Рэйф Файнс

Рэйф Файнс
Ralph Fiennes
Рэйф Файнс перад узнагароджаннем прэміяй Тоні ў Нью-Ёрку
Імя пры нараджэнні	Рэйф Натаніел Файнс
Дата нараджэння	22 снежня 1962(1962-12-22)[1][2]^[…] (61 год)
Месца нараджэння	Іпсвіч, Іпсвіч^[d], графства Суфалк, Англія, Вялікабрытанія
Грамадзянства	Вялікабрытанія  Сербія
Бацька	Марк Файнс^[d][3]
Маці	Джэніфер Лэш^[d][3]
Жонка	Alex Kingston^[d]
Адукацыя	Каледж мастацтваў і дызайну ў Чэлсі^[d] Каралеўская Акадэмія драматычнага мастацтва (1985)[4] St Kieran's College^[d] Newtown School, Waterford^[d] школа біскупа Уордсуорта^[d]
Месца працы	Дзіцячы фонд ААН
Прафесія	акцёр, кінарэжысёр
Кар’ера	1990 — наш час
Кірунак	камедыі Шэкспіра^[d]
Узнагароды	BAFTA (1993)
IMDb	ID 0000146
Медыяфайлы на Вікісховішчы

Рэйф Натаніел Туіслтан-Уайкхем-Файнс^{[заўв 1]} (англ.: Ralph Nathaniel Twisleton-Wykeham-Fiennes, МФА [ˈreɪf ˈfaɪnz]^[5], MWCD /RĀF FĪNZ/^[6], 22 снежня 1962, Іпсуіч, Суфалк, Вялікабрытанія) — брытанскі акцёр, кінарэжысёр, пасланец добрай волі ЮНІСЕФ.

Біяграфія

Рэйф — першынец у сям’і. Яго маці Джэніфер Лаш^[en] — пісьменніца, бацька Марк Файнс^[en] — вядомы фатограф (яго ж бацькам быў прамысловец Морыс Файнс^[en][7]. Яго сям’я вядзе сваё паходжанне ад нарманаў^[8]. З 1973 года сям’я жыве ў Ірландыі. З яго пяці братоў і сясцёр практычна ўсё маюць дачыненне да кіно: брат Джозеф выканаў ролю Шэкспіра ў оскараноснай меладраме «Закаханы Шэкспір» (1998); іншы брат, Магнус^[en] — кампазітар; сёстры Сафі^[en] і Марта — кінарэжысёры (у фільме Марты «Анегін» Рэйф іграў галоўную ролю); а трэці яго брат, Якаб, займаецца аховай навакольнага асяроддзя. Таксама малады акцёр Хіра Файнс-Тыфін (іграў у «Гары Потэр і Прынц-Паўкроўка») даводзіцца яму пляменнікам, вядомы брытанскі падарожнік Ранульф Твіслтан-Вайкхем-Файнс і пісьменнік Уільям Файнс^[en] даводзіцца Рэйфу і яго братам і сёстрам кузенамі 3-й ступені. У 8-м калене яны з’яўляюцца сваякамі брытанскай каралеўскай сям’і.

Кар’ера

Навучаўся акцёрскаму майстэрству ў Каралеўскай акадэміі драматычнага мастацтва. Пачынаў сваю кар’еру ў Адкрытым тэатры Рыджэнтс-парку^[en], з канца 1980-х іграў у Каралеўскім нацыянальным тэатры^[en]. З 1988 годзе перайшоў у трупу Каралеўскага Шэкспіраўскага тэатра^[8]. Лаўрэат амерыканскіх тэатральных прэмій «Тоні». Намінаваўся на «Оскар» за ролі ў фільмах «Спіс Шындлера» (1993) і «Англійскі пацыент» (1996). У яго паслужным спісе ёсць і намінацыі на «Залатую маліну» (1999, разам з Умай Турман за камедыйны баявік «Мсціўцы»). У тым жа годзе выканаў ролю Анегіна ў аднайменным галівудскім фільме.

