Salome merc'h Herodiadez

Ur pennad Salome zo ivez.

Friko Herodez, gant Lucas Cranach an Henañ.

Salome o tougen penn Yann ar Badezour war ur plad, livet gant Tizian.

Salome, gant Caravaggio. Palacio Real, Madrid.

Salome, gant Charles-Edmond Daux

Salome o tañsal dañs ar seizh gouel, gant Franz von Stuck, 1906

Salome (Σαλώμη / Salōmē, e gregach), a-wechoù Salome II, ganet war-dro -14 ha marvet etre 62 ha 71), a oa ur briñsez yuzev eus ar Iañ kantved.

Merc'h e oa da Herodez Filipos Iañ ha da Herodiadez. Div wech e timezas.

Da gentañ d'hec'h eontr, Herodez Filipos II, a oa hantervreur d'he zad. Da eil da Aristobule de Chalcis, roue Armenia Minor.

Merc'h-kaer e oa da Herodez Antipas^[1]. Dañset brav he devoa dirak lez ar roue, he leztad Herodez Antipas, ken en doa prometet ar roue reiñ dezhi pezh a gare. Evit ober plijadur d'he mamm e c'houlennas ma voe degaset penn Yann ar Badezour war ur plad. Oscar Wilde an hini a ra "dans ar seizh gouel" eus an dañs-se.

En Aviel

Anavezet eo dre an Testamant Nevez, dre pennadoù eus Aviel Mark (6:17-29) hag Aviel Mazhev ( 14:3-11), met n'eo ket roet hec'h anv : n'eus meneg nemet eus « ur verc'h da Herodiadez» . Yann ar Badezour a lavar droug diwar-benn adddimeziñ he mamm Herodiadez da Herodez Antipas.

Dont a raio ar bugel dinamm da vezañ un dare temterez awawenet an arzourien ganti, adal an XIXvet kantved dreist-holl^[2].

En Antiquitates

Anavezet eo Salome avat dre oberenn Flavius Josephus, Antiquitates Judaicae, ma kaver hec'h anv ha munudoù a-zivout he familh el levrenn XVIII^[3]. He mamm he devoa kuitaet he fried Herodez II, mab da Herodez, evit dimeziñ d'e vreur, Herodez Antipas, a oa tetrark Galilea. Flavius Josephus a skriv e oa kement-se a-enep al lezennoù broadel, rak, emezañ, «  dispartiet e oa Herodiadez eus he fried hag a oa bev bepred.»

Lennegezh

E galleg

• Al légende dorée gant Jacques de Voragine
• Hérodias gant Gustave Flaubert
• A rebours gant Huysmans
• Les Noces d’Hérodiade gant Mallarmé
• Hérodiade gant Théodore de Banville
• Salomé, pezh-c'hoari gallek gant ar skrivagner saoz Oscar Wilde, embannet en 1893. Er pezh emañ «Dañs ar seizh gouel»
• Salomé, barzhoneg gant Guillaume Apollinaire, en dastumad Alcools, en 1913

E saozneg

• Salome, barzhoneg gant Carol Ann Duffy.

Liverezh

Er XV^vet kantved e voe awenet meur a livour gant Salome :

• livourien alaman ha flandrezat, evel Rogier van der Weyden, Memling ha Lucas Cranach an Henañ.
• livourien italian evel Botticelli, Sebastiano del Piombo, Tizian, Caravaggio, Battistello Caracciolo, Guido Reni, le Guerchin, Carlo Dolci. Darn anezho a livas Salome meur a wech, evel Tizian ha Caravaggio.

Sonerezh

• Hérodiade, c'hoarigan gant Massenet (1881)
• Salomé, pezh-c'hoari gallek gant Oscar Wilde, (1893), troet e saozneg gant Lord Alfred Douglas, 1895.
• Salome, c'hoarigan gant Richard Strauss e 1905, diwar an droidigezh alamanek (gant Hedwig Lachmann, mamm-gozh Mike Nichols) eus pezh Oscar Wilde.
• Salomé, c'hoarigan gant Antoine Mariotte (krouet en 1908)

Filmoù

• Salomé, film gant Charles Bryant e 1923,
• Salomé, film gant William Dieterle e 1953,
• Salomé, film gant Carlos Saura e 2002.
• [[Visage (film, 2009)|V'Salomé, film gant J. Gordon Edwards e 1918.

Barrez

• La tragédie de Salomé, barrez gant Florent Schmitt

Levrlennadur

• Étude du mythe de Salomé en littérature, Éditions du CRDP de Paris.
• Claudine Gauthier, Saint Jean et Salomé. Anthropologie du banquet d’Hérode, Tours, Éditions Lume, 2008, 304 p. .
• Salomé dans les collections françaises, diskouezadeg, Saint-Denis, 1988, Tourcoing, 1988, Albi, 1988.

Pennadoù kar

• Dañs ar seizh gouel

Notennoù

1. Mireille Hadas-Lebel, « Généalogie des Hérodiens », e-barzh Rome, la Judée et les Juifs, éd. Picard, 2009, p. 44.
2. Camille Focant, Marc, Un évangile étonnant, éd. Peeters, 2006, p. 195.
3. http://remacle.org/bloodwolf/historiens/Flajose/juda18.htm#V.

Commons

Muioc'h a restroù diwar-benn

Salome

a vo kavet e Wikimedia Commons.