Шэйн Лонг

Шэйн Лонг
Агульная інфармацыя
Поўнае імя	Шэйн Патрык Лонг
Нарадзіўся	22 студзеня 1987(1987-01-22)[1][2] (38 гадоў) Гортнаху^[d], графства Тыперэры^[d], Манстэр, Ірландыя
Грамадзянства	Ірландыя
Рост	180 см
Вага	79 кг
Пазіцыя	нападнік
Клубная кар’ера[* 1]
2004—2005 Корк Сіці 1 (0) 2005—2011 Рэдынг 174 (44) 2011—2014 Вест Бромвіч Альбіён 81 (19) 2014 Хал Сіці 15 (4) 2014—2022 Саўтгемптан 198 (28) 2021 →  Борнмут 11 (2) 2022—2023 Рэдынг 30 (1)
Нацыянальная зборная[* 2]
2005—2006 Ірландыя (да 19) 8 (0) 2006 Ірландыя (да 21) 1 (0) 2007—2021 Ірландыя 88 (17)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 8 верасня 2023. Колькасць гульняў і галоў за нацыянальную зборную ў афіцыйных матчах, адкарэктавана станам на 8 верасня 2023
Медыяфайлы на Вікісховішчы

Шэйн Патрык Лонг (англ.: Shane Patrick Long; нар. 22 студзеня 1987, Гортнаху, Ірландыя) — ірландскі футбаліст, нападнік. Ігрок нацыянальнай зборнай Ірландыі (2007—2021).

Клубная кар’ера

Раннія гады

У дзяцінстве быў таленавітым хёрлерам, і ў складзе каманды «Тыперэры GAA» ўдзельнічаў у двух паўфіналах моладзевага чэмпіянату Ірландыі па хёрлінгу.

«Корк Сіці»

Лонг быў заўважаны футбольным трэнерам «Корк Сіці» Петам Доланам, і з 1 ліпеня 2004 года Шэйн пачаў трэніравацца ў дублюючым складзе каманды. У асноўны склад трапіў да пачатку сезона 2005 года, у сувязі з тым, што месца зрушанага з пасады Долана заняў Даміен Рычардсан. Новы трэнер заўважыў талент маладога нападніка і дазволіў яму дэбютаваць у чэмпіянаце Ірландыі ў сакавіку 2005 года.

«Рэдынг»

У «Рэдынгу» Лонг выступаў з 2005 года. Першая яго гульня за англійскі клуб адбылася 17 красавіка 2006 года ў хатнім матчы са «Сток Сіці» (3:1).

«Вест Бромвіч Альбіён»

У жніўні 2011 года Лонг падпісаў кантракт на 3 гады з клубам «Вест Бромвіч Альбіён», дзе выступаў у кашулі з нумарам 9. Дэбютаваў за «драздоў» 14 жніўня 2011 года ў матчы супраць «Манчэстэр Юнайтэд», дзе адразу ж забіў гол.

«Хал Сіці»

17 студзеня 2014 года Лонг падпісаў кантракт з клубам «Хал Сіці» на тры з паловай гады, сума кантракт не была аб’яўлена^[3]. Дэбютаваў за новы клуб 28 студзеня ў матчы з «Крыстал Пэлас», дзе ігракі «Хала» трывалі паражэнне з лікам 1:0^[4]. У сваім наступным матчы супраць «Тотэнхэма» 1 лютага Шэйн адкрыў лік гульні, якая скончылася ўнічыю 1:1.

«Саўтгемптан»

Сезон 2014/15 пачаў разам з «Хал Сіці» ў матчах Лігі Еўропы, аднак 14 жніўня 2014 года было аб’яўлена пра пераход іграка ў склад «Саўтгемптана», з якім Шэйн падпісаў 4-гадовы кантракт. Лічыцца, што ігрок павінен замяніць Рыкі Ламберта, які ўлетку таго ж года прыяднаўся да складу «Ліверпула».

У лютым 2021 года быў аддадзены ў арэнду ў «Борнмут» да канца сезона, пасля вярнуўся ў «Саўтгемптан». Пакінуў клуб па заканчэнні кантракта ў чэрвені 2022 года.

Вяртанне ў «Рэдынг»

У ліпені 2022 года вярнуўся ў У «Рэдынг», падпісаўшы аднагадовы кантракт. Па заканчэнні сезона 2022/23 пакінуў клуб.

Міжнародная кар’ера

Пачаўшы гуляць за «Рэдынг» ў Англіі ў сезоне 2005/06, прыняў першы ўдзел у міжнародных матчах, патрапіўшы ў заяўку моладзевай зборнай Ірландыі^[5]. З-за траўмаў яго таварышча па «Рэдынгу» Кевіна Дойла і іграка «Сандэрленда» Стывена Эліята^[6], Лонг атрымаў шанц выступіць у складзе асноўнай зборнай. Дэбют адбыўся 7 лютага 2007 года ў матчы супраць зборнай Сан-Марына (2:1)^[7].

Крыніцы

1. SHANE LONG // Argentine Soccer Database
   <a href="https://wikidata.org/wiki/Track:Q19368470"></a>
2. Shane Long // As — Madrid: PRISA, 1967. — ISSN 1888-6671
   <a href="https://wikidata.org/wiki/Track:Q2807"></a><a href="https://wikidata.org/wiki/Track:Q1466106"></a><a href="https://wikidata.org/wiki/Track:Q719880"></a>
3. Long Signs For The Tigers Архівавана 18 студзеня 2014.. Hull City AFC.
4. Crystal Palace Hull. BBC Sport
5. Republic of Ireland: Under 19 — Squad Profile. Футбольная асацыяцыя Ірландыі
6. Long ready to make Republic debut. BBC Sport
7. San Marino 1-2 Rep of Ireland. BBC Sport

Спасылкі

• На Вікісховішчы ёсць медыяфайлы па тэме Шэйн Лонг