П’ер Луіджы Фарнезэ

П'ер Луіджы Фарнезэ
італ.: Pier Luigi Farnese
Тыцыян Партрэт П'ера Луіджы Фарнезэ
герцаг Пармы і П'ячэнцы з 1545
Пераемнік	Атавіа Фарнезэ
герцаг Кастра 1537 — 1545
Пераемнік	Арацыа Фарнезэ
Нараджэнне	19 лістапада 1503 Рым, Папская вобласць
Смерць	10 верасня 1547 (43 гады) П’ячэнца, правінцыя П’ячэнца, Эмілія-Раманья
Месца пахавання	Isola Bisentina^[d]
Род	Фарнезэ
Бацька	Павел III
Маці	Silvia Ruffini^[d]
Жонка	Gerolama Orsini^[d]
Дзеці	Алесандра Фарнезэ^[d], Атавіа Фарнезэ^[d], Рануча Фарнезэ^[d], Віторыя Фарнезэ^[d] і Арацыа Фарнезэ^[d]
Веравызнанне	Каталіцкая Царква
Званне	генерал-капітан^[d]
Медыяфайлы на Вікісховішчы

П’ер Луіджы Фарнезэ (італ.: Pier Luigi Farnese; 9 лістапада 1503, Рым — 10 верасня 1547, П’ячэнца) — першы герцаг Пармскі з дому Фарнезэ.

Біяграфія

П’ер Луіджы быў пазашлюбным сынам Папы Рымскага Паўла III. Пасля таго, як Павел (у міру — Алесандра Фарнезэ) у 1534 годзе становіцца главой Папскай дзяржавы, ён прызначае П’ера Луіджы ў 1537 годзе ганфаланьерам Каталіцкай царквы, узводзіць у званне герцага Кастра і надзяляе зямельнымі ўладаннямі. П’ер Луіджы становіцца пасланцам і пасроднікам паміж Папам і імператарам Свяшчэннай Рымскай імперыі Карлам V, які, у сваю чаргу, у 1538 годзе робіць яго маркграфам Навары. Нягледзячы на тое, што адносіны паміж П’ерам Луіджы і яго бацькам, Папам Паўлам III, часцяком былі канфліктнымі, у 1545 годзе ён атрымаў ад Паўла III у спадчыннае ўладанне герцагства Парма і П’ячэнца. У выніку герцагства Кастра быў перададзена трэцяму сыну П’ера Луіджы, Арацыа.

Спроба П’ера Луіджы са сваёй сям’ёй умацавацца ў гэтым новаўтвораным герцагстве Парма і П’ячэнца скончылася змовай мясцовага дваранства і яго забойствам у П’ячэнцы ў 1547 годзе. Праз два дні пасля здарэння герцагства было занята імперскімі войскамі, і яго трон без усякіх цяжкасцей заняў другі па старшынстве сын П’ера Луіджы, Атавіа Фарнезэ. Старэйшы сын П’ера Луіджы, Алесандра Фарнезэ, яшчэ ў 1534 годзе, ва ўзросце 14-ці гадоў, быў узведзены ў кардыналы.

Сям’я

У 1519 годзе П’ер Луіджы Фарнезэ ажаніўся з Джэраламай Арсіні (пам. 1570), дачкой Луіджы Арсіні. У гэтай сям’і нарадзіліся не менш за 5 дзяцей:

• Алесандра Фарнезэ (1520—1589), кардынал
• Атавіа Фарнезэ (1524—1586), герцаг Пармы і П’ячэнцы (з 1547), герцаг Кастра (з 1553), у шлюбе з Маргарытай Пармскай (1522—1586), пазашлюбнай дачкой імператара Карла V
• Арацыа Фарнезэ (пам. 1553), герцаг Кастра (з 1545), у шлюбе з Дыянай Французскай (1538—1619), пазашлюбнай дачкой французскага караля Генрыха II
• Ранучыа Фарнезэ (1530—1565), кардынал
• Віторыя Фарнезэ, у шлюбе з Гвідабальда II дэла Роверэ, герцагам Урбіна (1513—1574)

Зноскі