Sant-Kouled

Sant-Kouled
An ti-kêr.
Anv gallek (ofisiel)	Saint-Coulitz
Bro istorel	Kernev
Melestradurezh
Departamant	Penn-ar-Bed
Arondisamant	Kastellin
Kanton	Kastellin (betek 2015) Kraozon (abaoe 2015)
Kod kumun	29243
Kod post	29150
Maer Amzer gefridi	Gilles Salaün 2020-2026
Etrekumuniezh	Kumuniezh kumunioù Pleiben-Kastellin-Porzhe
Bro velestradurel	Bro Gerne
Lec'hienn Web	Ti-kêr
Poblañsouriezh
Poblañs	459 ann. (2020)[1]
Stankter	41 ann./km²
Douaroniezh
Daveennoù lec'hiañ	48° 11′ 28″ Norzh 4° 03′ 36″ Kornôg / 48.191111, -4.06
Uhelderioù	bihanañ 6 m — brasañ 212 m
Gorread	11,22 km²
Sant-Kouled
kemmañ

Sant-Kouled a zo ur gumun e Bro-Gerne, e departamant Penn-ar-Bed e kornôg Breizh e-kichen Kastellin.

Douaroniezh

Kouled pe Koulizh?

Dre fazi ez eus bet treuskrivet a-wechoù anv ar sant-mañ "Koulizh" e brezhoneg a-vremañ, dre grediñ e oa "tz" ar skrivadur ofisiel "Coulitz" evit un "th" kozh a ya da "zh" e brezhoneg a-vremañ. Pardon ar sant : d'an eil Sul a viz Gwengolo. Darn o deus tostaet an anv da hini un eskob eus Cill Dara en Iwerzhon.

Brezhoneg

Ar Brezoneg er Skol

• 1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol^[2].

Istor

XVII^vet kantved

• Nac'het e voe an distaoliadeg roueel e miz C'hwevrer 1676 ouzh pevar den eus Sant-Kouled, Laurens Poulenac, Ollivier Le Provost, Hervé de Kersalun ha Jean Riou, goude Emsavadeg ar Bonedoù ruz^[3].

Dispac'h Gall

• Dekred eus ar 26 a viz Du 1790 war al le ret: e penn-kentañ 1791 e voe graet al le ouzh ar Roue, ar vro hag al lezennoù gant Poho, person ar barrez; dont a reas war e c'her^[4].

XX^vet kantved

Brezel-bed kentañ

• Mervel a reas 26 gwaz ag ar gumun, da lâret eo 4,63% ag he foblañs e 1911, abalamour d'ar brezel^[5].

Eil brezel-bed

• Lazhet e voe ur Rezistant eus ar gumun e Karaez d’ar 15 a viz Gouhere 1944^[6].

Kofi Yamgnane, Maer

• 1989: Kofi Yamgnane, a-orin eus Togo, a zeu da vezañ ar maer kentañ e Breizh a-orin afrikan. Kannad e Kambr ar Gannaded e voe diwezhatoc'h ivez (1997-2002), ha sekretour-stad.

Monumantoù ha traoù heverk

• 

• Iliz Sant-Kouled, XVI^vet-XVII^vet kantved gant ul liorzh-iliz, ur garnel hag ur c'halvar enni.
• Chapel Sant-Laorañs, XVII^vet kantved ha feunteun Sant-Laorañs e kêriadenn Troboa.
• Monumant ar re varv, luc’hskeudenn^[7].
• Stêr Aon kanoliet.

Emdroadur ar boblañs abaoe 1962

Niver a annezidi

Melestradurezh

Tud

• Kofi Yamgnane, politikour.
• Koulizh Kedez, skrivagner brezhonek.

Gevelliñ

Liammoù diavaez

Commons

Muioc'h a restroù diwar-benn

Sant-Kouled

a vo kavet e Wikimedia Commons.

• (br) Sant-Kouled war lec'hienn Geobreizh

Daveoù ha notennoù

1. Roadennoù ofisiel e lec'hienn an EBSSA
2. Marsel Guieysse, La langue bretonne : ce qu'elle fut, ce qu'elle est, ce qui se fait pour elle et contre elle, pajenn 265, Kemper, Nouvelles Éditions Bretonnes, 1936
3. Arthur Le Moyne de La Borderie , La Révolte du Papier Timbré advenue en Bretagne en 1675, adembannet e Les Bonnets Rouges, Union Générale d'Éditions (dastumadeg 10/18), Pariz, 1975 (e galleg)
4. Kristof Jezegoù, Hor Bro e-pad ar Revolusion, Ti-moullañ Ar Bobl, Karaez, 1915, pajenn 44
5. Memorial Genweb
6. Fichenn hiniennel - Memorial Genweb
7. Memorial Genweb