Bécassine !

Bécassine ! zo ur film gall, gant Bruno Podalydès, e 2018, savet diwar-benn an dudenn Bécassine, krouet e 1905. Produet eo gant ar gompagnunezh c'hall Why Not Productions, eus Pariz, ha filmet eo bet an istor e Normandi, e Perche-en-Nocé, en departamant Orne^[1], ha roet gwenneien gant ar rannvro eno^[2].

Ar film

Disheñvelik eo an dudenn diouzh hini al levrioù savet e deroù an XXvet kantved. Degemeret madik eo bet ar film gant ar re o deus gwelet anezhañ, petra bennak ma n'eus bet den o kontañ e oa ur bennoberenn. En ABP e voe lennet e oa ur film dizrouk graet evit familhoù e-kerzh un devezh glav^[3].

Aktourien

• Émeline Bayart : Bécassine
• Karin Viard : la Marquise de Grand-Air
• Maya Compagnie : Loulotte
• Denis Podalydès : Adelbert Proey-Minans
• Bruno Podalydès : Rastaquoueros
• Michel Vuillermoz : Oncle Corentin
• Josiane Balasko : Mademoiselle Châtaigne
• Isabelle Candelier : Madeleine
• Jean-Noël Brouté : Hilarion
• Philippe Uchan : Cyprien
• Vimala Pons : Marie Quillouch
• Claude Perron : Mademoiselle Bongenre
• Florence Muller : mamm Bécassine
• Blutch : tad Bécassine
• Dominique Parent : Quillouch
• Betty Pois : ar gemenerez
• Rose Daugenet : Bécassine da 6 vloaz
• Eowyn Ptak : Bécassine da 12 vloaz
• Ethel Glasson : Marie Quillouch da 12 vloaz

Trouz en-dro d'ar film

E Breizh

Skignet e voe ar film e Frañs d'an 20 a viz Mezheven 2018^[4] ent-ofisiel ; koulskoude, un tammig trouz a oa bet diwar e benn e Breizh^[5], a-raok ar rakvannadenn aozet e Kemper d'an 31 a viz Mae^[6]. Hervez ar filmaozer e teu an dudenn eus ur bed ijinet^[7], pa ouzer e teu eus matezh vreizhat Jacqueline Rivière.

• Ur strolladig anvet Dispac'h en doa goulennet boikotiñ^[8].
• Un diviz a oa bet e Radio Breizh-Izel ha goulenn a raed ouzh ar vrezhonegerien : « Ha spontet oc'h c'hoazh gant skeudenn Bécassine ? »^[9]
• Prezidant rannvro Breizh-4, Loïc Chesnais-Girard, en deus embannet neuze ne voikotfe ket nemet n'afe ket da welout^[10].
• Ar chadenn skinwel France 3 Bretagne he deus embannet e skigno ar film Nous n'étions pas des Bécassines, savet gant Thierry Compain^[11],[12]
• Le Télégramme a c'houlennas ali ar filmaozer diwar-benn ar boikot^[13].
• Ar senedour Ronan Dantec en deus roet e ali e Ouest-France: [1]
• Un tamm manifestadeg zo bet e Brest d'ar Yaou 1 a viz Mezheven 2018^[14].
• Pennad e 20 minutes^[15] .

E Bro-C'hall

• Gwivanoù zo a reas anv eus ar boikot^[16]
• Kelaouennoù zo a embannas e vez taget ar film Bécassine! e Breizh pe gant rannvroelourien pe gant dizalc'hourien^{[17],[18],[19],[20]}.
• Le Figaro a embannas d'an 30/05/2018 : Bruno Podalydès : « Bécassine! n'est pas un documentaire historique sur la Bretagne »^[21].

Pennadoù kar

• Bécassine
• Bécassine (film)

Notennoù

1. (fr) Pennad e Ouest-France e 2017, pan edod o filmañ eno.
2. (fr) ABP diwar-benn arc'hantañ ar film.
3. (fr) Bécassine : un film inoffensif qui ne méritait pas ce tintamarre ABP.
4. (en) Bécassine ! el lec'hienn Internet Movie Database
5. (fr) Pennad e blog Gouezou, eus Sizhun
6. (fr) Le Télégramme, a-raok an abadenn.
7. (fr) Ouest-France : Bécassine est issue d'un monde inventé
8. (fr) Breizh-Info
9. (br) RBI
10. (fr) Saint-Brieuc ma ville
11. (fr) FR3
12. (fr) Ouest-France
13. Le Télégramme : Bécassine !", une insulte à la Bretagne ? La réponse du réalisateur
14. (fr) Le Télégramme
15. Pennad e 20 minutes : Pourquoi le personnage de Bécassine cristallise toujours les tensions
16. (fr) Slate, 29/05/2018
17. (fr) Le Point
18. (fr) LCI
19. (fr) RTL
20. (fr) Capital : Bécassine est-elle une insulte aux Bretons ?
21. (fr) Le Figaro