Priel

Priel
Porzh ar Roc'h-Velen e genoù ar Yeodi.
Anv gallek (ofisiel)	Plouguiel
Bro istorel	Bro-Dreger
Melestradurezh
Departamant	Aodoù-an-Arvor
Arondisamant	Lannuon
Kanton	Landreger
Kod kumun	22221
Kod post	22220
Maer Amzer gefridi	Pierre Huonnic 2020-2026
Etrekumuniezh	Lannuon-Treger Kumuniezh
Bro velestradurel	Bro Treger-Goueloù
Lec'hienn Web	(fr)Ti-kêr
Poblañsouriezh
Poblañs	1 744 ann. (2020)[1]
Stankter	91 ann./km²
Douaroniezh
Daveennoù lec'hiañ	48° 47′ 53″ Norzh 3° 14′ 22″ Kornôg / 48.798055556, -3.239444444
Uhelderioù	bihanañ 0 m — brasañ 67 m
Gorread	19,07 km²
Priel
kemmañ

Priel. Panell ar Gêr

Priel (distaget [pri'ɛl] er vro, [plø'jɛl] pelloc'h) zo ur gumun eus Breizh e kanton Landreger, e departamant Aodoù-an-Arvor, war lez kleiz aber stêr Landreger.

Douaroniezh

Bevennet eo Priel gant an dour : ur mor (hini Breizh) ha div stêr (ar Gindi ha genoù ar Yeodi (rinier Landreger).

• Gwelout ivez : ar Roc'h Velen.

Ar Vinic'hi, Kamlez, Landreger, Perwenan ha Plougouskant eo ar c'humunioù amezek.

Dezougen

• 
  Karrbont Kerdeozer bet savet gant Louis Harel de la Noë.

• War al linenn hent-houarn Landreger Lannuon (1906- serret e 1949) emañ Priel.

Anv

"Ploeguyel" c. 1160 (Dom Morice); "Ploeguiel", 1253 ha c. 1330 (Eskoptioù Breizh) ; "Plogul", "Ploeguier", "Ployguiel", "Pluiguyel", "Ploeguielle", Plueyguiel", "Pluoyguiel", "Pluyguiuel", 1330 (prosez santelezhadur sant Erwan); "de Plebello ?", 1371 (Dom Morice); "Ploeguiell" 1420 (Yann V); "Ploeguiel", 1426, "Ploueguiel" 1516, (diellevr Redon); "Ploueguel", 1592 (Eskoptioù Breizh); "Plonguel", 1630 (Ao. Hardy)^[2] Dont a ra eus an anv kozh Plougiel (alese an anv ofisiel gallek), deuet eus an anv Kiel, skrivet Chielus en ur Vita eus 884 gant un diskibl da Baol Aorelian^[3].

Ardamezioù

N'ez eus ket evit ar poent.

Istor

XX^vet kantved

Brezel-bed kentañ

• E-pad ar Brezel Bras e oa bet degemeret e Priel, e-tal kaeoù Landreger, unan eus kentañ bonioù dournijerezioù. E 2004 e oa bet savet ur monumant koun war lec'hienn ar Roc'h Du.
• Mervel a reas 96 gwaz abalamour d'ar brezel hervez monumant ar re varv, da lavaret eo 4,37 % ag ar boblañs hervez an niveradeg bet graet e 1911^[4].

Eil Brezel-bed

• Mervel a reas 31 den eus ar gumun abalamour d'ar brezel^[4].

Brezelioù didrevadennañ

Brezel Indez-Sina

• Mervel a reas pemp soudard.

Brezel Aljeria

• Mervel a reas ur soudard e 1962 .

Monumantoù ha traoù heverk

• 
  Zant Goueno, Pedet evidomp
• 
  Zant Laurans, Pedet evidomp

• Iliz katolik Itron Varia.

• 
  Kastell Keralio

• Kastell Keralio, XV^vet kantved, a c'haller gweladenniñ an diavaez anezhañ adalek miz Gouere betek miz Gwengolo.
• Chapel Itron-Varia ar C'heloù Mat.

• 
  Ar maner hag e liorzh.

• Liorzhoù ar plant arallvro e Maner Kestellig.

• 
  An dourbont.
• 
  An dreuzell.

• Dourbont ar Gindi bet savet adalek 1610 betek 1623.
• Treuzell Sant-Frañsez (dreist ar Gindi).

• 
  Ar monumant.

• Monumant ar re varv e-tal an iliz katolik, luc’hskeudenn ha kartenn-bost^[5].
• Plakenn ar re varv (1914-1918) en iliz katolik, anv ebet outi, Da vugale ar barrouz marvet er brezel 1914-1918, luc’hskeudenn^[6].

Emdroadur ar boblañs abaoe 1962

Niver a annezidi

Melestradurezh

Listenn ar vaered
Mare		Anv	Strollad	Karg
2020	bremañ	Pierre Huonnic
miz Ebrel 2014	2020	Jean-Yves Nédélec
miz Meurzh 2008	Ebrel 2014	Rolande Clochet
1995	miz Meurzh 2008	Michel Bataille
--	1995	François Gégou	PCF
N'eo ket anavezet c'hoazh an holl fedoù.

Tud brudet

• Mabik Rémond (1835-1905) a oa ur skarzher-siminal ha livour kantreat e Sant-Erwan,
• Alexander Calder (1898-1976) a oa ur c'hizeller hag ul livour amerikan hag a chomas e Breizh ingal, adalek 1931. Prenañ a reas ti ar Palud, er Roc'h Velen, e Priel, e 1957,
• Yann Sohier (1901-1935), skolaer ha diazezer ar gelaouenn Ar Falz (1932), a oa chomet eno ; tad Mona Sohier an hini eo, gwall anavezet evel Mona Ozouf.

Tud bet ganet eno

• Charles Trémel, Jarl Priel e anv-pluenn, skrivagner brezhonek ; anavezet mat eo abalamour d'e oberenn veur, da lâret eo teir levrenn: Va Zammig Buhez, Va Buhez e Rusia hag Amañ hag ahont - e eñvorennoù, 23 a viz Ebrel 1885.

Tud bet marvet eno

• Jean-François-Marie Le Guen, Yann ar Gwenn pe "Dall-ar-Gwenn", ar gwerzour dall, 29 a viz Kerzu 1849.

Ardamezeg ar familhoù

	Arel, aotrounez Lesguiel	Palefarzhet etre argant ha glazur
	Artur, aotrounez Keralio	En glazur e greskenn en argant, heuliet gant teir rodig-kentr ivez en argant

Gevelliñ

• Castèthnau de Manhoac (Okitania) abaoe 1999

Liammoù diavaez

Commons

Muioc'h a restroù diwar-benn

Priel

a vo kavet e Wikimedia Commons.

• (br)Priel war lec'hienn Geobreizh

Levrlennadur

• (fr)Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014

Daveoù ha notennoù

1. Roadennoù ofisiel e lec'hienn an EBSSA
2. (br)Erwan Vallerie : Diazezoù studi istorel an anvioù-parrez. Corpus. An Here. 1995
3. (fr)Bernard Tanguy : Dictionnaire des noms de communes, trèves et paroisses des Côtes d'Armor. Origine et signification. ArMen - Le Chasse-Marée. 1992
4. (fr)Monumant ar re varv - Memorial Genweb
5. (fr)Memorial Genweb
6. (fr)Memorial Genweb