Dogfeiling

Dogfeiling Dogfeiling
← 445 – 700 →
Location of Rouantelezh Dogfeiling Ar rouantelezhioù brezhon er V^vet ha VI^vet kantved er vro a zeuy da vout Kembre. Evel-just ne oa ket eus an harzoù etre Kembre ha Bro-Saoz, div vro ha na oa ket anezho d'an ampoent.
Kêr-benn	?
Yezh(où)	Kembraeg
Gouarnamant	Monarkiezh
Istor
- Disrannadur rouantelezh Cunedda	445
- Staget ouzh Gwynedd	700

Isrouantelezhioù Gwynedd
Afflogion • Dogfeiling • Dunoding • Edeyrnion • Meirionnydd • Osmaeliog • Rhos • Rhufoniog • Ysfeilion

Dogfeiling a oa ur rouantelezh vrezhon e reter Gwynedd, e Kembre. Un isrouantelezh e Gwynedd e oa, krouet gant Dogfael, mab yaouankañ Cunedda. Berzh bras a voe gant Dogfeiling da gentañ. E 500 e perc’hennas ar roue Elnaw ap Dogfael rouantelezh Glastenning e Dumnonea. E vab, Cyndwyn Glas, a aloubas Caer Luit Coyt, e reter Pengwern, a roas d’unan eus e vibien.

War-dro 642, roue Dogfeiling, Eludd ap Glas, a yeas da roue Powys pa varvas Selyf Sarffgadau en Emgann Caer Leon. Hêr ebet n'en doa avat, ha gant map Selyf ez eas Powys en-dro tra ma voe distrujet Pengwern gant Oswiu Northumbria e 656.

Remziad Dogfeiling a gollas Glastenning a voe tapet gant Wessex e penn ar VII^vet kantved ha pa varvas ar roue diwezhañ, Meurig ap Elaed, hep hêr war-dro 700, ne vire Dogfeiling nemet he douareier hengounel. Staget e voe Dogfeiling en-dro ouzh Gwynedd goude-se.

Listenn rouaned Dogfeiling (martezeüs eo ar bloavezhioù)

• Dogfael ap Cunedag : 445,
• Elnaw ap Dogfael : 500 (roue Glastenning ivez),
• Cyndrwyn Glas : 550,
• N'anavezer ket anv ar rouaned etre 550 ha 642,
• Eiludd Powys : un tammig kent 642,
• Elaed ap Eiludd : 642,
• Meurig ap Elaed : 670-700.

g • ka • ke

Keltia

Asturies • Bro-Skos • Breizh • Enez-Vanav • Galiza • Iwerzhon • Kembre • Kernev-Veur
Gwelout ivez : Ar Gelted • Ogham • Yezhoù keltiek • Rouantelezhioù brezhon • Enez Vreizh • Galia