мовай гандлю, навукі і літаратуры ў Славеніі. Нямецкая мова выкладалася ў якасці асноўнай замежнай мовы ў школах. У наш час яе замяніла англійская, аднак нямецкая застаецца важнай замежнай мовай у Славеніі. Іншымі асноўнымі замежнымі мовамі Славеніі з'яўляюцца іспанская, французская і венгерская.

Зноскі

[правіць | правіць зыходнік]
  1. ↑ а б Італьянская і венгерская ў некаторых італьянскіх і венгерскіх абшчынах.
  2. ↑ European Charter for Regional or Minority Languages: Second Periodical Report: Slovenia. Council of Europe (13 чэрвеня 2006).
  3. ↑ European Charter for Regional or Minority Languages: Third Periodical Report: Slovenia. Council of Europe (2 чэрвеня 2009).

Спасылкі

[правіць | правіць зыходнік]