Ніёле Амбразайціце

Ніёле Амбразайціце
2008
Асноўная інфармацыя
Дата нараджэння	21 лютага 1939(1939-02-21)
Месца нараджэння	Буракай^[d], Літва
Дата смерці	27 лістапада 2016(2016-11-27) (77 гадоў)
Месца смерці	Вільнюс, Вільнюскае гарадское самакіраванне, Літва
Месца пахавання	Антакальніскія могілкі
Краіна	Літва → СССР → Літва
Альма-матар	Літоўская акадэмія музыкі і тэатра
Месца працы	Літоўская акадэмія музыкі і тэатра
Музычная дзейнасць
Прафесіі	палітык, оперная спявачка, выкладчыца ўніверсітэта
Пеўчы голас	мецца-сапрана
Інструменты	фартэпіяна і вакал
Жанры	опера
Грамадская дзейнасць
Партыя	Саюз Айчыны — Літоўскія хрысціянскія дэмакраты
Узнагароды	Камандор Вялікага князя Літоўскага Гядзімінаса

Ніёле Амбразайці́це (літ.: Nijolė Ambrazaitytė; 21 лютага 1939 — 27 лістапада 2016) — савецкая літоўская оперная і камерная спявачка (мецца-сапрана). Народная артыстка СССР (1977).

Біяграфія

Нарадзілася 21 лютага 1939 года ў вёсцы Буракай Калварыйскага павета (ці Алітускага павета) Літвы, цяпер — тэрыторыя Калварыйскага самакіравання, Марыямпальскага павета (паводле іншых крыніц — Лаздзійскага раёна Алітускага павета^[1]).

У час Другой сусветнай вайны бацькі Ніёле пераехалі ў Германію, а затым — у Канаду. Выхоўвалася бабуляй і дзядулем у вёсцы у Літоўскай ССР. 22 мая 1948 года, да заканчэння пачатковай школы, разам з бабуляй, дзядулем і сям’ёй сястры маці была выслана ў Краснаярскі край РСФСР. Месцам высылкі стала Ігарка, дзе яна жыла да 1956 года. Вярнулася ў Літоўскую ССР толькі ў 1956 годзе.

У 1966 годзе скончыла Вільнюскую кансерваторыю па класе спеву ў Э. Мажрымайце-Дзірсене  (літ.). З 1966 года — салістка Літоўскага тэатра оперы і балета ў Вільнюсе. Выбіралася дэпутатам Сейма Літоўскай Рэспублікі некалькіх скліканняў.

Творчасць

Спявачка высокай вакальнай і сцэнічнай культуры. Сярод партый: Марына Мнішак («Барыс Гадуноў» М. Мусаргскага), Кармэн («Кармэн» Ж. Бізэ), Амнерыс («Аіда» Дж. Вердзі), Мірта («Піленай» В. Кловы).

Узнагароды і званні

• 2-я прэмія Міжнароднага конкурсу вакалістаў імя Дж. Энеску ў Бухарэсце (1970)
• Народная артыстка Літоўскай ССР (1975)
• Народная артыстка СССР (1977)
• Камандорскі крыж ордэна Вялікага князя Літоўскага Гядзімінаса (1996).

Зноскі

1. АМБРАЗАЙЦІЦЕ ў энцыклапедыі музыкі

Літаратура

• Амбразайцітэ Ніёле. Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх