Al Bundy
| Al Bundy | |
|---|---|
| |
| Al Bundy gant e wreg Peggy Bundy | |
| Deiziad ganedigezh | 7 a viz Du 1948 |
| Orin | .svg){kind=small} Stadoù-Unanet Amerika
|
| Reizh | Par |
| Familh | Peggy Bundy |
| Micher | Gwerzher botoù |
| Padelezh | Lodenn 1 tamm 1 - Lodenn 11 tamm 24 |
| Lodennoù | 11 |
| Tammoù | 259 |
| Heulienn | Married… with Children |
| Aktour | Ed O'Neill |
kemmañ  |
|
Alphonse Hercules "Al" Bundy (ganet d'ar 7 a viz Du 1948) zo un dudenn ijinet e bed ar stirad skinwel Married… with Children. C'hoariet ez eo gant Ed O'Neill.
Bet eo Al Bundy tudenn bennañ ar stirad skinwel Married… with Children ("Dimezet.. gant bugale"). Dimezet eo gant Peggy Bundy ha daou a vugale o deus bet, Kelly Bundy ha Bud Bundy.
Tro-spered Al Bundy
[kemmañ | kemmañ ar vammenn]Melkonius da vat ez eo gant e yaouankiz drastet dre e zimeziñ, pa oa mezv du dall, gant Peggy e wreg. E yaouankiz hag a oa o vont war hent ar vrud hag an arc'hant a voe riñset pa zimezas. Siwazh dezhañ, goude an dimeziñ ez eo echu gant e holl hunvreoù ha ne chom dezhañ nemet ur vuhez a dristidigezh : bac'het en ul labour euzhus dezhañ – gwerzher botoù, gant bugale a zisplij dezhañ darn an amzer, ur wreg lezirek ha dispignerezh vras.
Poan vras a zo gantañ da rastellañ un nebeud gwenneien dre e labour, ha pa zeu a-benn e vez dispignet pep tra gant e familh.
Buhez Al Bundy
[kemmañ | kemmañ ar vammenn].jpg)
Buhez an dudenn a zo ur meskaj fent ha skrij. Bac'het ez eo Al Bundy gant ur sell melkonius war e yaouankiz, fin ar skol-veur, e zimeziñ gant Pegg Bundy ha torr ur garr a zrastas e hent war-zu dont da vezañ ur c'hoarier mell-droad Amerikan a vicher.
Bet eo bet o studiañ e skol-veur Polk High, lec'h ma c'hoarias mell-droad Amerikan gant an niverenn 33. Bet eo bet o verkañ 4 touchdown e-pad ur c'hrogad ar pezh a zo ral hag a ro dezhañ peadra da baboriñ.
Hiziv-an-deiz ez eo gwerzher botoù er stal "Boteier Garry: ouzhpennadurioù evit maouezed a-vremañ", ar stal a vez kavet en ur gourmarc'had, an New Market Mall.
Ar film a blij ar muiañ dezhañ a zo Hondo ur western gant John Wayne, ar stirad skinwel a blij ar muiañ dezhañ a zo Psycho Dad (Brezhoneg: Tadig sot da stagañ) ur stirad a vezo paouezhet e embann dre ar feulster enni hag an doare da zispriziañ ar maouezed.
Gwisket e vez atav gant memes doare dilhad: ur re vragoù griz, ur roched c'hlas, ur jiletenn griz sklaer.
Ar gelaouenn a vez alies o lenn a zo unan Hudur Big Guns (Brezhoneg: Brennig ramzel).
Oto Al Bundy a zo un oto kozh noe ha damm-zistrujet, un Dodge gant 1 milion a gilometradoù.
N'eus ket parr dezhañ da geñver ar gouiziegezh war ar sportoù.
Amerikan da vat ez eo, broadelour, hiviziken o tifenn Amerika hag o tagañ an holl bolitikourien, kas en deus d'ar C'hallaoued.
Krouer ar strollad NO MA'AM ez eo:
- Yezh orin: National Organization of Men Against Amazonian Masterhood
- Brezhoneg: Aozadur Broadel ar Piri enep Aotrouniezh an Amazonezed