Сярод яго тэатральных прац асабліва адзначаецца роля Іванова ў аднайменнай п’есе А. П. Чэхава ў пастаноўцы лонданскага тэатра «Алмейда^[en]» (сярэдзіна 1990-х), Файнс іграў зламанага і блізкага да вар’яцтва чалавека незвычайна пераканаўча^[9].

Дачыненні з Беларуссю

У снежні 2012 года па ініцыятыве Беларускага Свабоднага тэатра ў рамках кампаніі Free Belarus Now (англ.: Свабоду Беларусі зараз!) разам з іншымі вядомымі брытанскімі акцёрамі, сярод якіх Джаана Ламлі, Сэм Уэст, Алан Рыкман, Марк Райлэнс, Цім Райс, Аджоа Анда і Сайман Кэлау, звярнуўся ў відэазвароце да прэм’ер-міністра Вялікабрытаніі Дэвіда Кэмерана з патрабаваннем звярнуць увагу на сітуацыю ў Беларусі^[10]:

Сёння я звяртаюся да Дэвіда Кэмерана, прэм’ер-міністра маёй краіны, для таго, каб выкарыстаць сілу маралі ў палітыцы, разбурыць сон сумлення і запатрабаваць ад апошняга дыктатара Еўропы Аляксандра Лукашэнкі спыніць катаванні свайго народа і вызваліць палітычных зняволеных да новага года.

Асабістае жыццё

У 1993—1997 гг. акцёр быў у шлюбе з актрысай Алекс Кінгстан, вядомай расійскаму гледачу па тэлесерыялах «Хуткая дапамога» і «Доктар Хто».

Узнагароды

Двойчы быў намінаваны на прэмію «Оскар». Мае 11 іншых узнагарод і 20 намінацый на ўзнагароды.

• 2005 — Найлепшы акцёр — «Адданы садоўнік» (British Independent Film Awards, Evening Standard British Film Awards, London Critics Circle Film Awards)
• 1999 — Найлепшы акцёр — «Сонечнае ззянне» (Еўрапейская кінапрэмія)
• 1993 — Найлепшы акцёр другога плана — «Спіс Шындлера» (BAFTA, National Society of Film Critics (ЗША), New York Film Critics Circle)

Заўвагі

1. Сустракаецца таксама транслітарацыйны варыянт перадачы імя — Ральф.

Крыніцы

1. Ralph Fiennes // Internet Broadway Database — 2000. Праверана 9 кастрычніка 2017.
   <a href="https://wikidata.org/wiki/Track:Q31964"></a>
2. Ralph Fiennes // filmportal.de — 2005. Праверана 9 кастрычніка 2017.
   <a href="https://wikidata.org/wiki/Track:Q15706812"></a>
3. Lundy D. R. The Peerage
   <a href="https://wikidata.org/wiki/Track:Q67129259"></a><a href="https://wikidata.org/wiki/Track:Q21401824"></a>
4. Student & graduate profiles — Каралеўская Акадэмія драматычнага мастацтва.
   <a href="https://wikidata.org/wiki/Track:Q99543496"></a><a href="https://wikidata.org/wiki/Track:Q523926"></a>
5. How to pronounce Ralph Fiennes (англ.). inogolo.com. Архівавана з першакрыніцы 21 лютага 2012. Праверана 26 студзеня 2012.
6. NLS/BPH: Other Writings, Say How? (англ.). National Library Service for the Blind and Physically Handicapped. Архівавана з першакрыніцы 21 лютага 2012. Праверана 26 студзеня 2012.
7. Біяграфія акцёра на filmreference.com
8. Fiennes, Ralph. Interview with James Lipton Архівавана 4 жніўня 2007.. «Inside the Actors Studio»
9. Ю. Фридштейн. «Русский пациент» Рейфа Файнза // Энциклопедия для детей. Искусство. Т. 3 / глав. ред. В. Володин. — М.: Аванта+, 2000. — С. 323.
10. Британские звезды требуют от Кэмерона обратить внимание на Беларусь Архівавана 4 сакавіка 2016.

Спасылкі

• Біяграфія Рэйфа Файнса ў All Movie Guide Архівавана 7 мая 2008.