Сямён Канстанцінавіч Цімашэнка

Сямён Канстанцінавіч Цімашэнка
руск.: Семён Константинович Тимошенко укр.: Семен Костянтинович Тимошенко
Дата нараджэння	6 (18) лютага 1895 ці 18 лютага 1895(1895-02-18)
Месца нараджэння	Фурманіўка, Izmailsky Uyezd^[d], Бесарабская губерня, Расійская імперыя
Дата смерці	31 сакавіка 1970(1970-03-31)[1][2]^[…] (75 гадоў)
Месца смерці	Масква, РСФСР, СССР
Месца пахавання	Некропаль каля Крамлёўскай сцяны
Грамадзянства	СССР
Прыналежнасць	СССР
Род войскаў	Руская імператарская армія і кавалерыя
Званне
Камандаваў	Народны камісарыят абароны СССР, 6-я кавалерыйская дывізія (СССР), Беларуская ваенная акруга, Кіеўская ваенная акруга, Заходні фронт, Паўднёва-Заходні фронт, Сталінградскі фронт і Паўночна-Заходні фронт
Бітвы/войны	Усходні фронт Першай сусветнай вайны Грамадзянская вайна ў Расіі савецка-фінляндская вайна Вялікая Айчынная вайна Першая сусветная вайна Паход Чырвонай Арміі ў Заходнюю Беларусь і Украіну, 1939 польска-савецкая вайна
Узнагароды і званні	СССР Ордэн «Перамога» Медаль «За абарону Ленінграда» Медаль «За абарону Сталінграда» Медаль «За абарону Кіева» Медаль «За абарону Каўказа» Медаль «За ўзяцце Будапешта» Медаль «За ўзяцце Вены» Медаль «За вызваленне Бялграда» Медаль «XX гадоў Рабоча-Сялянскай Чырвонай Арміі» Юбілейны медаль «30 гадоў Савецкай Арміі і Флоту» Медаль «40 гадоў Узброеных Сіл СССР» Медаль «50 гадоў Узброеных Сіл СССР» Медаль «У памяць 800-годдзя Масквы» Медаль «У памяць 250-годдзя Ленінграда» Ганаровая рэвалюцыйная зброя Расійская імперыя Георгіеўскі крыж 2 ступені Георгіеўскі крыж 3 ступені Георгіеўскі крыж 4 ступені Замежныя Ордэн Партызанскай Зоркі I ступені Ордэн Тудара Владзімірэску I ступені Медаль «30 гадоў Халхін-Гольскай Перамогі
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Цімашэнка.

Сямён Канстанці́навіч Цімашэ́нка (18 лютага 1895, Фурманка, Бесарабская губерня — 31 сакавіка 1970) — савецкі военачальнік, Маршал Савецкага Саюза (1940), двойчы Герой Савецкага Саюза (1940, 1965). У маі 1940 — ліпені 1941 народны камісар абароны СССР.

Біяграфія

Нарадзіўся ў 1895 годзе.

У арміі з 1915, у Чырвонай Арміі з 1918 года. Удзельнік 1-й сусветнай вайны. У грамадзянскую вайну камандаваў узводам, эскадронам, палком, кавалерыйскай брыгадай, дывізіяй.

Скончыў вышэйшыя ваенна-акадэмічныя курсы (1922), курсы ўдасканалення вышэйшага камсаставу (1927), курсы камандзіраў-адзінаначальнікаў пры Ваенна-палітычнай акадэміі (1930).

З 1925 года камандуючы кавалерыйскім корпусам. З 1933 намеснік камандуючага войскамі БВА, з 1935 — Кіеўскай ваеннай акругі. З 1937 камандуючы войскамі Паўночна-Каўказскай, Харкаўскай, Кіеўскай асобай ваенных акруг. У час паходу Чырвонай Арміі ў Заходнюю Украіну (1939) камандаваў Украінскім фронтам. У савецка-фінскую вайну (1939—40) камандаваў войскамі Паўночна-Заходняга фронту, які са значнымі стратамі прарваў «лінію Манергейма».

У 1940—41 гады нарком абароны. У Вялікую Айчынную вайну ў Стаўцы Вярхоўнага галоўнакамандавання, галоўнакамандуючы Заходнім і Паўднёва-Заходнім стратэгічнымі напрамкамі, камандуючы войскамі Заходняга, Паўднёва-Заходняга, Сталінградскага, Паўночна-Заходняга франтоў; прадстаўнік Стаўкі па каардынацыі дзеянняў войск шэрагу франтоў і Чарнаморскага флоту.

Пасля вайны камандуючы войскамі Баранавіцкай (1945—46), Паўднёва-Урапьскай (1946—49) і Беларускай (1946, 1949—60) ваенных акруг. З 1960 у Групе генеральных інспектараў Міністэрства абароны СССР, у 1961—70 гады старшыня Савецкага камітэта ветэранаў вайны.

Член ЦК ВКП(б) у 1939—52, кандыдат у члены ЦК КПСС з 1952 года. Член ЦК КПБ (1930—37, 1949—61). Член Бюро ЦК КПБ (1949—60). Член ЦВК БССР (1927—37). Дэпутат Вярхоўнага Савета СССР з 1937 года. Член прэзідыума Вярхоўнага Савета СССР у 1938—40 гады. Дэпутат Вярхоўнага Савета БССР (1951—63).

Памёр у 1970 годзе. Пахаваны на Краснай плошчы ля Крамлёўскай сцяны ў Маскве.

Ушанаванне памяці

Яго імем названы спартыўна-стралковы комплекс у Мінску, на будынку Міністэрства абароны Рэспублікі Беларусь усталявана мемарыяльная дошка.

Крыніцы

1. Semyon Konstantinovich Timoshenko // Encyclopædia Britannica Праверана 9 кастрычніка 2017.
   <a href="https://wikidata.org/wiki/Track:Q5375741"></a>
2. Semjon Konstantinowitsch Timoschenko // Brockhaus Enzyklopädie
   <a href="https://wikidata.org/wiki/Track:Q237227"></a>

Літаратура

• Цімашэнка Сямён Канстанцінавіч // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. С. 114—115.