Рабінью

Рабінью
Агульная інфармацыя
Поўнае імя	Робсан ды Соза
Мянушкі	Бінью, Робі, Фінтэр
Нарадзіўся	25 студзеня 1984(1984-01-25)[1][2]^[…] (40 гадоў) Сан-Вісенты^[d], штат Сан-Паўлу, Бразілія
Грамадзянства	Бразілія
Рост	172 см
Вага	71 кг
Пазіцыя	нападнік
Маладзёжныя клубы
1990—1993 Бейра-Сак 1993 МФК Партуарыус 1993—2002 Сантус
Клубная кар’ера[* 1]
2002—2005 Сантус 111 (46) 2005—2008 Рэал Мадрыд 101 (25) 2008—2010 Манчэстэр Сіці 41 (14) 2010 →  Сантус 17 (19) 2010—2015 Мілан 108 (25) 2014—2015 →  Сантус 19 (5) 2015 Гуанчжоу Эвергранд 10 (3) 2016—2017 Атлетыку Мінейру 60 (19) 2018 Сівасспор 30 (12) 2019—2020 Істанбул Башакшэхір 32 (4) 2020 Сантус 0 (0)
Нацыянальная зборная[* 2]
2003—2017 Бразілія 100 (29)
Узнагароды і медалі
Кубкі канфедэрацый Золата Германія 2005 Золата ПАР 2009 Кубкі Амерыкі Золата Венесуэла 2007 Залатыя кубкі КАНКАКАФ Срэбра Мексіка/ЗША 2003
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 3 ліпеня 2021. Колькасць гульняў і галоў за нацыянальную зборную ў афіцыйных матчах, адкарэктавана станам на 13 кастрычніка 2020
Медыяфайлы на Вікісховішчы

Ро́бсан ды Со́за^[3] (парт.: Robson de Souza, МФА: [ˈʁɔbisõ d(ʒi) ˈsowzɐ]) больш вядомы як Рабі́нью^[4] або Рабінья (парт.: Robinho, МФА: [ʁɔˈbĩɲu]; нар. 25 студзеня 1984, Сан-Вісенты, Бразілія) — бразільскі футбаліст, вінгер. Ігрок нацыянальнай зборнай Бразіліі (2003—2017). Рабінью шырока вядомы сваім кантролем мяча, атакавалымі інстынктамі і хуткасцю^[5]. У 1999 годзе, усяго ў 15 гадоў, Рабінью быў асабіста абраны Пеле, як яго спадчыннік.

Клубная кар’ера

«Сантус»

З шасці гадоў пачаў займацца ў футбольнай акадэміі клуба «Бейра-Мар». У 1993 годзе Рабінью ў складзе бразільскай міні-футбольнай каманды «Партуарыус» забіў 73 мяча, пасля чаго быў прыцягнуты ў сістэму «Сантуса». Правёўшы шэсць гадоў у складзе юнацкай каманды, Рабінью падпісаў свой першы ў кар’еры кантракт з «Сантусам» і пачаў рэгулярна гуляць у асноўным складзе. У сезоне 2002 года выйграў свой першы чэмпіянат Бразіліі па футболе.

На наступны год зноў атрымаў тытул чэмпіёна Бразіліі, ім пачалі цікавіцца еўрапейскія гранды. Са скандалам сыходзіў з роднага клуба, гэта значыць адмаўляючыся выступаць за каманду ў знак пратэсту супраць нежадання прадаць яго ў Еўропу.

«Рэал»

31 ліпеня 2005 года перайшоў у мадрыдскі «Рэал» за 25 млн еўра. Дэбютаваў у Ла Лізе 28 жніўня 2005 года ў матчы супраць «Кадыса».

