Susanne Albrecht

Susanne Albrecht (1añ a viz Meurzh 1951 e Hamburg) a zo un alamanez bet ezel eus eil rummad Rote Armee Fraktion.

Yaouankiz

Merc'h ur breutaer pinvidik eo Susanne Albrecht, ha kas a reas he yaouanliz en ur c'harter pinvidik eus Hamburg.^[1] N'en em blije ket er skol bublik, sed ma voe kaset d'ur skol brevez e Holzminden. E 1971 ez eas da skol-veur Hamburg da studiañ ar sokiologouriezh, hag er memes koulz e voe dedennet gant ar marksouriezh. Kemer perzh a reas e meur a strollad politikel, hag ivez en ur strollad skwaterien, a-raok dilojañ d'ur ranndi asambles gant Karl-Heinz Dellwo. Er memes koulz e krogas da zaremprediñ izili zo eus RAF evel Ilse Stachowiak, hag a implije paperioù indetelezh Albrecht a-wechoù.^[1]

E 1974 e kemeras perzh e Kuzul a-enep jahinañ prizonidi bolitikel Alamagn ar C'hornôg. Ur strollad a save a-enep an doare ma veze bac'het izili RAF e oa. Asambles ganti e oa tud all evel Dellwo.^[1]

E Hamburg e feurmas ur ranndi asambles gant c'hwec'h den all. Er ranndi-se ne oa na strinkadenn na kibell ebet. Lavaret he dije diwar-benn he buhez kent : "Aet e oan skuizh gant ar c'haviar hag an eog mogedet."^[1] Asambles gant Sigrid Sternebeck ha Silke Maier-Witt (lesanvet Moerebed Hamburg^[2]) e teuas da vezañ un den a-bouez e metoù an tu-kleiz, hag e krogas da skoulmañ darempredoù gant izili RAF.

Gwalldaolioù

E miz Gouere 1977 ez eas Susanne Albrecht da welout paeron he c'hoar, Jürgen Ponto e anv. E penn Dresdner Bank e oa-eñ, ha ken tost dezhi ha d'he familh ma veze graet "Eontr Jürgen" anezhañ ganti. Asambles ganti e oa Brigitte Mohnhaupt ha Christian Klar. Klask a rejont skrapañ Ponto, me stourm a reas hag e voe tennet warnañ gant Mohnhaupt ha Klar hag e varvas.^[2] Da-heul muntr Ponto e voe embannet ur gemennadenn sinet gant Albrecht ma lenner :

"ne ouezemp ket e c'halle an dud-se bezañ sabatuet pa vez feulster en o zi dezho, padal e kaonts brezelioù en Trede Bed hag e tistrujont poblañsoù en o fezh."^[3]

Etre 1978 ha 1979 ez eas Susanne Albrecht da Yemen, ma teskas ar guerilla en ur c'hamp palestinat.
E miz Even 1979 e klaskas Susanne Albrecht (asambles gant Werner Lotze ha Rolf Clemens Wagner) drouklazhañ Alexander Haig (pennkommandant NATO) e Mons, Belgia dre lakaat danvez-tarzh e-kichen e garr. Re ziwezhat e tarzhas ar vombezenn ha ne voe ket gloazet Haig.
E 1980 e tec'has war-zu DDR^[4] ma voe gwarezet gant ar Stasi^[5]^,^[6] ha ma voe roet un anv nevez dezhi.

Harzet ha bac'het

En Alamagn ar Reter e labouras Susanne Albrecht evel troourez war ar saozneg gant an anv Ingrid Jäger,^[2] hag e timezas gant ur skiantour, ur mab a voe ganet. Nag an tad nag ar bugel a ouie pezh he doa graet en amzer tremenet. E Köthen edo o chom. E 1986 e voe anavezet, goude skignañ keleier skinwel diwar-benn RAF en Alamagn ar C'hornôg. Da Verlin e tilojas. Pa voe adunvanet Alamagn e voe kavet ha harzet dirak he ranndi d'ar 7 a viz Even 1990. Seizh den all a voe harzet dindan dek devezh^[7]. Kondaonet e voe da zaouzek vloaz toull-bac'h gant lez-varn uhel Stuttgart, ha dieubet e voe e 1996.

Er bloavezhioù tremenet eo bet Susanne Albrecht o labourat en ur skol kentañ derez e Bremen gant un anv faos, evel kelennerez alamaneg da vugale divroidi^[8].

Notennoù

↑ ^1,0 ^1,1 ^1,2 ha^1,3 Jillian Becker, Hitler's Children, 1978, Granada Publishing Ltd., isbn0-586-04665-8
↑ ^2,0 ^2,1 ha^2,2 Stefan Aust, Der Baader Meinhof Komplex, 2008, The Bodley Head, isbn978-1-847-92045-4
↑ https://web.archive.org/web/20140802213856/http://www.germanguerilla.com/red-army-faction/raf_timeline.html
↑ http://query.nytimes.com/gst/fullpage.html?res=9C0CE7D6123DF933A15751C1A966958260 The New York Times, German Who Hid in the East Charged in '77 Terror Killing, 20 a viz Kerzu 1990
↑ https://web.archive.org/web/20080515225223/http://www.claremont.org/publications/crb/id.758/article_detail.asp
↑ https://web.archive.org/web/20120219110748/http://www.thedrawbridge.org.uk/issue_9/susanne_a/
↑ https://web.archive.org/web/20121026141248/http://www.time.com/time/magazine/article/0,9171,970493,00.html?iid=digg_share Time, Terrorism: Out of the Woodwork, 25 a viz Even 1990
↑ http://www.dw-world.de/dw/article/0,,2510817,00.html Deutsche Welle, Ex-Terrorist Becomes an Issue in German State Poll, 12 a viz Mae 2007

[Becker-1] 1,0 ^1,1 ^1,2 ha^1,3 Jillian Becker, Hitler's Children, 1978, Granada Publishing Ltd., isbn0-586-04665-8

[Aust-2] 2,0 ^2,1 ha^2,2 Stefan Aust, Der Baader Meinhof Komplex, 2008, The Bodley Head, isbn978-1-847-92045-4

[3] ttps://web.archive.org/web/20140802213856/http://www.germanguerilla.com/red-army-faction/raf_timeline.html

[4] ttp://query.nytimes.com/gst/fullpage.html?res=9C0CE7D6123DF933A15751C1A966958260 The New York Times, German Who Hid in the East Charged in '77 Terror Killing, 20 a viz Kerzu 1990

[5] ttps://web.archive.org/web/20080515225223/http://www.claremont.org/publications/crb/id.758/article_detail.asp

[6] ttps://web.archive.org/web/20120219110748/http://www.thedrawbridge.org.uk/issue_9/susanne_a/

[7] ttps://web.archive.org/web/20121026141248/http://www.time.com/time/magazine/article/0,9171,970493,00.html?iid=digg_share Time, Terrorism: Out of the Woodwork, 25 a viz Even 1990

[8] ttp://www.dw-world.de/dw/article/0,,2510817,00.html Deutsche Welle, Ex-Terrorist Becomes an Issue in German State Poll, 12 a viz Mae 2007

[1]

[2]

[3]

[4]

[5]

[6]

[7]

[8]