Рэбека Фергюсан

У Вікіпедыі ёсць артыкулы пра іншых людзей з прозвішчам Фергюсан.
Рэбека Фергюсан
шведск.: Rebecca Ferguson
Фергюсан у 2018 годзе.
Дата нараджэння 19 кастрычніка 1983(1983-10-19) (41 год)
Месца нараджэння Стакгольм, Швецыя
Грамадзянства Сцяг Швецыі Швецыя
Адукацыя
Прафесія Актрыса
Кар’ера 1999 - цяперашні час
IMDb 0272581
Лагатып Вікісховішча Медыяфайлы на Вікісховішчы

Рэбека Луіза Фергюсан Сундстрэм (шведск.: Rebecca Louisa Ferguson Sundström; нар. 19 кастрычніка 1983, Стакгольм) — шведская актрыса.

Біяграфія

[правіць | правіць зыходнік]

Рэбека Фергюсан нарадзілася ў Васастане, Стакгольм, Швецыя. Яе маці Размары Фергюсан — англічанка, якая пераехала ў Швецыю ва ўзросце 25 гадоў, а бацька — швед[1]. У Рэбекі трое братоў і сясцёр.

У 1999 годзе яна скончыла музычную школу Адольфа Фрэдрыкса. З 13 гадоў Рэбека працуе мадэллю ў часопісах, а таксама здымаецца ў рэкламе[2].

Пасля поспеху яе серыяла і нараджэння сына, Фергюсан пераехала ў Сімрысхамн на паўднёвым узбярэжжы Швецыі. Там яна запусціла студыю аргенцінскага танца і здымалася ў некалькіх кароткаметражных фільмах[3].

Кар'ера

[правіць | правіць зыходнік]

Аднойчы шведскі рэжысёр Рычард Хоберт заўважыў яе на гарадскім рынку ў 2011 годзе і прапанаваў Рэбецы галоўную ролю ў сваім фільме «Да Антыба ў адзін канец»[4]. Затым Фергюсан знялася ў фільме жахаў «Дух тапельца» і фільме «Мы» з Густафам Скарсгардам[5].

У жніўні 2012 года было абвешчана, што Рэбека прайшла кастынг і яе абралі на ролю Лізаветы Вудвіл у 10-серыйнай гістарычнай драме канала Бі-бі-сі «Белая Каралева»[6], заснаванай на серыі раманаў Філіпы Грэгары «Вайна стрыечным братам», якая распавядае гісторыю жанчын часоў Вайны руж. Роля ў «Белай каралеве» была станоўча прынята крытыкамі, прынесла Фергюсан вядомасць і намінацыю на прэмію «Залаты глобус».

У 2015 годзе Фергюсан атрымала адну з галоўных роляў у амерыканскім фільме «Місія невыканальная: Племя ізгояў», за якую яе намінавалі на прэмію «Імперыя»[7].

Прыватнае жыцце

[правіць | правіць зыходнік]

У Рэбекі двое дзяцей — сын Ісак (нар. 2007) ад былога бойфрэнда Людвіга Халберга[8] і дачка Сага (нар. 2018)[9] ад мужа Роры (пажаніліся ў студзені 2019 года)[10].

Зноскі

  1. ↑ Rebecca: 'I’m a commoner who becomes the White Queen' | News | TV News | What’s on TV.
  2. ↑ Citroën DS Rising Star nominerade 2013. Stockholm Film Festival. Archieved.
  3. ↑ Det är kul att spela någon som är elak hela filmen igenom. DN.SE. 30.09.2011.
  4. ↑ Rebecca Ferguson och Tara fixar hårsvallen!. Rebecca Ferguson hälsade på! - P3 Populär. Sverigesradio.se.
  5. ↑ Skarsgård jobbar helt naken – gratis | Nöjesbladet | Aftonbladet. Aftonbladet.se. 2012.
  6. ↑ Starz Orders Historical Drama Based on Philippa Gregory's 'Cousins of War' Book Trilogy. Hollywood Reporter.
  7. ↑ Rebecca Ferguson. IMDb.
  8. ↑ Swedish actress Rebecca Ferguson 5 facts including boyfriend and Mission Impossible 5. Archieved.
  9. ↑ Mission: Impossible — Fallout Actress Rebecca Ferguson Welcomes a Daughter.
  10. ↑ Mission: Impossible — Fallout Actress Rebecca Ferguson Reveals She Got Married Over the Holidays.