Польскі грыб

Польскі грыб

Польскі грыб
Навуковая класіфікацыя
Міжнародная навуковая назва

Imleria badia

Сінонімы
  • Boletus badius
  • Xerocomus badius

Сістэматыка
на Віківідах
Выявы
на Вікісховішчы
EOL  43919243
MB  550569

Польскі грыб, каштанавік (Imleria badia) — грыб роду Imleria.

Сустракаюцца таксама назвы — карычневы грыб, панскі грыб і махавік каштанавы.

Апісанне

[правіць | правіць зыходнік]
Польскі грыб

Дыяметр капялюшыка складае 4—12 см (макс да 15 см), капялюшык мае паўкруглую, выпуклую, пазней подушкпадобную і нават плоскую форму. Скурка не здымаецца, на вобмацак гладкая, сухая, у мокрае надвор'е троху клейкая, у маладых грыбоў матавая, затым бліскучая. Колер — каштанава-карычневы, цёмна-буры ці шакаладна-карычневы.

Пры датыканні да ніжняй часткі капялюшыка яна сінее

Мякаць мясістая, шчыльная, бялёсая ці жаўтлявая, у капялюшыку мякаць на зрэзе злёгку сінее, затым ізноў становіцца светлай, у ножцы сінее і потым бурэе. Пах прыемны, грыбны, смак мяккі.

Трубчасты пласт прырослы ў ножкі ці амаль вольны, з невялікім выманнем, трубачкі жаўтлявыя, пазней залаціста-жоўтыя ці зелёна-жоўтыя, маюць даўжыню да 2 см, поры вуглаватыя, спачатку дробныя і белыя, светла-жоўтыя, пазней становяцца буйней, зялёна-жоўтыя ці аліўкава-жоўтыя, пры націсканні сінеюць.

Ножка 4—12 см вышынёй і 1—4 см таўшчынёй, цыліндрычная ці троху звужаная ці наадварот уздутая ўнізе, валакністая, колер светла-карычневы, буры ці жоўты з чырвона-карычневымі валокнамі, угары і ўнізе больш светлая.

Споравы парашок карычнявата-аліўкавы. Споры 12—16 на 5—6 мкм, эліпсоідна-верацёнападобныя, мядова-жоўтыя, гладкія.

Экалогія і распаўсюджванне

[правіць | правіць зыходнік]
Група польскіх грыбоў

Утварае мікарызу часцей з хвояй, а таксама з елкай, букам, дубам, каштанам еўрапейскім. Сустракаецца ў іглястых, радзей лісцевых лясах, у гушчары на пясчаных глебах, часам вырастае на ніжніх частках ствалоў і на пнях. Пладаносіць асобна ці рэдкімі групамі. Распаўсюджаны, месцамі звычайны від у паўночнай умеранай зоне. Польскі грыб практычна паўсюдна сустракаецца па ўсёй тэрыторыі Цэнтральнай і Заходняй Еўропы, захоплівае ў свой арэал частка Сярэдняй Азіі, каўказскія перадгор'і, Прыўраллі, Урал і Усходнюю Сібір.[1] У Беларусі расце паўсюдна.

Сезон збору чэрвень — лістапад, часта пладаносіць калі іншыя трубчатыя грыбы ўжо не сустракаюцца.

Ужыванне ў ежу

[правіць | правіць зыходнік]
link = Ядомыя грыбы
link = Ядомыя грыбы

Ядомы, шматлікія грыбнікі лічаць яго смакавыя якасці вельмі добрымі. Выкарыстоўваецца ў шматлікіх стравах з грыбоў, а таксама прыдатны для сушкі і марынавання. Мае лекавыя ўласцівасці.

Падабенства

[правіць | правіць зыходнік]

Польскі грыб немагчыма паблытаць з ніякім іншым трубчатым грыбам[2].

Зноскі

[правіць | правіць зыходнік]
  1. ↑ Польскі грыб: апісанне, распаўсюджванне
  2. ↑ Польский гриб Архівавана 9 верасня 2012.

Літаратура

[правіць | правіць зыходнік]
  • Лессо Т. Грибы, определитель / пер. с англ. Л. В. Гарибовой, С. Н. Лекомцевой. — М.: «Астрель», «АСТ», 2003. — С. 188. — ISBN 5-17-020333-0
  • Справочник-определитель: Грибы / отв. за выпуск Ю. Г. Хацкевич. — Минск: «Харвест», 2002. — С. 118. — 7 000 экз. — ISBN 985-13-0913-3