Міжнародны саюз архітэктараў

«Міжнародны саюз архітэктараў» ( МСА ) (англ.: International Union of Architects ( UIA )) — інтэрнацыянальная няўрадавая арганізацыя, якая ў наш час МСА налічвае 124 нацыянальных архітэктурных секцый, членамі якіх з'яўляюцца больш за мільён архітэктараў з розных краін свету^[1].

Гісторыя, задачы, структура МСА

У верасні 1946 года ў сталіцы Вялікабрытаніі горадзе Лондане адбылася міжнародная нарада архітэктараў, сярод якіх былі і дэлегаты з Савецкага Саюза. На гэтым паседжанні, практычна аднагалосна, было прынята рашэнне аб стварэнне «Міжнароднага саюза архітэктараў». Афіцыйна арганізацыя была зарэгістравана ў горадзе Лазана (Швейцарыя) у 1948 годзе.

Паводле ВСЭ, мэтай арганізацыі з'яўляецца стварэнне спрыяльных умоў жыцця людзей і барацьба за павышэнне мастацкіх, функцыянальных і інжынерна-тэхнічных якасцей твораў архітэктуры^[2].

Вышэйшым органам «Міжнароднага саюза архітэктараў» з'яўляецца Генеральная асамблея МСА, якая склікаецца раз у два гады. Генасамблея абірае Выканаўчы камітэт МСА. МСА мае кансультатыўны статус пры ЮНЕСКА і Арганізацыі Аб'яднаных Нацый, падтрымлівае пастаянныя сувязі са Сусветнай арганізацыяй аховы здароўя.

Дзеючы прэзідэнт «Міжнароднага саюза архітэктараў» — Альбер Дзюблер з Францыі. Генеральны сакратарыят МСА знаходзіцца ў Парыжы (Францыя).

Гл. таксама

• Саюз архітэктараў.
• Сусветны дзень архітэктуры — заснаваны МСА ў 1985 годзе.

Крыніцы

1. 1 ОКТЯБРЯ — ВСЕМИРНЫЙ ДЕНЬ АРХИТЕКТУРЫ // PROPLEX — Австрийские оконные технологии
2. Международный союз архитекторов — артыкул з Вялікай савецкай энцыклапедыі (3-е выданне)

Спасылкі

• Афіцыйны сайт МСА (англ.), (фр.)