Ploeneg

Ploeneg
An iliz katolik.
Anv gallek (ofisiel)	Plouhinec
Bro istorel	Kernev
Melestradurezh
Departamant	Penn-ar-Bed
Arondisamant	Kemper
Kanton	Pontekroaz (betek 2015) Douarnenez (abaoe 2015)
Kod kumun	29197
Kod post	29780
Maer Amzer gefridi	Yvan Moullec 2020-2026
Etrekumuniezh	Kumuniezh kumunioù Bro ar C'hab
Bro velestradurel	Bro Gerne
Lec'hienn Web	Ti-kêr
Poblañsouriezh
Poblañs	3 940 ann. (2020)[1]
Stankter	140 ann./km²
Douaroniezh
Daveennoù lec'hiañ	48° 00′ 51″ Norzh 4° 29′ 11″ Kornôg / 48.01430000, -4.48630000
Uhelderioù	bihanañ 0 m — brasañ 104 m
Gorread	28,05 km²
Ploeneg
kemmañ

Ploeneg a zo ur gumun eus Kerne-Izel e kanton Douarnenez, e departamant Penn-ar-Bed, e Bro ar C'hab e kornôg Breizh. Graet e vez Ploenegerien eus an dud a zo o chom enni.

An anv

Plouhinec eo an anv ofisiel gallek. Ur gumun all e departamant ar Mor-Bihan a zo anvet Plouhinec ivez e galleg, met Pleheneg e brezhoneg. Lavaret ez eus e oa savet an anv diwar hini sant Winog^{(Daveoù a vank)}, met faltazius e vije hervez lod^{(Daveoù a vank)}. Dont a rafe kentoc'h eus ploe hag ethin (lann e henvrezhoneg hag e kembraeg), hag an dibenn -eg (evel en anv Banaleg).

Douaroniezh

• War aod ar Meurvor Atlantel emañ Ploeneg e penn krec'h ur wareg aodoù hag a ya eus Beg ar Raz betek Beg Penmarc'h e Gevred a zo bet graet ar Gammell anezhi^[2]. Roc'hellek ha traezhennek tro-ha-tro eo an aod, kornôg-reter dre-vras e reteradur. E Norzh an aod e kaver un antiklinal etre ar mor ha traoñienn ar Gwaien dezhañ ur reteradur kenstur.

Brezhoneg

Ar Brezoneg er Skol

• 1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol^[3].

Magouri

• Ar Vagouri-kêr "Les petits Korrigans" a ro un tañva d'ar brezhoneg.

Istor

Ragistor

• Kavet eo bet roudoù eus obererezh an Den eus ar re goshañ en ur gev war an aod e-kichen kêriadenn Menez-Dregan. 400 000 bloaz 'zo e oa bet enaouet un tan el lec'h-se, da lavaret eo roud koshañ un tan a zo bet kavet en Europa. Nepell eus ar c'hev e weler lec'h uhelañ kab ar Souc'h m'emañ nemorantoù teir zaol-vaen warnañ. Ac'hano e c'heller gwelout kement bag a dremen etre Beg-ar-Raz ha Beg Penmarc'h ken e soñj d'an hendraourien e oa ul lec'h arouezel en amzerioù koshañ.

Dispac'h Gall

• Dekred eus ar 26 a viz Du 1790 war al le ret: e penn-kentañ 1791 e voe nac'het al le ouzh ar Roue, ar vro hag al lezennoù gant Perrien, person, ha Kerdreac'h, beleg^[4].

XX^vet kantved

Brezel-bed kentañ

• Mervel a reas 235 gwaz eus ar gumun abalamour d'ar brezel, eleze 3,61% ag ar boblañs hervez an niveradeg bet graet e 1911^[5].
• E-touez an dud lazhet, en Emgann Rossignol : François Moullec, ganet e 1894.

Eil brezel-bed

• Mervel a reas 105 den ag ar gumun abalamour d'ar brezel^[6].

Brezel Korea

• Lazhet e voe ur c’horporal eus ar gumun e Myojang Myon d’ar 6 a viz Here 1952^[7].

Brezelioù didrevadennañ

Brezel Indez-Sina

• Mervel a reas ur milour eus ar gumun e miz Du 1951 e That Khé en Tonkin er Viêtnam^[8].

Brezel Aljeria

• Mervel a reas daou vilour eus ar gumun^[9].

Monumantoù ha traoù heverk

• An iliz katolik.
• Monumant ar re varv, aozet gant René Quillivic; dilec’hiet e voe d’ar 15 a viz C'hwevrer 2012; luc’hskeudennoù^[10],[11].
• Plakenn ar besketaerien marvet d’an 1 a viz Ebrel 1917, luc’hskeudenn^[12].

Bez ar C'hommonwealth e bered ar gumun

Bro	Niver a vilourion
Rouantelezh-Unanet	1 (aerlu)
Hollad	1

Karrnijour e oa. Mervel a reas e-pad an Eil Brezel Bed d'an 19 a viz Kerzu 1942 pa gouezhas e garr-nij Harrow (marilhet K7011) er mor^[13],[14].

Emdroadur ar boblañs abaoe 1800

Melestradurezh

Gevelliñ

Bro	Kêr	Abaoe
Iwerzhon	Maighean Rátha	1998

Liammoù diavaez

Commons

Muioc'h a restroù diwar-benn

Ploeneg

a vo kavet e Wikimedia Commons.

• (br) Ploeneg war lec'hienn Geobreizh

Notennoù ha daveoù

1. Roadennoù ofisiel e lec'hienn an EBSSA
2. Geriadur Gregor Rostrenenn
3. (fr)Marsel Guieysse, La langue bretonne : ce qu'elle fut, ce qu'elle est, ce qui se fait pour elle et contre elle, pajenn 265, Kemper, Nouvelles Éditions Bretonnes, 1936
4. Kristof Jezegoù, Hor Bro e-pad ar Revolusion, Ti-moullañ Ar Bobl, Karaez, 1915, pajenn 49
5. (fr)Memorial Genweb
6. (fr)Memorial Genweb
7. (fr)Fichenn hiniennel - Memorial Genweb
8. (fr)Fichenn hiniennel - Memorial Genweb
9. (fr)Memorial Genweb
10. (fr)Université de Lille
11. (fr)Memorial Genweb
12. (fr)Memorial Genweb
13. (fr)Pertes R.A.F Finistère
14. (en)Commonwealth War Graves Commission