Roger Sherman Loomis
.jpg)
| Reizh pe jener | paotr  |
|---|---|
| Bro ar geodedouriezh | Stadoù-Unanet |
| Anv-bihan | Roger |
| Anv-familh | Loomis |
| Deiziad ganedigezh | 31 Her 1887 |
| Lec'h ganedigezh | Yokohama |
| Deiziad ar marv | 11 Her 1966 |
| Lec'h ar marv | Waterford |
| Tad | Henry Loomis |
| Mamm | Jane Herring Loomis |
| Breur pe c'hoar | Louise Ropes Loomis, Clara Denison Loomis |
| Pried | Gertrude Schoepperle, Laura Hibbard Loomis, Dorothy Bethurum |
| Yezhoù komzet pe skrivet | saozneg |
| Micher | kelenner skol-veur |
| Implijer | Columbia University, skol-veur an Illinois en Urbana–Champaign |
| Bet war ar studi e | Skol-veur Harvard, Williams College, Hotchkiss School, New College |
| Ezel eus | Medieval Academy of America |
| Prizioù resevet | Rhodes Scholarship, Haskins Medal, Fellow of the Medieval Academy of America, doctor honoris causa from the University of Lille |
Roger Sherman Loomis, ganet d'an 31 a viz Here 1887 e Yokohama ha marvet d'an 11 Here 1966 e Waterford, e Connecticut, a oa ur skolveuriad stadunanat hag unan eus an arbennigourien bennañ war lennegezh ar Grennamzer ha Mojenn Arzhur. Diskouez a reas gwrizioù Mojenn Arzhur er gwengeloù keltiek, ma c'heller adkavout peurgetket istor ar Gral Santel[1].
Buhez
[kemmañ | kemmañ ar vammenn]Mab e oa d'ar reverant Henry Loomis ha da Jane Herrings Greene ha mab-kuñv da Roger Sherman, unan eus Tadoù diazezerien ar Stadoù Unanet.
Tapout a reas un aotreegezh (bachelor of Arts) e Williams College in 1909 hag ur master e Skol-veur Harvard e 1910. E 1913 e soutenas un dezenn doktorelezh war lennegezh ar Grennamzer e Skol-veur Oxford. Danvez an dezenn e oa Skeudennadurioù ar marvailhoù en Arzoù saoz er grennamzer[2]
Adalek derou e remzad e talc'has da studiañ levezon ar wengelouriezh keltek war Mojenn Arzhur hag istor ar Gral Santel peurgetket. E 1930 ez eas da gemer perzh e Kendael etrebroadel an Arzhurianed kentañ, gouestlet da imbourc'hiñ mojennoù Arzhur hag ar Gral Santel. Lakaat a reas e anv e Kevredigezh etrebroadel an Arzhurianed ha lakaet e voe da gadoriad ar skourr stadunanat etre 1948 ha 1963. Ezel e voe eus meur a gevredigezh skolveuridi en e vro.
Distreiñ ar selloù diouzh al lennegezh kourtes
[kemmañ | kemmañ ar vammenn]E 1949 e lakaas R.S. Loomis war wel ne oa ket ar romantoù kourtes un adskrivadur eus marvailhoù an Henamzer ha pa vefe implijet danevelloù nevez Bro-Gembre e vijent deuet da Vro C'hall dre hanterouriezh an Normaned aet da aloubiñ Bro-Saoz. E diwezh an XIXvet kantved e oa bet un tabut skiantel etre Gaston Paris a soutene orinoù nann-keltiek ha Joseph Bédier a wele kontadennoù kembraek, evel re ar Mabinogion, treuzkaset d'ar c'hevandir gant ar Saozon.
Kinniget e voe gant Loomis klask e-barzh mojennoù Bro-Skos ha Bro-Gembre. En un tu e lakaas war wel plad burzhudus roue Stratklut, Rhydderch Hael, a c'helle pourveziñ boued diouzh ar goulenn hag en un tu all korn-boud Brôn pe vBran, haroz koulz er Mabonogion hag en ur gontadenn arzhurian. En danevell gembraek e weler Bron gant ur c'horn (korn e kembraek ivez) dezhañ ar varregezh da zegas traou hervez ar volontez, ar c'horn a builhentez anavezet e gwengelouriezh Hellaz. Treuzkomprenet ar ger korn ez eas da cors (kalon) ha da corps(korf) da c'houde. E-barzh oberenn Chrétien de Troyes e weler ur c'halir mat da enderc'hel korf ar C'hrist dindan stumm un ostiv hervez ar vojenn gristenaet.
