Шон Сент-Леджэр

Шон Сент-Леджэр
Агульная інфармацыя
Поўнае імя	Шон Патрык Сент-Леджэр-Хол
Нарадзіўся	28 снежня 1984(1984-12-28)[1][2] (39 гадоў) Соліхал, раён Соліхал^[d], графства Уэст-Мідлендс, Англія, Вялікабрытанія
Грамадзянства	Ірландыя  Англія
Рост	183 см
Вага	74 кг
Пазіцыя	абаронца
Маладзёжныя клубы
2001—2002 Пітэрбора Юнайтэд
Клубная кар’ера[* 1]
2002—2006 Пітэрбора Юнайтэд 79 (1) 2004 →  Стывенідж Бора 0 (0) 2006—2011 Прэстан Норт Энд 185 (10) 2009 →  Мідлсбра 15 (2) 2011—2014 Лестэр Сіці 36 (0) 2013 →  Мілуал 6 (0) 2014 Іпсвіч Таўн 0 (0) 2015 Арланда Сіці 15 (0) 2015—2016 Каларада Рэпідс 12 (0) 2017—2018 Соліхал Мурс 0 (0) 2018 Гайзлі 7 (0)
Нацыянальная зборная[* 2]
2009—2013 Ірландыя 37 (3)
Трэнерская кар’ера
2018 Гайзлі в.а.
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 30 чэрвеня 2023. Колькасць гульняў і галоў за нацыянальную зборную ў афіцыйных матчах, адкарэктавана станам на 12 чэрвеня 2013
Медыяфайлы на Вікісховішчы

Шон Патрык Сент-Леджэр-Хол (англ.: Sean Patrick St Ledger-Hall; нар. 28 снежня 1984, Соліхал каля Бірмінгема, Англія) — ірландскі і англійскі футбаліст, абаронца. Ігрок нацыянальнай зборнай Ірландыі (2009—2013). Кар’ера Сент-Леджэра пачалася ў горадзе Пітэрбора. Ён трапляў у «Прэстан Норт Энд», а таксама некаторы час правёў у арэндзе ў клубе «Мідлсбра» да свайго пераезду ў стан «Лестэр Сіці» ў 2011 годзе.

Кар’ера

«Пітэрбора Юнайтэд»

Кар’ера Сент-Леджэра пачалася з моладзевага складу каманды «Пітэрбора Юнайтэд», пасля якога ён патрапіў у яе асноўны склад у 2002 годзе. У гэтым клубе, у асноўным, выконваў ролю цэнтральнага абаронцы, аднак часам выступаў і ў ролі апорнага паўабаронцы.

«Прэстан Норт Энд»

У ліпені 2006 года Сент-Леджэр падпісаў кантракт з клубам «Прэстан Норт Энд» на тры гады за ганарар у 225 тысяч фунтаў стэрлінгаў.

«Мідлсбра»

У верасні 2009 года ён, на правах арэнды, перайшоў у «Мідлсбра» з правам падоўжыць арэнду ў зімовае трансфернае акно^[3], але каманды не здолелі дамовіцца, і абаронцу прыйшлося вярнуцца ў «Прэстан Норт Энд»^[4]. Яго дэбют за «Мідлсбра» адбыўся 15 верасня 2009 года ў матчы супраць «Шэфілд Уэнсдэй» (3:1), а першы гол ён забіў 26 верасня ў гульні супраць «Ковентры Сіці» (2:2).

«Лестэр Сіці»

3 2011 па 2014 гады з’яўляўся іграком «Лестэр Сіці». 9 мая 2014 года пакінуў клуб пасля таго як скончыўся тэрмін дзеяння кантракта.

Амерыканскія клубы

27 лістапада 2014 года Сент-Леджэр стаў іграком «Іпсвіч Таўн», падпісаўшы кароткатэрміновы кантракт, але не правёў за клуб ніводнага матча і ўжо ў снежні пакінуў яго.

5 сакавіка 2015 года пасля паспяховага прагляду падпісаў кантракт з клубам амерыканскай МЛС «Арланда Сіці». Аднак, у жніўні таго ж года кантракт быў разарваны, прычынай стаў пропуск іграком некалькіх дзён трэніровак. Неўзабаве стаў іграком іншага амерыканскага клуба «Каларада Рэпідс». У сезоне 2016 не выступаў, і па яго заканчэнні пакінуў «Каларада Рэпідс».

Вяртанне ў Англію

У кастрычніку 2017 года перайшоў у клуб пятага англійскага дывізіёна «Соліхал Мурс», за які згуляў у адным матчы Кубка Англіі. У студзені 2018 года перабраўся ў «Гайзлі», дзе стаў таксама гуляючым трэнерам. Пакінуў клуб па заканчэнні сезона 2018/19.

Пасля стаў працаваць скаўтам у «Лестэр Сіці».

Міжнародная кар’ера

Не зважаючы на тое, што Сент-Леджэр і нарадзіўся ў Англіі, але ўсё ж ён палічыў за лепшае гуляць за сваю гістарычную радзіму, як у свой час і яго дзядуля з горада Карлоў. Яго дэбют за зборную Ірландыі адбыўся 6 чэрвеня 2009 года ў матчы адборачнага турніру да чэмпіянату свету 2010 года супраць зборнай Балгарыі, які скончыўся з лікам 1:1^[5].

Крыніцы

1. Sean St. Ledger // Transfermarkt — 2000. Праверана 9 кастрычніка 2017.
   <a href="https://wikidata.org/wiki/Track:Q2449070"></a>
2. Sean St. Ledger // As — Madrid: PRISA, 1967. — ISSN 1888-6671
   <a href="https://wikidata.org/wiki/Track:Q2807"></a><a href="https://wikidata.org/wiki/Track:Q1466106"></a><a href="https://wikidata.org/wiki/Track:Q719880"></a>
3. St Ledger completes Boro switch. BBC Sport
4. Strachan reveals St Ledger talks. Skysports
5. Sean St. Ledger. Футбольная Асацыяцыя Ірландыі

Спасылкі

• На Вікісховішчы ёсць медыяфайлы па тэме Шон Сент-Леджэр