Фронт тубу для выратавання Лівіі
| Фронт тубу для выратавання Лівіі | |
|---|---|
 | |
| Этнічная прыналежнасць | Тубу |
| Лідары | Іса Абдэль Маджыд Мансур |
| Актыўная ў | Лівія |
| Сфарміравана | 2007 |
| Саюзнікі | Нацыянальны Пераходны Савет Лівіі |
| Праціўнікі | Узброеныя сілы Лівіі, Арабскае апалчэнне |
| Удзел у канфліктах |
Канфлікт у Куфры (2008), Першая грамадзянская вайна ў Лівіі Узброеныя сутыкненні ў Лівіі (2011—2014) Другая грамадзянская вайна ў Лівіі |
Фронт тубу для выратавання Лівіі (ФТВЛ; араб. جبهة التبو لإنقاذ ليبيا; фр.: Front Toubou pour la Salut de la Libye) — групоўка, створаная на чале з Іса Абдэлем Маджыдам Мансурам у сярэдзіне 2007 года для абароны правоў і інтарэсаў народа тубу ў Лівіі. Штаб-кватэра знаходзіцца ў Осла (Нарвегія).
ФТВЛ быў заснаваны ў 2007 годзе для абараны правоў тубу ў Лівіі, дзе яны не займалі якую-небудзь пасаду ні ва ўрадзе, ні ў арміі. У 2008 годзе Фронт падымае бунт ў Куфры, але паўстанне было задушана ўрадавымі войскамі[1]. ФТВЛ прымаў удзел у лівійскай грамадзянскай вайне на баку ПНС. Ён быў распушчаны ў жніўні 2011 года, пасля захопу Трыпалі. Нягледзячы на гэта, групоўка, пасля пачатку сутыкненняў паміж тубу і арабскімі апалчэнцамі на поўдні Лівіі, актывізавана ў сакавіку 2012 года з мэтай «абароны тубу ад этнічнай чысткі»[2]. Узімку 2019 года групоўка ўдзельнічала ў бітве за Себху супраць арміі Халіфа Хафтара.
Зноскі
- ↑ Christophe Boisbouvier, Libye : quand les Toubous se réveillent, Jeune Afrique, 6 mai 2012.
- ↑ François de Labarre, "Nous combattons Al Qaïda", Paris Match, 20 janvier 2014.