Goes

Goes (distagañ :[1]) a zo ur gumun hag ur gêr e proviñs Zeeland en Izelvroioù. 102,09 km² eo gorread Goes (douar : 92,84 km², dour : 9,24 km²). D'ar 1añ a viz Genver 2009 e oa 26 966 annezad enni. Un ti-gar a zo e Goes, war linenn hent-houarn Vlissingen – Roosendaal emañ. Ar c'hêrioù ha kêriadennoù da-heul a ya d'ober kumun Goes : Eindewege, Goes, 's-Heer Arendskerke, 's-Heer Hendrikskinderen, Kattendijke, Kloetinge, Oud-Sabbinge, Wilhelminadorp ha Wolphaartsdijk.

Istor Goes

Goes a voe savet en X^vet kantved e penn ar stêr de Korte Gos. Buan e kreskas hag en XII^vet kantved e oa ur blasenn ar marc'hallac'h hag un iliz gouestlet d'ar Werc'hez. Gwirioù-kêr a voe roet da c'hGoes e 1405 hag aotreet e voe lakaat sevel mogerioù tro-dro dezhi e 1417. Diazezet e oa berzh Goes war industriezh an danvez hag ar gounid holen. War ziskar ez eas er XVI^vet kantved. Ar mor a voe stanket e 1544 hag un tan-gwall a zistrujas al lodenn vrasañ eus Goes. E 1577 e voe skarzhet ar soudarded spagnol a aloube Goes gant ar priñs Maurits Nassau. Ar priñs a lakaas sevel mogerioù-difenn tro-dro da c'hGoes. Er c'hantvedoù da-heul e voe dister perzh Goes, nemet e chomas ul lec'h a-bouez a-fet labour-douar, hag ez eo bepred evel-se hiziv an deiz. An hent-houarn a voe savet e 1868 met ne'z eas ket war-raok ar gêr a-fet greanterezh. E-pad ar Brezel-bed kentañ e voe taolet bombezennoù dre fazi war c'hGoes gant Breizhveuriz : neptu e oa an Izelvroioù er brezel-se. Ne voe ket kement a zistruj e-pad an Eil Brezel-bed, met ac'hubet e voe Goes gant an Alamaned betek 1944. Er bloavezhioù 1970 ha 1980 e kreskas poblañs Goes ha savet e voe distrigoù nevez evel Goese Meer, Oostmolenpark, Overzuid hag Ouverture. Hiziv an deiz ez eo Goes pevare kêr Zeeland a-fet nerzh ekonomikel.

Distrigoù nevez a zo o vezañ savet, Goese Schans, Mannee hag Aria en o zouez. 3 000 ti nevez a zo raktreset.

Distrigoù

Goes Centrum
Goes West
Nieuw West
Goes Oost
Noordhoek
Goese Meer
Goese Polder
Goes Zuid
Overzuid
Ouverture
De Goese Poort
De Poel (I, II, III, IV)
Klein Frankrijk
Marconi
Aria (war ziorren)
Mannee (war ziorren)
Goese Schans (war ziorren)

Liammoù diavaez

Commons

Muioc'h a restroù diwar-benn

Goes

a vo kavet e Wikimedia Commons.

Porched an Izelvroioù – Adkavit pennadoù ha rummadoù Wikipedia a denn d'an Izelvroioù.