Malagueña Salerosa

• Arabat droukveskañ ar ganaouenn a zo kaoz anezhi amañ gant ar ganaouenn anvet Malagueña (kanaouenn), a zo 6vet luskad ar Suite Andalucia gant Ernesto Lecuona.
• Ur pennad Malagueña zo ivez.

Malagueña Salerosa, anavezet ivez evel La Malagueña, zo ur son huasteco pe huapango eus Mec'hiko hag a vije bet savet gant Elpidio Ramírez ha Pedro Galindo. Gant kalz a dud ez eo bet kanet hag enrollet.
Embannet e oa bet gant Peer International en 1947 ; gwirioù zo warni, goude ma lavar lod n'eus ket dre ma'z eo ur ganaouenn folklorel gozh.

An oberourien

Hervez ar sonaozour Nicandro Castillo ez eo dizanv ha hengounel un toullad mat a ganaouennoù lakaet war-gont Elpidio Ramírez, Roque Ramírez ha Pedro Galindo, evel Cielito lindo ha La Malagueña , pa oant anavezet, evel La Guasanga pe El Sacamandú, pell a-raok o enrolladenn hag a dleje bezañ er foran.

Ar ganaouenn

Kaoz zo eus ur gwaz o komz gant ur plac'h eus Málaga (e Spagn) hag o lavarout dezhi koantat eo-hi, e plijfe dezhañ dimeziñ dezhi nemet hervezañ e ra-hi fae warnañ peogwir eo rebaour.

Sonerien ha kanerien

Kalz tud o deus kanet ha sonenrollet ar ganaouenn, diaes bras da ganañ, lazoù huasteco, nouspet mariachi, triadoù sonerien bolero. Ar ganadenn vrudetañ e vije hini Miguel Aceves Mejía gant ur mariachi.

• Antonio Aguilar,
• Mariachi Vargas,
• David Záizar

Gant triadoù bolero ec'h enever:

• Los Panchos^[1] ,
• Los Tres Ases.
• Trio Chicontepec,
• Trio resplandor huasteco

Ouzhpenn sonerien eus Mec'hiko o deus kanet anezhi, evel:

• José Feliciano
• Rafael Mendez en albom Mendez And Almeida Together
• Lydia Mendoza
• Pablito Ruiz
• Nana Mouskouri ,
• Tish Hinojosa, kanerez eus Texas, en hec'h albom Aquella Noche
• Placido Domingo.
• Chingón, ul laz rock tex-mex, er bladenn soundtrack of Kill Bill Vol. 2, sonet nerzhus ha trouzus^[2].
• Bud & Travis e 1959 en albom Bud and Travis.
• The Limeliters e 1960 en albom The Limeliters.
• Ray Boguslav e 1961 en albom Curfew shall not ring tonight ,
• Paco de Lucía e 1967 en e albom Dos guitarras flamencas en America Latina
• Al laz The Tubes, eus San Francisco, e 1975 en o albom The Tubes (albom).
• Eddie Palmieri, en e albom El Rumbero del Piano e 1998
• Helmut Lotti e 2000 en albom Latino Classics.
• Olivia Ruiz e 2005 en hec'h albom La femme chocolat, gant Didier Blanc ( "La Molinera" a lavar-hi eus ar ganaouenn)
• Gaby Moreno en hec'h albom "Ilusiones" e 2016^[3].

Notennoù

1. [1]
2. : http://www.youtube.com/watch?v=EDDRP6dLDhk
3. Kanet gant Gaby Moreno.

Liammoù diavaez

• Komzoù
• Komzoù
• Kanet gant ar Mariachi Vargas : Kanet gant ar Mariachi Vargas .
• Kanet gant ur mariachi all: [2]
• Kanet gant Javier Solis: [3]
• Kanet gant Gaby Moreno: https://www.youtube.com/watch?v=XLBlns8wOBA
• Kanet gant Nana Mouskouri (lenn ar c'homzoù a c'haller) : [4]