E 1954 e kasas Roparz Hemon d'ar gelaouenn Al Liamm[3] un notenn levrlennadur hir diwar-benn eil embannadur Arthurian Tradition and Chrétien De Troyes hag e roas un diverradenn eus mennozioù pennañ Loomis :
1. An doueedoniezh keltiek a zo pennorin an hengoun arzhuriek.
2. An hengoun-se, o tont eus Iwerzhon, Kembre ha Kernev-Veur, a voe kaset gant danevellerien a vicher d'ar Vretoned, ha gant ar re-mañ d'ar C'hallaoued ha d'an Normaned-ha-Saozon.
3. An anviou-tud arzhuriek a zo peurliesañ deveret eus ar c'hembraeg, hag i alies distreset farsus o tremen dre yezhou estren ha dre bluenn skriverien dievezh pe nec'het.
Skridoù
[kemmañ | kemmañ ar vammenn]- Illustrations of Medieval Romance on Tiles from Chertsey Abbey (1916)
- Freshman Readings (1925)
- Celtic Myth and Arthurian Romance (1927)
- The Art of Writing Prose (1930) with Mabel Louise Robinson, Helen Hull ha Paul Cavanaugh
- Models for Writing Prose (1931)
- The Romance of Tristram and Ysolt (1931), troour
- Tristan and Isolt: A study of the Sources of the Romance', asambles gant Gertrude Schoepperle Loomis, 2vet embannadur, expanded by a bibliography and critical essay on Tristan scholarship since 1912, by Roger Sherman Loomis (New York, B. Franklin, 1960)
- Arthurian Legends in Medieval Art (1938), asambles gant Laura Hibbard Loomis
- Introduction to Medieval Literature, Chiefly in England. Reading List and Bibliography (1939)
- Representative Medieval And Tudor Plays (1942) editor with Henry W. Wells
- The Fight for Freedom: College Reading in Wartime (1943) with Gabriel M. Liegey
- Modern English Readings (1945), kenrener
- Medieval English Verse and Prose (1948) with Rudolph Willard
- Arthurian Tradition and Chrétien De Troyes (1949)
- Wales and the Arthurian Legend (1956)
- Medieval Romances (1957) kenrener asambles gant Laura Hibbard Loomis
- Arthurian Literature in the Middle Ages, A Collaborative History (1959), rener
- The Grail: From Celtic Myth to Christian Symbol (1963)
- The Development of Arthurian Romance (1963)
- A Mirror of Chaucer's World (1965)
- The Arthurian Material in the Chronicles: Especially Those in Great Britain and France (1973) expansion of Robert Huntington Fletcher's 1906 book
- Lanzelet (2005) troour Thomas Kerth, notennoù Loomis ha Kenneth G. T. Webster
Levrlennadur
[kemmañ | kemmañ ar vammenn]- Roparz Hemon, "Breizh ha marvailhoù Arzhur". E-barzh Al Liamm, niv. 42, 1954.
- Eisner, Sigmund (2013). "Roger Sherman Loomis (1887–1966)", Medieval Scholarship: Biographical Studies on the Formation of a Discipline. Volume 2: Literature and Philology. New York : Routledge. 381–393 p. ISBN 978-1-317-73202-0.
- (2002) "Arthur Sampson Napier, 1853–1916", Interpreters of Early Medieval Britain. Oxford : Oxford University Press. 91–116 p. ISBN 978-0-19-726277-1.
- "Loomis, Roger Sherman". The Grove Encyclopedia of American Art. (2011). Oxford: Oxford University Press. DOI:10.1093/acref/9780195335798.001.0001. ISBN 978-0-19-973926-4.
- Young, Jonathan (2005). "Cambell, Joseph (1904–87)". The Dictionary of Modern American Philosophers. Bristol, England: Thoemmes Continuum. 420–425. DOI:10.1093/acref/9780199754663.001.0001. ISBN 978-1-84371-037-0.
- "Roger S. Loomis of Columbia Dies: An Authority on King Arthur and His Knights Was 78", The New York Times (October 12, 1966), p. 43.
- (1970) Studies in Medieval Literature: A Memorial Collection of Essays.
Liammoù diavaez
[kemmañ | kemmañ ar vammenn]- The origins of the Holy Grail according to Roger Sherman Loomis
- New York Times Obituary
- LibraryThing
- Sherman Genealogy Including Families of Essex, Suffolk and Norfolk, England. By Thomas Townsend Sherman (ISBN 9781143159688)
Notennoù ha daveennoù
[kemmañ | kemmañ ar vammenn]- ↑ Gral, ha n'eo ket Graal {TermOfis). Chañch a reas ar sell a veze taolet war lennegezh Arzhur pa'z eas eus an oberennoù e galleg hag e yezhoù all d'he orinoù keltiek en-dro.
- ↑ Illustrations of the Romances in Mediæval English Art.
- ↑ Al Liamm, niv. 42, p.p. 30-34.