«Манчэстэр Сіці»

У ходзе летняга трансфернага акна 2008 года Рабінью быў блізкі да пераходу ў лонданскі «Чэлсі», аднак 1 верасня 2008 года перайшоў у «Манчэстэр Сіці», заключыўшы чатырохгадовы кантракт. Па неафіцыйнай інфармацыі, за яго была заплачана сума большая за 40 млн еўра.

«Мілан»

31 жніўня 2010 года падпісаў кантракт з італьянскім клубам «Мілан» тэрмінам на 4 гады. Да гэтага ігрок правёў некаторы час у арэндзе ў бразільскім «Сантусе». У 2014 годзе зноў быў адпраўлены ў арэнду ў клуб бразільскі клуб.

«Гуанчжоу Эвергранд»

16 ліпеня 2015 года падпісаў паўгадавы кантракт з кітайскім клубам «Гуанчжоу Эвергранд».

«Атлетыку Мінейру»

У лютым 2016 года ў якасці свабоднага агента падпісаў пагадненне з «Атлетыку Мінейру»^[6]. Пакінуў каманду ў канцы 2017 года.

Турцыя

У студзені 2018 года саў іграком турэцкага «Сівасспора»^[7]. У снежні 2018 года перабраўся ў іншы клуб з Турцыі — «Істанбул Башакшэхір»^[8], з якім у сезоне 2019/20 стаў чэмпіёнам краіны. У жніўні 2020 года пакінуў каманду.

Вяртанне ў «Сантус»

У кастрычніку 2020 года вярнуўся ў «Сантус», падпісаўшы кантракт да лютага 2020 года^[9], аднак ужо праз тыдзень пагадненне было разарвана.

Міжнародная кар’ера

13 ліпеня 2003 года Рабінью дэбютаваў у зборнай Бразіліі ў матчы супраць зборнай Мексікі.

Дасягненні

Клубныя

«Сантус»:

• Чэмпіён Бразіліі (2): 2002, 2004
• Чэмпіён штата Сан-Паўлу (2): 2010, 2015
• Уладальнік Кубка Бразіліі: 2010

«Рэал Мадрыд»:

• Чэмпіён Іспаніі (2): 2006, 2007
• Уладальнік Суперкубка Іспаніі: 2008

«Мілан»:

• Чэмпіён Італіі: 2011
• Уладальнік Суперкубка Італіі: 2011

«Гуанчжоу Эвергранд»

• Чэмпіён Кітая: 2015
• Пераможца Лігі чэмпіёнаў АФК: 2015

«Атлетыку Мінейру»:

• Чэмпіён штата Мінас-Жэрайс: 2017

«Істанбул Башакшэхір»

• Чэмпіён Турцыі: 2020

Міжнародныя

Бразілія:

• Уладальнік Кубка канфедэрацый (2): 2005, 2009
• Уладальнік Кубка Амерыкі: 2007

Крыніцы

1. Robinho // Transfermarkt — 2000. Праверана 9 кастрычніка 2017.
   <a href="https://wikidata.org/wiki/Track:Q2449070"></a>
2. ROBINHO robson de souza // Argentine Soccer Database
   <a href="https://wikidata.org/wiki/Track:Q19368470"></a>
3. Напісанне ў адпаведнасці з партугальска-беларускай практычнай транскрыпцыяй
4. Напісанне ў адпаведнасці з партугальска-беларускай практычнай транскрыпцыяй
5. "Player Profile" Архівавана 1 верасня 2012.. ESPN Soccernet
6. Робиньо перешел в «Атлетико Минейро». by.tribuna.com
7. Робиньо перешел из «Атлетико Минейро» в «Сивасспор». by.tribuna.com
8. Робиньо перешел из «Сивасспора» в «Истанбул», который лидирует в турецкой лиге. by.tribuna.com
9. Робиньо вернулся в «Сантос». 36-летний форвард подписал контракт до февраля с зарплатой 270 долларов в месяц. by.tribuna.com

Спасылкі

• На Вікісховішчы ёсць медыяфайлы па тэме Рабінью