Місісіпскі ўніверсітэт для жанчын

Місісіпскі ўніверсітэт для жанчын
англ.: Mississippi University for Women
Арыгінальная назва англ.: Mississippi University for Women
Заснаваны 1884
Студэнты 2 704[1]
Краіна
Размяшчэнне Калумбус, Місісіпі, ЗША
Сайт muw.edu

Місісіпскі ўніверсітэт для жанчын (англ.: Mississippi University for Women) — амерыканская дзяржаўная вышэйшая навучальная ўстанова са статусам універсітэта, якая месціцца ў горадзе Калумбус у штаце Місісіпі.

Агульная характарыстыка

[правіць | правіць зыходнік]

Раней вучэльня называлася Місісіпскім індустрыяльным інстытутам і каледжам для адукацыі белых дзяўчынак, а пазней — Місісіпскім дзяржаўным жаночым каледжам. Мужчыны прымаюцца ва ўніверсітэт з 1982 года і сёння складаюць каля 20 % агульнай колькасці студэнтаў.

Гэта першая дзяржаўная жаночая вучэльня ў ЗША. У 1966 годзе да вучэльні былі залічаныя першыя тры мясцовыя афраамерыканкі. Статус універсітэта вучэльня атрымала ў 1974 годзе.

У 2022 годзе U.S. News & World Report паставіў Місісіпскі ўніверсітэт для жанчын на 15-е месца сярод дзяржаўных рэгіянальных універсітэтаў Поўдня ЗША і на 18-е месца сярод лепшых дзяржаўных вышэйшых школ. Універсітэт таксама ўваходзіць у топ-10 па прыкмеце сацыяльнай мабільнасці.

Гл. таксама

[правіць | правіць зыходнік]

Крыніцы

[правіць | правіць зыходнік]
  1. ↑ Integrated Postsecondary Education Data System — 1992.

Спасылкі

[правіць | правіць зыходнік]