Трыхаглос

Трыхаглос
Геаглос валасісты (Trichoglossum hirsutum)
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Пададдзел:  Pezizomycotina Клас:  Leotiomycetes Парадак:  Helotiales Сямейства:  Геаглосавыя Род:  Трыхаглос
Міжнародная навуковая назва
Trichoglossum Boud., 1885
Сістэматыка на Віківідах Выявы на Вікісховішчы ITIS   181630 NCBI   265103 EOL   19224 MB   5556

Трыхагло́с^[1] (Trichoglossum) — род сумчатых грыбоў сямейства геаглосавыя (Geoglossaceae). Назва ўпершыню апублікавана ў 1885 годзе^[2].

Апісанне

Пладовыя целы прамастойныя, вышынёй да 8 см, на цыліндрычнай ножцы^[1]. У грыбоў роду пераважаюць доўгія цыліндрычныя шматклетачныя споры, афарбаваныя ў буры колер. Пад уздзеяннем гідрастатычнага ціску ў сумцы споры па адной выкідваюцца вонкі^[1].

На балотах і на забалочаных лугах нярэдка можна ўбачыць чорныя булавападобныя пладовыя целы віду геаглос валасісты (Trichoglossum hirsutum)^[3]. Гэты грыб любіць вільгаць, як і іншыя прадстаўнікі сямейства. Яго пладовае цела пакрыта шматлікімі цёмна-карычневымі ігольчастымі шчацінкамі, так што ўвесь грыб здаецца аксаміцістым.

Крыніцы

1. ЭПБ 1986.
2. Trichoglossum (нявызн.). www.mycobank.org. Праверана 1 мая 2019.
3. Світ грибів України » Trichoglossum hirsutum, Тріхоглос жорстковолосистий (укр.). Архівавана з першакрыніцы 13 грудня 2019. Праверана 13 снежня 2019.

Літаратура

• Шуканаў А. С. Трыхагло́с // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — С. 109. — 583 с., іл. — 10 000 экз.
• Boudier, J.L.É. 1885. Nouvelle classification naturelle des Discomycètes charnus. Bulletin de la Société Mycologique de France. 1:97-120 — P.110