Оскар Кардоса

Оскар Кардоса
Агульная інфармацыя
Поўнае імя	Оскар Рэнэ Кардоса
Нарадзіўся	20 мая 1983(1983-05-20)[1][2]^[…] (41 год) Хуан-Эўлохіа-Эстыгарыбія^[d], дэпартамент Каагуасу, Парагвай
Грамадзянства	Парагвай
Рост	193 см
Вага	87 кг
Пазіцыя	нападнік
Інфармацыя пра клуб
Клуб	Лібертад
Нумар	9
Клубная кар’ера[* 1]
2003—2004 3 Лютага 34 (20) 2004—2006 Насьяналь 63 (22) 2006—2007 Ньюэлс Олд Бойз 33 (21) 2007—2014 Бенфіка 175 (112) 2014—2016 Трабзанспор 50 (25) 2016—2017 Алімпіякос 22 (3) 2017— Лібертад 71 (33)
Нацыянальная зборная[* 2]
2006— Парагвай 51 (11)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 14 мая 2019. Колькасць гульняў і галоў за нацыянальную зборную ў афіцыйных матчах, адкарэктавана станам на 10 чэрвеня 2019
Медыяфайлы на Вікісховішчы

О́скар Рэнэ́ Кардо́са Мары́н (ісп.: Óscar René Cardozo Marín; нар. 20 мая 1983, Хуан-Эўлохіа-Эстыгарыбія, Парагвай) — парагвайскі футбаліст, нападнік клуба «Лібертад» і нацыянальнай зборнай Парагвая. Двойчы абіраўся як найлепшы футбаліст года ў Парагваі (2006 і 2009).

Кар’ера

Клубная

Да 2006 года Оскар гуляў у розных парагвайскіх клубах. У другой палове 2006 года ён перайшоў у аргенцінскі «Ньюэлс Олд Бойз» за 1,2 млн долараў ЗША. За першы сезон Оскар згуляў 16 матчаў і забіў 11 мячоў. Дзякуючы сваёй добрай гульні Кардоса атрымаў прыз Футбаліста года ў Парагваі.

20 чэрвеня 2007 года Оскар перайшоў у «Бенфіку» за 9,1 млн еўра за 80% правоў на іграка. Кар’ера ў Партугаліі ў Кардоса пачалася вельмі добра, ён пачаў рэгулярна выходзіць у асноўным складзе і стаў лепшым бамбардзірам клуба з 16 мячамі ў розных спаборніцтвах. У сезоне 2009/10 забіў у чэмпіянаце Партугаліі 26 мячоў у 29 матчах і стаў лепшым бамбардзірам чэмпіянату, што дапамагло «Бенфіцы» атрымаць перамогу ў партугальскім чэмпіянаце ўпершыню з 2005 года. Яшчэ 10 мячоў Кардоса забіў за сезон у Лізе Еўропы, падзяліўшы з Клаўдзіа Пісара тытул найлепшага бамбардзіра турніру.

4 жніўня 2014 года «Бенфіка» абвясціла пра пераход іграка ў турэцкі «Трабзанспор» за 5 млн еўра. Акрамя таго, выплаты могуць быць павялічаны яшчэ на 1,6 млн еўра ў залежнасці ад вынікаў гульні футбаліста^[3]. 31 жніўня 2016 года перайшоў у грэчаскі «Алімпіякос», з якім стаў чэмпіёнам краіны.

У чэрвені 2017 года вярнуўся ў Парагвай, стаўшы іграком клуба «Лібертад»^[4].

Міжнародная

Свой першы матч за зборную Парагвая Кардоса правёў 7 кастрычніка 2006 года супраць зборнай Аўстраліі. 5 сакавіка 2007 года ў матчы супраць зборнай Мексікі забіў свой першы гол на міжнароднай арэне.

Дасягненні

«Бенфіка»:

• Чэмпіён Партугаліі (2): 2010, 2014
• Уладальнік Кубка Партугаліі: 2014
• Уладальнік Кубка партугальскай лігі (5): 2009, 2010, 2011, 2012, 2014

«Алімпіякос»:

• Чэмпіён Грэцыі: 2017

Крыніцы

1. http://www.tff.org/Default.aspx?pageId=30&kisiId=1722417
2. Óscar Cardozo // Transfermarkt — 2000. Праверана 9 кастрычніка 2017.
   <a href="https://wikidata.org/wiki/Track:Q2449070"></a>
3. Comunicado Архівавана 8 жніўня 2014.. CMVM.
4. Оскар Кардосо перешел в «Либертад». by.tribuna.com.

Спасылкі

• Профіль на сайце transfermarkt.com (англ.)
• Статыстыка на сайце National Football Teams (англ.)
• Профіль на сайце soccerway.com (руск.)
• Статыстыка на сайце ForaDeJogo (англ.)
• Статыстыка на сайце UEFA.com (руск.)
• Статыстыка на сайце FIFA (англ.)
• Статыстыка на сайце Zerozero (англ.)