Мэрылін Спірс Батлер

Мэрылін Спірс Батлер (Эванс)
Marilyn Speers Butler (Evans)
Дата нараджэння 11 лютага 1937(1937-02-11)
Месца нараджэння Кумб, Англія
Дата смерці 11 сакавіка 2014(2014-03-11) (77 гадоў)
Месца смерці Оксфард, Англія
Грамадзянства
Бацька Trevor Evans[d][1]
Муж David Butler[d][2]
Дзеці Gareth Butler[d][2]
Род дзейнасці літаратурная крытык, гісторык
Навуковая сфера літаратурная крытыка
Месца працы Каледж Святой Хільды, Эксетэр-каледж
Навуковая ступень ганаровы доктар
Альма-матар Каледж Святой Хільды
Навуковы кіраўнік Прафесура імя караля Эдуарда VII па англійскай літаратуры
Член у
Прэміі
Узнагароды Прэмія Роўз Мэры Кроўшэй (1973)

Мэрылін Спірс Батлер (англ.: Marilyn Speers Butler), у дзявоцтве Эванс (англ.: Evans; 11 лютага 1937 — 11 сакавіка 2014) — брытанскі літаратурны крытык. Кіравала прафесурай імя караля Эдуарда VII па англійскай літаратуры ў Кембрыджскім універсітэце, рэктар Эксетэр-каледжа (1993—2004). Стала першай жанчынай, якая ўзначаліла адзін з каледжаў Оксфарда і Кембрыджа[3]. Лаўрэатка прэміі Роўз Мэры Кроўшэй (1973).

Жыццяпіс

[правіць | правіць зыходнік]

Ранняе жыццё

[правіць | правіць зыходнік]

Мэрылін Спірс Эванс нарадзілася 11 лютага 1937 года ў Кумбе, на паўднёва-заходнім прыгарадзе Лондана. Яе бацькам быў журналіст сэр Трэвар Молдуін Эванс, а маці — Маргарэт Спірс «Мэдж» Эванс (Margaret Speers «Madge» Evans; у дзявоцтве Грыбін, Gribbin). Ва ўзросце двух гадоў падчас Другой сусветнай вайны яна была эвакуіравана разам з маці і старэйшым братам у Нью-Кі, Уэльс, дзе і пражывала да заканчэння вайны[4]. Яна атрымала адукацыю ў Уімблдонскай сярэдняй школе і каледжы Святой Хільды ў Оксфардзе[5], скончыўшы яго ў 1958 годзе з адзнакай па прадмеце англійская мова. Пачала сваю кар’еру як школьная настаўніца, а ў 1960 годзе перайшла на працу журналістам на тэлерадыёкампанію «BBC». У 1962 годзе Эванс выйшла замуж за Дэвіда Эджуорта Батлера, у сям’і нарадзілася трое сыноў[4].

Навуковая дзейнасць

[правіць | правіць зыходнік]

Напачатку 1960-х гадоў Мэрылін Спірс Батлер пакінула журналістыку і вярнулася ў акадэмічнае асяроддзе, абараніўшы доктарскую дысертацыю ў Оксфардзе ў 1966 годзе. Яна атрымала даследчую стыпендыю ў каледжы Святой Хільды ў Оксфардзе. Сярод яе апублікаваных прац — «Джэйн Осцін і вайна ідэй» (1975) і «Рамантыкі, бунтары і рэакцыянеры» (1982). Значную частку сваёй працы яна прысвяціла творчасці англа-ірландскай пісьменніцы-рамантыка Марыі Эджуорт, сваячкі яе мужа. Батлер напісала біяграфію Марыі Эджуорт і падрыхтавала важнае выданне яе збору твораў для выдавецтва «Pickering & Chatto»[4]. У супрацоўніцтве са сваёй залоўкай Крысцінай Колвін яна напісала дзве кнігі пра Марыю Эджуорт, за якія абедзве атрымалі прэмію Роўз Мэры Кроўшэй у 1973 годзе[6].

У 1986—1993 гадах узначальвала прафесуру імя караля Эдуарда VII па англійскай літаратуры ў Кембрыджскім універсітэце, у 1993—2004 гадах займала пасаду рэктара Эксетэр-каледжа пры Оксфардскім універсітэце.

У чэрвені 2003 года ўдастоена ступені ганаровага доктара Адкрытага ўніверсітэта[7]. З’яўлялася членам Брытанскай акадэміі.

Познія гады

[правіць | правіць зыходнік]

Пасля таго, як у 2004 годзе ў Мерылін дыягнаставалі хваробу Альцгеймера, яе здароўе паступова пагаршалася. 11 сакавіка 2014 года Мэрылін Спірс Батлер памерла ў Хэдынгтанскам доме састарэлых у Оксфардзе праз ускладненні, выкліканыя інфекцыяй дыхальных шляхоў[3][4].

Працы

[правіць | правіць зыходнік]

Арыгінальныя кнігі

[правіць | правіць зыходнік]
  • «Марыя Эджуорт: Літаратурная біяграфія» (Maria Edgeworth: A Literary Biography, 1972)
  • «Джэйн Осцін і вайна ідэй» (Jane Austen and the War of Ideas, 1975)
  • «Паўлінавы хвост распушчаны: Сатырык у сваім кантэксце» (Peacock Displayed: A Satirist in His Context, 1979)
  • «Рамантыкі, бунтары і рэакцыянеры: Англійская літаратура ў кантэксце 1760—1830 гадоў» (Romantics, Rebels, and Reactionaries: English Literature and Its Background, 1760—1830, 1982)
  • «Міфы на карце: Супрацьцячэння ў брытанскай паэзіі і культурнай гісторыі XVIII стагоддзя» (Mapping Mythologies: Countercurrents in Eighteenth-Century British Poetry and Cultural History, 2015)

Рэдакцыйныя кнігі

[правіць | правіць зыходнік]

Крыніцы

[правіць | правіць зыходнік]
  1. ↑ Oxford Dictionary of National Biography / C. Matthew — Oxford: OUP, 2004.
  2. ↑ а б Kindred Britain
  3. ↑ а б Mullan, John. Marilyn Butler obituary. The Guardian (13 сакавіка 2014). Праверана 13 сакавіка 2014.
  4. ↑ а б в г Butler [née Evans, Marilyn Speers (1937–2014)]. Oxford Dictionary of National Biography (15 лютага 2018). doi:10.1093/odnb/9780198614128.013.107761. Праверана 12 траўня 2020.
  5. ↑ British Academy: The British Academy Book Prize — Judging Panel Архівавана 19 снежня 2007 года.
  6. ↑ Crick, Michael (2018). Sultan of Swing: The Life of David Butler. Biteback Publishing. ISBN 9781785904394.
  7. ↑ Honorary graduate cumulative list. open.ac.uk. Праверана 23 лістапада 2018.

Спасылкі

[правіць | правіць зыходнік]