Pontos (bro)
Ur pennad Pontos zo ivez.
Pontos (henc'hresianeg Πόντος, Pontus e latin) zo ur vro zo bet anezhi en Azia-Vihanañ, en arvor kreisteiz ar Mor Du en Henamzer, un douar hag a zo e Turkia hiriv.
Dont a ra an anv eus ar Mor Du a oa anvet Πόντος Εύξεινος Pontos Euxeinos (da lâret eo "Mor degemerus"[1]) en henc'hresianeg, gant tud Henc'hres.
Kentañ meneg eus an impalaeriezh-se a gaver en Anabasis Ksenofon.
Ment ar vro a gemmas hervez ar mare met peurliesañ en em lede eus Kolc'his (Jorjia a-vremañ) betek e diabarzh Paflagonia er c'hornôg. Meur a stad hag a broviñs zo bet dezho un anv kar da hini Pontos en amzerioù hellenadek, roman ha bizantat.