Kuciakan (lukisan)

Muha urang nang takutan rahatan bakuciak samantara di balakangnya cakrawala nang bakalir habang darah dalam lukisan Edvard Munch Bakuciak (dipinandui jua jadi The Scream) (1893), Galeri Nasional, Oslo.

Kuciakan (basa Norwegia: Skrik, 1893; judul basa Inggris: The Scream) adalah sambatan gasan ampat buting macam lukisan iksprisiunis ulih saniman Norwegia Edward Munch nang jadi sumbar inspirasi gasan banyak palukis lainnya dalam aliran ngini. Lukisan ngini dianggap ulih urang banyak sawagai karianya nang liwar pantingnya. Sapalih nang lain manyambat lukisan ngini malambangakan manusia mudirin nang tacakam ulih sarangan angst (baganangan iksistinsial, lawan cakrawala nang diilhami ulih sanja nang habang, nang dijanak imbah laduman Gunung Krakatau pas 1883.[1] Lansekap di balakang adalah Oslofjord, mang dilihat matan bukit Ekeberg. Kata skrik dalam basa Norwegia biasanya ditarjamahakan manjadi "scream" (jaritan), tapi kata ngini baisi jua akar kata nang sama lawan kata basa Inggris shriek. Kadang-kadang lukisan ngini disambut jua The Cry ("Tangisan").

Versi tempera di atas karton (baukuran 83,5 x 66 cm) nang panambayannya tadapat di Museum Munch, Oslo, Norwegia (lihati galeri), wan sabuting lukisan minyak, tempera, wan pastel di atas karton (ukuran 91 x 73,5 cm) di Galeri Nasional (talihat di subalah kanan), di Oslo jua. Versi katalu ampunnya jua oleh Museum Munch, wan nang ka'ampat ampun Petter Olsen. Munch balakangan ini manarjamahakan gambar ngini ka dalam bantuk litograf (lihati galeri), sahingga gambarnya kawa direproduksi dalam babagai tulisan tinjauan di sabarataan dunia. Mulai 1994, dua versi tapisah matan Bakuciak nhini dicuri oleh maling-maling karya seni, tatapi ayungannya kaduanya sudah ditamuakan pulang. Pas tanggal 2 Mei 2012, lukisan The Scream tajual sabasar US$ 119.922.500 atawa satara lawan Rp 1,079 triliun dalam palelangan di rumah lelang Sotheby's, New York.

Sumber Ilham

[babak | babak asal-mulanya]

Judul asli dalam basa Jerman nang dibari gasan lukisan karya Munch ngini adalah Der Schrei der Natur (Kuciakan alam).

Dalam sabuting catatan dalam buku hariannya, Munch manggambarakan ilhamnya gasan citra ngini damikian:

"Ulun haratan bajalan di sabuting kertak halus lawan dua ikung kawan ulun – matahari haratan tinggalam – bakajutan langit baubah jadi habang darah – Ulun bagana, marasa uyuh, wan basandar di pagar – di atas fjord wan kota nang biru kahirangan talihat darah wan ilat-ilat api – kakawanan bajalan tarus, wan ulun badiri di sana manggitir wan asa baganangan – wan ulun marasa'akan kuciakan nang kada ba'ampihan malintas di alam".

Sabrina Laurent (Mei 2005) manyimpulakan matan diskripsi Munch tentang ilhamnya bahwa urang di latar depan ngitu adalah si pelukis sendiri nang "sabujurnya kada bakuciak tatapi sakadar bariaksi lawan ngeri haratan mandangar kuciakan Alam. Dangan manutupi kadua talinganya lawan tangannya, Munch bausaha banar gasan kada mandangar kuciakan ngini, sahingga ma'andaknya dalam ka'adaan saulah-ulah haratan marasa'akan sarangan panik." Andak di mana inya malukisakan inya sorang adalah reaksi refleks nang khas matan siapapun nang bajuang gasna mahindari suara nang manikin, antah suara nang bujura atawa nang dibayangakan.

Galeri

[babak | babak asal-mulanya]
  • 1893: pastel pada karton. Versi ngini dianggap sabagai versi paling pamulaan matan The Scream, talihat lukisan ngini diulah gasan sketsa di mana Munch mamita'akan esensi matan komposisi lukisan.
    1893: pastel pada karton. Versi ngini dianggap sabagai versi paling pamulaan matan The Scream, talihat lukisan ngini diulah gasan sketsa di mana Munch mamita'akan esensi matan komposisi lukisan.
  • 1893: minyak, tempera wan pastel di karton. Versi ngini dianggap nang paling tarkanal, wayahini ba'andak di National Gallery di Oslo, Norwegia.
    1893: minyak, tempera wan pastel di karton. Versi ngini dianggap nang paling tarkanal, wayahini ba'andak di National Gallery di Oslo, Norwegia.
  • 1895. Saduran Jeritan oleh Munch manjadi litograf. Sakitar 45 citakan diulah matan litograf ngitu sabalum masin citak manggantiakan batu litograf.
    1895. Saduran Jeritan oleh Munch manjadi litograf. Sakitar 45 citakan diulah matan litograf ngitu sabalum masin citak manggantiakan batu litograf.
  • 1895: pastel pada karton, tajual sakitar US$120 juta (sakitar 1,6 trilliun rupiah sasuai kurs Agustus 2017), di Sotheby's, pas tahun 2012.
    1895: pastel pada karton, tajual sakitar US$120 juta (sakitar 1,6 trilliun rupiah sasuai kurs Agustus 2017), di Sotheby's, pas tahun 2012.
  • 1910. tempera pada karton, dicuntan matan Museum Munch pas 2004 wan ditamuakan pulang pas 2006.
    1910. tempera pada karton, dicuntan matan Museum Munch pas 2004 wan ditamuakan pulang pas 2006.

Referensi

[babak | babak asal-mulanya]
  1. ^ "Krakatau menjadi latar belakang jeritan Munch". The Age. 11 Desember 2003. Diakses tanggal 13 Agustus 2006. 

Pranala luar

[babak | babak asal-mulanya]